Հայ երիտասարդության մեջ այժմ բավականին մեծ տարածում է ստացել կիթառային երաժշտությունը: Հաշվի առնելով այս հանգամանքը և ընդառաջ գնալով ԵՊՀ-ի ուսանողության տվյալ գործիքին տիրապետելու և կատարելագործվելու ցանկությանը, ինչպես նաև այն, որ արդեն երկու տարի է ԵՊՀ Մշակույթի կենտրոնում հիմք է դրվել բարդ երաժշտության պրոպագանդմանը՝ ԵՊՀ ռեկտորի աջակցությամբ Մշակույթի կենտրոնում 2014թ. բացվեց կիթառահարների խումբ, որն իր շուրջն է հավաքել մի շարք տաղանդավոր ուսանողների: Խմբի գեղարվեստական ղեկավարն է երաժիշտ Նորայր Շահբազյանը, ով պրոֆեսիոնալ մակարդակով խմբի անդամներին փոխանցում է կիթառի տիրապետման կարևոր հմտություններ՝ ուսուցանելով կիթառային երաժշտության կիրառումը ինպես բարդ, այնպես էլ ժամանակակից և այլ ժանրերի երաժշտության մեջ: Ստեղծման օրվանից խումբը պարբերաբար մասնակցում է ԵՊՀ մշակույթի կենտրոնի կողմից կազմակերպված տարբեր միջոցառումներին ՝ հանդես գալով նոր և հետաքրքիր կատարումներով:
Կիթառահարների խմբի գործունեության շրջանակներում կազմակերպվելու են հայ և համաշխարհային հեղինակային երգերի երեկոներ, ինպես նաև մրցույթներ՝ նոր անուններ հայտնաբերելու նպատակով:
Խմբի պարապմունքները տեղի են ունենում յուրաքանչյուր երեքշաբթի և ուրբաթ, ժամը՝ 14.30-ին՝ 2 ժամ տևողությամբ:
