Էջմիածնի Մայր Տաճարի թանգարանը 1869 թվականին կառուցել է Գևորգ Դ Կոստանդնուպոլսեցի կաթողիկոսը՝ Ռուսաստանի հայ համայնքի միջոցներով։ Մայր Տաճարի թանգարանը գտնվում է տաճարի հարավ-արևելյան մասում։ Շինությունը ձգվում է Մայր Տաճարի Ավագ Խորանի ողջ լայնությամբ՝ հարավային և արևելյան կողմերով։

Մինչ թանգարանի կառուցումը ավանդական սրբազան մասունքները պահվել են բեմի հետևում գտնվող սրահներում և արևելյան պահոցներում և դրանց դասավորվածությունը դժվարացրել է այդ իրերի ցուցադրությունը։ Թանգարանի կառուցումը հնարավորություն է տվել նմուշների ցուցադրության համար նոր պահարաններ ավելացնել, տեղեր հատկացնել ավելի մեծ իրերի համար։

Մայր Աթոռ Ս. Էջմիածնի թանգարանի հետ համագործակցում է ԵՊՀ պատմության ֆակուլտետը:

Հեռ.` (+374) 51-71-10
Հասցե` ՀՀ, Արմավիրի մարզ, ք.Էջմիածին
Կայք` www.armenianchurch.org