Կենսաֆիզիկայի ամբիոնը հիմնադրվել է 1963թ: Ամբիոնի հիմնադիրը և առաջին վարիչը պրոֆեսոր Գերասիմ Հարությունի Փանոսյանն է: Նա ղեկավարել է ամբիոնը 1963-1984, 1986-1994, 2000-2001թթ.: 1984-1986թթ. ամբիոնը ղեկավարել է պրոֆեսոր Սերգեյ Մուշեղի Մարտիրոսովը, 1994-2000թթ.՝ ՀՀ ԳԱԱ թղթակից անդամ, պրոֆեսոր Էմիլ Սոսի Գևորգյանը: 2001թ.-ից ամբիոնի վարիչն է պրոֆեսոր Պողոս Հովհաննեսի Վարդևանյանը: Ամբիոնի «Ենթաբջջային կառուցվածքների կենսաֆիզիկայի» լաբորատորիայի գիտահետազոտական խմբում կատարվում են կարևոր աշխատանքներ նուկլեինաթթուների կենսաֆիզիկայի, մոլեկուլային և բջջային կենասբանության բնագավառում: Ամբիոնում զարգանում են նոր ուղղություններ ԴՆԹ-լիգանդ փոխազդեցության մոլեկուլային մեխանիզմների ուսումնասիրություններ, որոնք ընկած են կենսասենսորների նախագծման և ստեղծման հիմքում, ինչպես նաև կարող են կիրառական նշանակություն ունենալ նուկլեինաթթուների հետ փոխազդող կենսաբանորեն ակտիվ միացությունների ընտրության և դրանց ազդեցության մոլեկուլային մեխանիզմների պարզաբանման համար:

Հիմնադրման օրվանից կենսաֆիզիկայի ամբիոնում պատրաստվել են ինը գիտությունների դոկտոր և շուրջ վաթսունից ավելի թեկնածուներ:

Զգալի է ամբիոնի աշխատակիցների ներդրումը հանրապետությունում ժամանակակից կենսաֆիզիկայի զարգացման բնագավառում: Ըստ էության, հանրապետությունում կենսաֆիզիկոս-հետազոտող պատրաստող հիմնական կենտրոնը ԵՊՀ կենսաֆիզիկայի ամբիոնն է: Այդ մասին է վկայում այն փաստը, որ հանրապետության կենսաֆիզիկական ուղղորդվածություն ունեցող բոլոր լաբորատորիաները համալրվում են ամբիոնի շրջանավարտներով: Իր գոյության հինգ տասնամյակների ընթացքում ամբիոնը պատրաստել է նաև մասնագետներ, որոնք հաջողությամբ աշխատում են մոլեկուլային և բջջային կենսաբանության, ինչպես նաև ժամանակակից կենսաբանության այլ բնագավառներում:

Անցած տարիների ընթացքում կենսաֆիզիկայի ամբիոնը հրատարակել է ավելի քան 1200 գիտական աշխատություն, շուրջ 50 մենագրություն, դասագրքեր, ուսումնամեթոդական ձեռնարկներ: Վերջին տարիների ընթացքում ամբիոնի աշխատակիցների կողմից պաշտպանվել է 3 դոկտորական, և 30-ից ավելի թեկնածուական ատենախոսություն:

Ամբիոնը համագործակցում է միջազգային ճանաչում ունեցող հանրապետական, ինչպես նաև արտասահմանյան գիտական կենտրոնների հետ: Ամբիոնի աշխատակիցները սերտորեն համագործակցում են տարբեր երկրների գիտնականների հետ: Արդյունավետ է համագործակցությունը Մոլեկուլային կենսաբանության ինստիտուտի (Մոսկվա, ՌԴ), Բոստոնի համալսարանի (Բոստոն, ԱՄՆ), Միչիգանի համալսարանի (Էնն Հարբոր, ԱՄՆ) հետ: Ամբիոնն ակտիվորեն մասնակցում է միջազգային և հանրապետական գիտական թեմաների կատարմանը, շահել է միջազգային գիտական և ուսումնական դրամական շնորհներ CRDF, TEMPUS, ISF, ANSEF, ՀՀ ԿԳՆ ԳՊԿ 2015-17; 15T-IF105

2002թ. ամբիոնի աշխատակիցներ պրոֆ. Ա. Թռչունյանը և դոցենտ Կ. Բաղրամյանը, իսկ 2015թ. ամբիոնի վարիչ պրոֆ. Պ. Վարդևանյանը գիտական աշխատությունների շարքի համար արժանացել են բնական գիտությունների զարգացման բնագավառում Հայաստանի Հանրապետության նախագահի մրցանակին:

Ամբիոնի աշխատանքներ են տարվում հետևյալ գիտական ուղղություններով.

