Կամերային նվագախումբ

Երևանի պետական համալսարանը իր հիմնադրման օրվանից, բացի գիտության ջահը վառ պահելուց, մեծ կարևորություն է տվել նաև մշակույթի ոլորտին, քանի որ դա է այն գրավականը, ինչը կարող է ուսանողին տալ համակողմանի զարգացվածություն: Սակայն ստեղծված քաղաքական իրադրությունը հնարավորություն չէր տալիս ավելի լուրջ քայլեր կատարել համալսարանի ներսում մշակութային կյանքը առավել զարգացնելու գործում:

ԵՊՀ-ում մշակույթի դրսևորումներից առավել զարգացած են եղել նվագախումբը, երգչախումբը, գրական խմբակները  և ևս մի քանի փոքր նախաձեռնություններ (մանրապատումների բեմադրություններ, պարային ելույթներ, անհատական երգեր և այլն), որոնք, սակայն, համընդհանուր բնույթ չեն կրել:

 ԵՊՀ-ում նվագախմբի գոյությունը փաստարկված է 20-րդ դարի 2-րդ կեսից: Նվագախմբի հիմնադիրներն են եղել Հրաչիկ Մելիք-Մուրադյանը, Էդուարդ Թումանյանը և Լևոն Մուրադյանը:

 Սակայն նվագախմբի արվեստի տարածումը ԵՊՀ-ում տեղի է ունեցել 1960-ական թվականներին: Այդ վերելքը կապված է մեծանուն կոմպոզիտոր Մարտին Վարդազարյանի անվան հետ, երբ 1962-ին նա հրավիրվում է ղեկավարելու ԵՊՀ նվագախումբը:Նրա ղեկավարության օրերին նվագախումբը մեծ հռչակ է վայելում ոչ միայն Հայաստանում, այլև նրա սահմաններից դուրս: Դա է վկայում այն փաստը, որ նվագախումբը բազմիցս մեկնել է հյուրախաղերի Մոսկվա, Չեխոսլովակիա, Թբիլիսի, Բաքու և այլուր: Այդ ընթացքում ԵՊՀ նվագախումբը ելույթ է ունենում Մոսկվայի, Չեխոսլովակիայի պետական հեռուստատեսություններում, ինչը խոսում է նրանց բարձր վարկանիշի մասին: Նվագախմբում եղել են տարբեր ֆակուլտետների ներկայացուցիչներ, որոնց միավորել է մեկ բան` սերը դեպի երաժշտությունը: Նվագախմբի առաջատար անդամներից էին` Միքայել Ամիրխանյանը, Ռադիկ Խալաթյանը, Ռոբերտ Մավիսակալյանը, Սիմոն Տերյանը, Գոհար Մարտիրոսյանը, Ակսել Բակունցը, Ալբերտ Ադամյանը (առաջին շեփոր), Մկրտիչ Սոխիկյանը (սաքսաֆոն, անգ) դասախոս¤, Յուրի Ստեփանյանը, Ալեքսանդր Միտորենկոն (քիմիական զորքերի գնդապետ) և այլոք, ում ճանաչում և սիրում էին համալսարանում և նրա սահմաններից դուրս:

Նվագախումբը ակտիվորեն շարունակում է իր գործունեությունը Վռամ Գրիգորյանի ղեկավարությամբ (1967-68թթ.):

 ԵՊՀ կամերային նվագախմբի ստեղծագործական վերելքը նոր թափ է ստանում 1981-1991թթ., երբ գործում էր Վիլեն Չարչօղլյանի ղեկավարությամբ: Այս տարիների տքնաջան աշխատանքների արդյունքում խումբը արժանանում է «Ժողովրդական կոլեկտիվի» կոչմանը:

 ԵՊՀ կամերային նվագախմբի հերթական ակտիվությունը նկատվում է անկախության տարիներին, երբ արդեն Հայաստանը ապրում էր հարաբերական կայուն ժամանակներ: Այս ծանր ժամանակներում նվագախմբի ղեկավարությունը ստանձնում է Դանիել Երաժիշտը և պատվով հասցնում մինչև 2005 թվական: 2006 թվականին կրկին վերաձևավորվում է կամերային նվագախումբը և գործում որոշ ընդհատումներով և այժմ իր կազմում ունի 10-ից ավել ուսանող:

 ԵՊՀ կամերային նվագախմբի գեղ. ղեկավարն է ՀՀ վաստակավոր արտիստ Կարեն Սարգսյանը:

ԵՊՀ աշխատակից
Երգչախումբ «Համալսարանական» թատրոն-ստուդիա Կամերային նվագախումբ Աղջիկների պարային համույթ ԵՊՀ ժողովրդական գործիքների նվագախումբ «ՆԻԿԵ» ջոկատ Կինոակումբ Կիթառահարների խումբ Գրական ստուդիա
Կոնտակտներ

Հասցե` ՀՀ, ք. Երևան,0025, Ալեք Մանուկյան 1, Երեւանի պետական համալսարան, կենտրոնական մասնաշենք` 6-րդ հարկ,

Հեռ. (+37460) 710-183, 710-184, ներքին՝ 11-83, 11-84, 

Կայք` ysu.am/culture, 

Էլ. փոստ` culturecenter@ysu.am

ԵՊՀ մշակույթի կենտրոնի երգչախումբ
Քայլենք միասին (Մ. Հարությունյան)
03:19
ԵՊՀ մշակույթի կենտրոնի երգչախումբ
Հայրենիք (Հ. Թումանյան)
04:24
ԵՊՀ մշակույթի կենտրոնի երգչախումբ
Շարան (Կոմիտաս)
05:09
ԵՊՀ մշակույթի կենտրոնի երգչախումբ
Շուշի
02:12
ԵՊՀ մշակույթի կենտրոնի երգչախումբ
We are the world
04:41
ԵՊՀ մշակույթի կենտրոնի երգչախումբ
Подмосковные вечера& Калинка
06:02
ԵՊՀ մշակույթի կենտրոնի երգչախումբ
Ты ж мене пидманула
02:54
ԵՊՀ մշակույթի կենտրոնի երգչախումբ
Երկիր Նայիրյան (Գ. Զոհրաբյան)
03:17
ԵՊՀ մշակույթի կենտրոնի երգչախումբ
Heal the world
05:40
ԵՊՀ մշակույթի կենտրոնի երգչախումբ
A dios le pido
03:22