ՀՀ կրթության և գիտության նախարարությունը գործադիր իշխանության հանրապետական մարմին է, որը մշակում և իրականացնում է կրթության և գիտության բնագավառներում ՀՀ կառավարության քաղաքականությունը։

Նախարարության նպատակները և խնդիրներն են` հայ ժողովրդի հոգևոր և մտավոր ներուժի ամրապնդումը, ազգային և համամարդկային արժեքների պահպանումը և զարգացումը, կրթության և գիտության համակարգի բնականոն գործունեության ապահովումը, համակողմանիորեն զարգացած, հայրենասիրության, պետականության և մարդասիրության ոգով դաստիարակված անձի ձևավորման ապահովումը, կրթության և գիտության բնագավառների պահպանման ու զարգացման ապահովումը` որպես տնտեսության զարգացման, երկրի անվտանգության, մրցունակության ապահովման, կրթության, մշակույթի և հասարակական առաջընթացի բացառիկ կարևոր գործոն, յուրաքանչյուր քաղաքացու` իր ընդունակություններին և հակումներին համապատասխան առավել որակյալ կրթություն ստանալու հավասար հնարավորությունների ապահովումը, հասարակության ընդհանուր կրթվածության մակարդակի բարձրացմանը նպաստելը և այլն:

ՀՀ կրթության գիտության նախարարության աշխատակազմի հետ համագործակցում են ԵՊՀ իրավագիտության, Փիլիսոփայության և հոգեբանության և Ռոմանագերմանական բանասիրության ֆակուլտետները:

Աշխատակազմի ղեկավար՝ Նաիրի Հարությունյան

Հասցե՝ ՀՀ, ք. Երևան, Վազգեն Սարգսյան 3 շենք
Հեռ.` (+374 10) 52-66-02, (+374 10) 52-73-43
Ֆաքս`(+37410)52-73-43
Էլ. հասցե` info@edu.am
Կայք` www.edu.am