ԴՆԹ-ի հետ փոխազդող կենսաբանորեն ակտիվ միացությունների կոմպլեքսների կառուցվածքային ուսումնասիրությունները,

Մմ տիրույթի էլեկտրամագնիսական ալիքների ազդեցության ուսումնասիրություններ տարբեր կենսահամակարգերի վրա,

Թաղանթների կառուցվածքի և ֆունկցիաների վրա ազատ ռադիկալային պրոցեսների ազդեցության ուսումնասիրությունները,

Ստերոիդային և պեպտիդային հորմոնների ազդեցության մոլեկուլային մեխանիզմների ուսումնասիրությունը:

Կենդանաբանության ամբիոնը հիմնադրվել է 1921 թվականին պրոֆեսոր Ավետիք Տեր-Պողոսյանի կողմից, ով էլ եղել է ամբիոնի առաջին վարիչը:

Այնուհետև կենդանաբանության ամբիոնը ղեկավարել են դոցենտ Ա. Պողոսյանը, կենսաբանական գիտությունների դոկտոր, պրոֆեսոր Ս. Մ. Սարգսյանը, պրոֆեսոր Ա. Երիցյանը, կ. գ. թ. դոցենտ Բ. Ա. Բաղդասարյանը, կ. գ. թ., դոցենտ Ա. Գ. Ազարյանը, կ. գ. թ., դոցենտ Ա. Ք. Մինասյանը, կ. գ. դ., պրոֆեսոր Ռ. Ա. Մաիլյանը, կ. գ. դ., պրոֆեսոր Կ. Ա. Ջիվանյանը: 2003 թվականից կենդանաբանության ամբիոնը ղեկավարում է կ. գ. դ., պրոֆեսոր Ֆ. Դ. Դանիելյանը: Ամբիոնում աշխատում են կենսաբանական գիտությունների 3 դոկտոր-պրոֆեսորներ, 1 կ. գ. դ., դոցենտ, 2 կ. գ. թ. դոցենտներ և կենսաբանական գիտությունների 4 թեկնածուներ:

Կենդանաբանության ամբիոնը պատրաստում է բազմաթիվ մասնագետներ, որոնք համալրում են Հայաստանում և նրա սահմաններից դուրս գիտական հիմնարկներում աշխատող կենդանաբանների շարքերը: Ամբիոնի բազմաթիվ սաներ այսօր գիտությունների դոկտորներ և թեկնածուներ են, կենդանաբանական և բնապահպանական տարբեր հիմնարկների ղեկավարներ:

Ամբիոնի աշխատակիցների և նրա շրջանավարտների գիտական հետաքրքրությունների շրջանակն ընդգրկում է կենդանաբանությանը վերաբերող տեսական և կիրառական բնույթի հարցեր: Հատկապես շատ են ողնաշարավորների ֆաունայի հետազոտման գծով կատարված աշխատանքները: Ինչպես նաև կատարվել են ձկնաբանությանը, ձկների մակաբուծությանն ու հիդրոկենսաբանությանը վերաբերող ուսումնասիրություններ: Հետազոտվում է երկկենցաղների ֆաունան, էկոլոգիան և կենսաակուստիկան: Կենդանաբանության ամբիոնի աշխատակիցներն ու շրջանավարտներն ակտիվ դեր են կատարում Հայաստանի հերպետոֆաունայի ուսումնասիրման, կուսածին ժայռային մողեսների հիբրիդային ծագման տեսության մշակման բնագավառում: Կատարվում են նաև ուսումնասիրություններ կաթնասունների ֆաունայի և էկոլոգիայի բնագավառում, մանրակրկիտ հետազոտվել է ձեռքաթևավորների կարգը: Հայաստանում տարածված անողնաշարավորների ֆաունիստական և էկոլոգիական հետազոտությունների թվում նշանակալից են հատկապես միջատաբանական հետազոտությունները: Կենդանաբանության ամբիոնի գիտական աշխատանքներում զգալի տեղ են գրավում հյուսվածաբանական և սաղմնաբանական հետազոտությունները:

Կենդանաբանության ամբիոնի բակալավրիատի և մագիստրատուրայի շրջանավարտները ստանում են ֆունդամենտալ գիտելիքներ, մասնակցում են ամառային պրակտիկային և կենդանաբանական գիտարշավներին, ինչպես նաև կատարում են կուրսային, ավարտական և դիպլոմային աշխատանքներ: Ամբիոնում ասպիրանտական ուսուցում են ստանում Հայաստանի տարբեր ԲՈւՀ-երի և մի շարք այլ երկրների, մասնավորապես Իրանից եկած շրջանավարտներ: Ամբիոնի աշխատակազմը մասնակցում է գիտական և հանրամատչելի հոդվածների և գրքերի, «Հայաստանի բնաշխարհ» հանրագիտարանի հրատարակմանը, կենդանիների Կարմիր գրքի ստեղծմանը, ինչպես նաև Հայաստանի կենսաբազմազանության Ազգային զեկույցի և մոնիտորինգի ստեղծման գործընթացին:

Ամբիոնը համագործակցում է նախկին Խորհրդային Միության և արտասահմանյան մի շարք երկրների` Լեհաստանի, Չեխիայի, ԱՄՆ-ի, Կանադայի, Իտալիայի, Իրանի գիտահետազոտական կազմակերպությունների և ԲՈւՀ-երի հետ:

Ամբիոնի աշխատակիցները մասնակցել են միջազգային բազմաթիվ դրամաշնորհային ծրագրերի ( ANSEF, BP, NFSAT, IBRO և այլն):

Բուսաբանության ամբիոնը հիմնադրվել է 1923 թ-ին: Ամբիոնի առաջին վարիչն է եղել պրոֆեսոր Հ. Լ. Բեդելյանը (1923-1927): Այնուհետև ամբիոնը ղեկավարել են այնպիսի հանրաճանաչ գիտնականներ, ինչպիսիք էին պրոֆեսոր Ն.Ա. Տրոիցկին (1927-1938), ակադեմիկոս Ա. Լ. Թախտաջյանը (1938-1948), ՀՀ ԳԱԱ թղթակից անդամ Դ. Ն. Տետերևնիկովա-Բաբայանը (1949-1971): Այդ ժամանակահատվածում ամբիոնը մի քանի անգամ անվանափոխվել է: 1968-1978 թթ. ամբիոնը բաժանվել է ստորակարգ և բարձրակարգ բույսերի ամբիոնների: Վերջինս 1968-1973 թթ. ղեկավարել է դոցենտ Թ. Գ. Ծատուրյանը, իսկ 1973-1977 թթ.` պրոֆեսոր Ա. Պ. Մելիքյանը: 1971-2005 թթ. ստորակարգ բույսերի, հետագայում բուսաբանության ամբիոնի վարիչն էր պրոֆեսոր, ՀՀ ԳԱԱ ակադեմիկոս Լ. Լ. Օսիպյանը, իսկ 2005 թ-ից նշանակվել է բուսաբանության ամբիոնի պատվավոր վարիչի պաշտոնում: 2005 թ-ից ամբիոնի վարիչն է պրոֆեսոր Ս. Գ. Նանագյուլյանը:

Ամբիոնում աշխատում են 1 ակադեմիկոս, գիտությունների 3 դոկտոր-պրոֆեսոր, գիտությունների 7 թեկնածու: Բուսաբանության ամբիոնն ունի ուսումնական և գիտական հերբարիումներ (ERHM և ERCB), որոնք գրանցված են հերբարիումների Միջազգային կադաստրում:

Բուսաբանության ամբիոնը պատրաստում է բուսաբաններ լայն պրոֆիլի և հանդիսանում է հանրապետությունում իրականացվող սնկաբանական հետազոտությունների միակ գիտական կենտրոնը, իսկ ԵՊՀ-ն` հանրապետությունում միակ ԲՈՒՀ-ն է, որ պատրաստում է սնկաբանության, ջրիմուռաբանության, քարաքոսաբանության, մամռաբանության կադրեր և սննդամթերքների մանրէակենսաբանական անվտանգության մասնագետներ:

Բուսաբանության ամբիոնի բակալավրիատի և մագիստրատուրայի շրջանավարտները ստանում են հիմնարար գիտելիքներ, մասնակցում են դաշտային պրակտիկային և բուսաբանական գիտարշավներին, ինչպես նաև կատարում են կուրսային, ավարտական և դիպլոմային աշխատանքներ բարձրակարգ բույսերի, բժշկական սնկաբանության, կենսատեխնոլոգիայի, ֆիտոպաթոլոգիայի ուղղությամբ: Ամբիոնում ասպիրանտական ուսուցում են ստանում Հայաստանի տարբեր ԲՈՒՀ-երի և մի շարք այլ երկրների, մասնավորապես, Սիրիայի, Իրանի, Իրաքի շրջանավարտներ: Ամբիոնի կոլեկտիվը մասնակցում է գիտական և հանրամատչելի հոդվածների և գրքերի, “Հայաստանի բնաշխարհ» հանրագիտարանի, «Հայաստանի Կարմիր Գրքի (բարձրակարգ բույսեր և սնկեր)» հրատարակմանը և այլն:

