կամ
Կազմակերպություններ
Քվանտ վարժարան
«Քվանտ» վարժարանը Հայաստանի առաջին ոչ պետական դպրոցն է, 2011 թվականից նաև Միջազգային բակալավրիատի «Դիպլոմա» (The International Baccalaureate – IB) ծրագիրն իրականացնող հայկական առաջին դպրոցը: Հիմնադրվել է 1991 թվականի սեպտեմբերին: Վարժարանի շրջանավարտները ստանում են պետական ատեստատ, իսկ ՄԲ «Դիպլոմա» ծրագրի շրջանավարտները՝ նաև ՄԲ-ի կողմից տրվող ավարտական վկայական` ՄԲ դիպլոմ:

Վարժարանում գործում են տարրական (1-4-րդ), միջին (5-9-րդ) և ավագ (10-12-րդ) դասարաններ։ Վարժարանում աշխատում է շուրջ 90 մանկավարժ, որոնցից մոտ 35-ը գիտությունների թեկնածուներ և դոկտորներ են: Նրանց մի մասը միաժամանակ դասավանդում է ԵՊՀ-ում և հանրապետության այլ բուհերում:

Oժտված երեխաներ հայտնաբերելու և նրանց հետագա ուսումը հովանավորելու նպատակով Երևանի պետական համալսարանը և «Քվանտ» վարժարանը 1996 թվականից սկսած «Մաթեմատիկա» առարկայից կազմակերպում են մրցույթ` 6-րդ, 7-րդ և 8-րդ դասարանների աշակերտների համար: Հաղթողները իրավունք են ստանում անվճար կամ արտոնյալ պայմաններով սովորելու սովորելու վարժարանում հատուկ ծրագրով, իսկ առավելագույն միավորներ ձեռք բերած աշակերտներն արժանանում են կրթաթոշակի։

«Քվանտ» վարժարանի հետ համագործակցում է ԵՊՀ շրջանավարտների և կարիերայի կենտրոնը:

Տնօրեն՝ Ռոբերտ Վարդանյան

Հասցե՝ ՀՀ, ք. Երևան, Բագրատունյաց 23/2
Հեռ.` +374 10 42 22 17; +374 91 23 29 51
Էլ. հասցե` info@quantum.am
Կայք՝ www.quantum.am
Հայտարարություններ
«Մաթեմատիկա» առարկայի ուսուցիչ
ԱՇԽԱՏԱՆՔ
«Քվանտ» վարժարանին անհրաժեշտ է «Մաթեմատիկա» առարկայի ուսուցիչ:
«Հայոց պատմություն» և «Համաշխարհային պատմություն» առարկաների ուսուցիչ
ԱՇԽԱՏԱՆՔ
«Քվանտ» վարժարանին անհրաժեշտ է «Հայոց պատմություն» և «Համաշխարհային պատմություն» առարկաների ուսուցիչ:
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ՈՒՆԵՆ ԱՇԽԱՏԵԼՈՒ ԿԵՆՏՐՈՆԱԿԱՆ ԲԱՆԿԻ ՏԱՐԲԵՐ ԲԱԺԻՆՆԵՐՈՒՄ
ԵՊՀ ՈՒՍԱՆՈՂՆԵՐԸ ՀՆԱՐԱՎՈՐՈՒԹՅՈՒՆ ՈՒՆԵՆ ԱՇԽԱՏԵԼՈՒ ԿԵՆՏՐՈՆԱԿԱՆ ԲԱՆԿԻ ՏԱՐԲԵՐ ԲԱԺԻՆՆԵՐՈՒՄ
ԵՊՀ շրջանավարտների և կարիերայի կենտրոնի և ՀՀ կենտրոնական բանկի համագործակցության շրջանակում կազմակերպվեց տեղեկատվական հանդիպում բանկի նոր՝ «Երիտասարդ մասնագետների ներգրավման ծրագրի» շրջանակում։ Կենտրոնական բանկի ներկայացուցիչների հետ հանդիպումը տարբեր ֆակուլտետներում սովորող ուսանողների հետ նպատակ ուներ ծանոթացնելու ուսանողներին ՀՀ կենտրոնական բանկի գործունեությանը, ներկայացնելու բանկի կողմից առաջարկվող նոր ծրագիրը:
ԵՊՀ ՈՒՍԱՆՈՂՆԵՐԸ ԾԱՆՈԹԱՑԱՆ ԲԱՆԿԱՅԻՆ ՈԼՈՐՏՈՒՄ ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐԻՆ
ԵՊՀ ՈՒՍԱՆՈՂՆԵՐԸ ԾԱՆՈԹԱՑԱՆ ԲԱՆԿԱՅԻՆ ՈԼՈՐՏՈՒՄ ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐԻՆ
ԵՊՀ շրջանավարտների և կարիերայի կենտրոնի կողմից կազմակերպված հանդիպման նպատակն էր ուսանողներին և շրջանավարտներին ներկայացնել ֆինանսաբանկային համակարգում աշխատանքային փորձ չունեցող երիտասարդների համար նախատեսված «Դարձի՛ր բանկիր» ծրագիրը և բանկային ոլորտում աշխատանքի հնարավորությունները:
ՄԵԿՆԱՐԿԵԼ Է «ԿՐԹՈՒԹՅՈՒՆ ԵՎ ԿԱՐԻԵՐԱ EXPO-2022» ԵՌՕՐՅԱ ՑՈՒՑԱՀԱՆԴԵՍԸ
ՄԵԿՆԱՐԿԵԼ Է «ԿՐԹՈՒԹՅՈՒՆ ԵՎ ԿԱՐԻԵՐԱ EXPO-2022» ԵՌՕՐՅԱ ՑՈՒՑԱՀԱՆԴԵՍԸ
«Yerervan EXPO» ցուցահանդեսային համալիրում բացվեց «Կրթություն և կարիերա EXPO-2022» 21-րդ միջազգային մասնագիտացված ցուցահանդեսը, որին մասնակցում են Հայաստանում և արտերկրում գործող տարբեր կրթօջախներ՝ ներկայացնելով իրենց կրթական ծրագրերը: ԵՊՀ-ն երեք օրերի ընթացքում մշտական ցուցադրությամբ ներկայացնելու է իր 21 ֆակուլտետները, կրթական նոր ծրագրերը, այդ թվում՝ «Ամերիկագիտություն», «Շուկայագիտություն», «Տվյալների գիտությունը բիզնեսում» մագիստրոսական ծրագրերը և «Հասարակայնության հետ կապեր» բակալավրի կրթական ծրագիրը: