ՀՀ արտաքին գործերի նախարարությունը գործադիր իշխանության պետական մարմին է, որը ՀՀ նախագահի ընդհանուր ղեկավարությամբ մշակում և իրականացնում է արտաքին գործերի բնագավառում ՀՀ քաղաքականությունը, կազմակերպում և ղեկավարում է դիվանագիտական ծառայությունը` իրեն վերապահված լիազորությունների շրջանակում: ՀՀ ԱԳՆ-ն գործում է ՀՀ Սահմանադրության, օրենսդրության, նախագահի հրամանագրերի, կարգադրությունների և նրա կողմից կանխանշված արտաքին քաղաքական ուղեգծի հիման վրա:

Արտաքին գործերի նախարարության աշխատանքներն ուղղված են ՀՀ-ի արտաքին անվտանգության ամրապնդմանը, զարգացման արտաքին բարենպաստ պայմանների ապահովմանը, միջազգային ասպարեզում դիրքորոշումների ներկայացմանը, արտերկրում Հանրապետության և նրա քաղաքացիների շահերի պաշտպանությանը, միջազգային կազմակերպություններում և միջազգային գործընթացներում ներգրավվածության խորացմանը և այլն:

ՀՀ արտաքին գործերի նախարարության աշխատակազմի հետ համագործակցում են ԵՊՀ իրավագիտության, Արևելագիտության, Միջազգային հարաբերությունների, Տնտեսագիտության և կառավարման և Ռոմանագերմանական բանասիրության ֆակուլտետները:

Աշխատակազմի ղեկավար՝ Շահեն Ավագյան

Հասցե՝ ՀՀ, ք. Երևան, Կառավարական տուն 2
Հեռ.` (060) 620 375
Էլ. հասցե` info@mfa.am
Կայք՝ www.mfa.am