ՀՀ պաշտպանության նախարարությունը գործադիր իշխանության մարմին է, որն իրականացնում է պաշտպանության բնագավառում Հայաստանի Հանրապետության կառավարության քաղաքականությունը:

Նախարարությունը պատասխանատու է ՀՀ պաշտպանության ապահովման, ՀՀ զինված ուժերի զարգացման և մարտական պատրաստականության համար: Նախարարության նպատակները և խնդիրներն են` Հայաստանի Հանրապետության անկախության, տարածքային ամբողջականության, պետական սահմանի անձեռնմխելիության ու անվտանգության պաշտպանության ապահովումը, անհրաժեշտ կառուցվածքով և թվաքանակով, ժամանակակից սպառազինությամբ ու ռազմական տեխնիկայով հագեցած զինված ուժերի զարգացման և բարձր մարտունակության ապահովումը, պաշտպանական և ռազմական քաղաքականության հիմնական ուղղությունների իրականացման ապահովումը և այլն:

Նախարարությունն իր գործունեությունն իրականացնում է Հայաստանի Հանրապետության օրենսդրությանը և այլ իրավական ակտերին համապատասխան:

ՀՀ պաշտպանության նախարարության աշխատակազմի հետ համագործակցում են ԵՊՀ իրավագիտության, Ժուռնալիստիկայի, Միջազգային հարաբերությունների, Փիլիսոփայության և հոգեբանության, Տնտեսագիտության և կառավարման և Ռոմանագերմանական բանասիրության, և Ռադիոֆիզիկայի ֆակուլտետները:

Աշխատակազմի ղեկավար՝ Գառնիկ Հայրապետյան

Հասցե` ՀՀ, ք. Երևան, Բագրևանդի 5
Հեռ.` (+374 10) 29-46-99
Էլ. հասցե՝ modpress@mil.am, press@mil.am
Կայք՝ www.mil.am