Շարժունություն «Էրազմուս+» միջազգային կրեդիտային ծրագրի շրջանակում ուսանողների համար. Պոզնանի համալսարան, Լեհաստան
30.01.20 - 10.02.20
ԵՊՀ միջազգային համագործակցության վարչություն

«Էրազմուս+» միջազգային կրեդիտային շարժունության գործողության շրջանակում Երևանի պետական և Ադամ Միցկիվեչի անվան Պոզնանի համալսարանների /Պոզնան, Լեհաստան/ միջև կնքված պայմանագրով նախատեսվում է 1 շարժունություն Պատմության ֆակուլտետի «Հնագիտություն և ազգագրություն» մասնագիտությամբ ասպիրանտների համար` 2019-2020 ուստարվա 2-րդ կիսամյակում ուսանելու նպատակով:

Աշխատանքային լեզուն անգլերենն է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Ավելի մանրամասն տեղեկատվություն ֆինանսավորման և «Էրազմուս+» միջազգային կրեդիտային շարժունության ծրագրի մասին կարող եք գտնել «Էրազմուս+» ազգային գործակալության կայքէջում՝ https://erasmusplus.am/credit-mobility/:

Ծրագրի դիմումներն ընդունվում են ԵՊՀ միջազգային կապերի բաժնում՝ էլեկտրոնային տարբերակով (էլ. հասցե՝ lia_evoyan@ysu.am):

Դիմումների ընդունման վերջնաժամկետն է 2020 թ. փետրվարի 10-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն՝ PDF տարբերակով).

1. անձնագրի պատճեն,
2. ինքնակենսագրական (CV) «Europass» ձևաչափով (https://europass.cedefop.europa.eu/),
3. մոտիվացիոն նամակ,
4. դիպլոմները՝ միջուկներով,
5. տեղեկանք ԵՊՀ-ում ուսանելու վերաբերյալ,
6. ուսումնառության համաձայնագիր (https://ec.europa.eu/programmes/erasmus-plus/resources/documents/applicants/learning-agreement_en),
7. անգլերենի իմացությունը հաստատող վկայական:

Հարցերի դեպքում և հավելյալ տեղեկատվության համար կարող եք դիմել ԵՊՀ միջազգային կապերի բաժին՝ Կենտրոնական մասնաշենք, 4-րդ հարկ, 408 սենյակ, հեռախոս՝ (+374 10) 554-641 (ներքին՝ 11-38):

Ծրագրի համակարգող՝ Լիա Էվոյան: