կամ
Հասարակության հետ կապերի և մարքեթինգի բաժնի ղեկավար
ԱՇԽԱՏԱՆՔ
«ԱՄԵՐԻԱԲԱՆԿ» ՓԲԸ-ին անհրաժեշտ է հասարակության հետ կապերի և մարքեթինգի բաժնի ղեկավար:

Աշխատանքի նկարագրություն

  • Ղեկավարել մարքեթինգային ռազմավարության ողջ ցիկլը՝ շուկայի մոնիտորինգ, մրցակիցների վերլուծություն, կանխարգելիչ և պատասխան գործողությունների մշակում՝ շուկայական փոփոխություններին ընդառաջ, հաճախորդների սեգմենտավորում և վարքագծի վերլուծություն՝ հիմնվելով տվյալների մեծ բազաների վերլուծության արդյունքների վրա, մարքեթինգային հաղորդակցման տարաբնույթ ուղիների համար ռազմավարությունների մշակում և դիրքավորման համապատասխան սցենարների կիրառում ընդհանուր բրենդի և գործունեության առանձին ուղղությունների համար:
  • Մշակել և վերահսկել հասարակության հետ կապերի ու մարքեթինգի բյուջեն և ռեսուրսները՝ դրանք համապատասխանեցնելով կազմակերպության ընդհանուր գործարար նպատակներին, ռազմավարություններին և ծրագրերին:
  • Կազմել բրենդի զարգացման/առաջխաղացման կայուն ու հետևողական առաջարկություններ, որոնք գործունեության բոլոր հիմնական ուղղությունները միավորում են մեկ ռազմավարության ներքո:
  • Պատասխանատվություն կրել հասարակության հետ կապերի ու մարքեթինգի բոլոր գործառնությունների մասով ներդրումների եկամտաբերությունը վերլուծելու և գնահատելու համար:
  • Վերահսկել մարքեթինգային հաղորդակցությունը (բրենդինգ, հասարակության հետ հարաբերություններ, գովազդ, միջոցառումներ/BTL, կորպորատիվ սոցիալական պատասխանատվություն, շուկայի հետազոտություն, թվային մարքեթինգ՝ կայքի կառավարում և զարգացում, SEO, SEM, SMM, Display, բովանդակության կառավարում և կայքի/բջջային հավելվածի ձևավորում), հետևել մարքեթինգային տեքստերի կազմման գործընթացին և այլն:
  • Կիրառել մարքեթինգային միջոցառումների ռազմավարական համալիր, կրճատել ծախսերը, բարձրացնել արդյունավետությունը և ապահովել պատշաճ կատարողական
  • Ղեկավարել ինտեգրված մարքեթինգային ծրագրերի իրականացումը մեկնարկից մինչև ավարտ, հստակեցնել յուրաքանչյուր արշավի նպատակը, ուղղվածությունը, մշակել գնահատման չափանիշները, կրեատիվ հայեցակարգը և դրա ներկայացումը, ինչպես նաև գնահատել զարգացման ընթացքը: 

Պահանջվող որակավորումներ

  • Բարձրագույն կրթություն (մարքեթինգ, հասարակության հետ կապեր, միջազգային գործարարություն, գործարար կառավարում և այլ ոլորտներում)
  • Նվազագույնը 7 տարվա աշխատանքային փորձ ղեկավար պաշտոնում խոշոր և/կամ միջազգային կազմակերպություններում (ցանկալի է՝ ցուցակված հանրային ընկերություններում)
  • Արդյունավետ և բազմաֆունկցիոնալ մարքեթինգային արշավների իրականացման և էլեկտրոնային մարքեթինգի ռազմավարությունների մշակման և իրականացման փորձ
  • Միաժամանակ մի քանի նախագծերի և ընկերությունների հետ աշխատելու ունակություն
  • Վերլուծական, պլանավորման, կանխատեսումներ անելու, բյուջեի կազմման/ֆինանսական հաշվարկների կատարման և մարքեթինգային զարգացած հմտություններ
  • Գրավոր և բանավոր հաղորդակցման գերազանց հմտություններ և բանակցելու ձիրք
  • Գերազանց համակարգչային գիտելիքներ, հատուկ մշակված ծրագրերով աշխատելու փորձ
  • Հայերենի, ռուսերենի և անգլերենի գերազանց իմացություն

Ցանկացողները կարող են ռեզյումեներն ուղարկել ԵՊՀ շրջանավարտների և կարիերայի կենտրոնի acc@ysu.am էլեկտրոնային հասցեին` թեմա (Subject) բաժնում նշելով աշխատանքի անվանումը:

Դիմումների ընդունման վերջնաժամկետն է՝ 28.05.2017թ.:

ՄԱԳԻՍՏՐԱՏՈՒՐԱՅԻ ԿՐԹԱԹՈՇԱԿ՝ ՀԱՄԱՅՆՔԱՅԻՆ ԽՆԴԻՐՆԵՐԻ ՆՈՐԱՐԱՐ ԼՈՒԾՈՒՄՆԵՐԻ ՀԱՄԱՐ
ՄԱԳԻՍՏՐԱՏՈՒՐԱՅԻ ԿՐԹԱԹՈՇԱԿ՝ ՀԱՄԱՅՆՔԱՅԻՆ ԽՆԴԻՐՆԵՐԻ ՆՈՐԱՐԱՐ ԼՈՒԾՈՒՄՆԵՐԻ ՀԱՄԱՐ
Այսօր տեղի ունեցավ «Աջակցություն ուսմանը՝ ապագայի ներդրում» խորագրով ծրագրի արդյունքների ամփոփիչ միջոցառումը, որն իրականացվում էր ԵՊՀ շրջանավարտների և կարիերայի կենտրոնի ու «ԱՄՔՈՐ Հայաստան» բարեգործական հիմնադրամի հետ:
ՈՒՍԱՆՈՂԱԿԱՆ ՏԱՐԻՆԵՐԻՑ ՄԻԱՅՆ ԴՐԱԿԱՆ ՀՈՒՇԵՐ ԵՆ ՄՆՈՒՄ. ԵՊՀ ՇՐՋԱՆԱՎԱՐՏ-2018
ՈՒՍԱՆՈՂԱԿԱՆ ՏԱՐԻՆԵՐԻՑ ՄԻԱՅՆ ԴՐԱԿԱՆ ՀՈՒՇԵՐ ԵՆ ՄՆՈՒՄ. ԵՊՀ ՇՐՋԱՆԱՎԱՐՏ-2018
Ամեն տարի՝ հունիսի 15-ից հուլիսի 27-ն ընկած ժամանակահատվածում, ԵՊՀ շրջանավարտները ստանում են իրենց դիպլոմները: Այսօր հանդիսավոր արարողությամբ իրենց ավարտական վկայականները ստացան Միջազգային հարաբերությունների ֆակուլտետի շրջանավարտները:
ԵՊՀ-ՈՒՄ ՀԱՆԴԻՊԵՑԻՆ ԳՈՐԾԱՏՈՒՆԵՐՆ ՈՒ ՈՒՍԱՆՈՂՆԵՐԸ
ԵՊՀ-ՈՒՄ ՀԱՆԴԻՊԵՑԻՆ ԳՈՐԾԱՏՈՒՆԵՐՆ ՈՒ ՈՒՍԱՆՈՂՆԵՐԸ
Այսօր ԵՊՀ գրադարանի ճեմասրահում տեղի ունեցավ «Intership Hunt. Որոնի՛ր և գտի՛ր քո հնարավորությունը» խորագրով տոնավաճառը: