«ՀայՓոստ» ՓԲԸ-ն Հայաստանի Հանրապետության փոստային կապի ազգային օպերատորն է: 1992թ.-ից «ՀայՓոստ» ՓԲԸ-ն դարձել է Միացյալ ազգերի կազմակերպության մասնագիտացված գործակալության` Համաշխարհային փոստային միության անդամ՝ ներկայացնելով Հայաստանը միջազգային փոստային համագործակցության ասպարեզում:

«ՀայՓոստ» ՓԲԸ-ն ողջ ՀՀ-ում ունի ավելի քան 850 փոստային բաժանմունք, մատուցում է փոստային, կորպորատիվ և ֆինանսական ծառայություններ...:

«ՀայՓոստ» ՓԲԸ-ն, իր զարգացման ռազմավարական ծրագրով, մշտապես հանդես է գալիս նորարարություններով: Այսօր «ՀայՓոստ» ՓԲԸ-ն ունի մի շարք դուստր ընկերություններ.
• iNovation, որը բարձրակարգ ծրագրավորողներից բաղկացած ընկերություն է, զբաղվում է ՀայՓոստի և այլ ընկերությունների համար ծրագրային լուծումների կառուցումով, վեբ հավելվածների և կորպորատիվ համակարգերի մշակումով, բիզնես հետազոտության գործիքների տրամադրմամբ, թվային տեխնոլոգիաների խորհրդատվությամբ, թվային տրանսֆորմացիաների վերաբերյալ խորհրդատվությամբ և այլն,

• HayPostRetail դուստր ընկերությունը, որը զբաղվում է մանրածախ առևտրով,
• ավիացիոն բեռնափոխադրումներ իրականացնող HayPostAir ընկերությունը, որը հնարավորություն կտա ինչպես փոստի տեղափոխում, այնպես էլ այլ բեռնափոխադրումներ կատարել տարբեր ուղղություններով,

• PostCredit դուստր վարկային կազմակերպությունը, որը առաջիկայում մատուցելու է նոր տիպի վարկային և թույլատրելի այլ ֆինանսական ծառայություններ, որոնք դրական փոփոխություններ կբերեն սպառողներին և ֆինանսական շուկայի այլ մասնակիցներին:
«ՀայՓոստ» ՓԲԸ-ն համագործակցում է մի շարք միջազգային փոստային կազմակերպությունների, գործընկեր փոստերի և այլ շահագրգիռ կազմակերպությունների հետ:

«ՀայՓոստ»-ի հետ համագործակցում է ԵՊՀ շրջանավարտների և կարիերայի կենտրոնը:

Գլխավոր գործադիր տնօրեն ՝ Արայիկ Աբրահամյան


Հասցե` ՀՀ, ք. Երևան, Սարյան 22
Հեռ.` (+374 10) 51-45-14
Ֆաքս` (+374 10) 53-92-56
Էլ. հասցե` info@haypost.am
Կայք` www.haypost.am