Ամբիոնը համագործակցում է նախկին Խորհրդային միության և արտասահմանյան մի շարք երկրների` Գերմանիայի, Ֆրանսիայի, ԱՄՆ-ի, Կանադայի, Մեծ Բրիտանիայի, Իտալիայի, Հունաստանի, Իրանի, Սիրիայի գիտահետազոտական ինստիտւտների և ԲՈւՀ-երի հետ:

Ամբիոնի աշխատակիցները մասնակցում են միջազգային բազմաթիվ դրամաշնորհային ծրագրերի` Tempus, DAAD, NEF, ANSEF, FP6/FP7, NFSAT, NATO, USDA և այլն:

Անցած տարիների ընթացքում ամբիոնը անցկացրել է բուսաբանության, սնկաբանության, օտարածին միկրոօրգանիզմներով և նյութերով սննդամթերքների ախտոտման ակտուալ հարցերին նվիրված տարածքային և միջազգային գիտաժողովներ:

Գենետիկայի և բջջաբանության ամբիոնը հիմնադրվել է 1948 թ.: Գենետիկայի և բջջաբանության ամբիոնում իրականացվող գիտական հետազոտությունների հիմնական ուղղություններն են.

Շրջակա միջավայրի աղտոտվածության գենետիկական հետազոտությունները բուսական տեստ-օբյեկտների կիրառմամբ:

Մարդու քրոմոսոմային խաթարումների անալիզ: ՀՀ Առողջապահության նախարարության մի շարք ինստիտուտներում բուժվող հիվանդների մոլեկուլային-բջջագենետիկական անալիզ: Ուսումնասիրությունները կատարվում են Յենայի (Գերմանիա) Մարդու Գենետիկայի ինստիտուտի հետ համատեղ:

Նոր սինթեզված դեղանյութերի և շրջակա միջավայրի գենոտոքսիկանտների թեստավորում` ԴՆԹ-ի և քրոմոսոմների խաթարումների վերլուծություն մարդու բջիջներում: Ուսումնասիրությունները կատարվում են ՀՀ ԳԱԱ Մոլեկուլային Կենսաբանության, Կենսաքիմիայի և Միջուկային հետազոտությունների միավորված ինստիտուտների (Դուբնա, ՌԴ) հետ համատեղ կատարվում են ուսումնասիրություններ նոր սինթեզված պորֆիրինների ռադիոմոդիֆիկացնող հատկությունները բացահայտելու նպատակով:

Ամբիոնի կողմից կազմակերպված գիտաժողովներ`
1. NATO/ASI conference “Plant Bioassay on the Genotoxicity of Contaminated Water, Air and Soil” (sponsored by the North Atlantic Treaty Organization (NATO), Advanced Study Institute (ASI)), was conducted at the Western Illinois University (WIU), Macomb, IL USA with the collaborative efforts of WIU and the Yerevan State University (YSU) of Armenia on July 6 through July 16, 2004.
2. The II International Conference Modern problems of genetics, radiobiology, radioecology and evolution, dedicated to N.W.Timofeeff-Ressovsky and the 70th anniversary of “On the Nature of Gene Mutations and Gene Structure” by N.W. Timofeeff-Ressovsky, K. G. Zimmer, and M. Delbrück. Yerevan- Dubna, 8-11 September, 2005.

Ամբիոնում դասավանդվում են հետևյալ առարկաները.
Բակալավրիատում`
բջջի կենսաբանություն, գենետիկա, գենետիկա և էվոլյուցիոն տեսություն, մարդու մոլեկուլային գենետիկա, էվոլյուցիոն տեսություն, Էվոլյուցիոն գենետիկա, գենետիկական թունաբանություն, բջջի մոլեկուլային կենսաբանություն, մարդու գենետիկայի հիմունքները, դասավանդման մեթոդիկա:

Մագիստրատուրայում`
մոլեկուլային գենետիկա, գենետիկական վերլուծություն, մուտագենեզի սկզբունքները, ինֆորմատիկան գենետիկայում, բժշկական գենետիկա, ֆարմակոգենետիկա, բջջագենետիկա, գենետիկական ճարտարագիտություն, բջջի ֆիզիոլոգիա, իմունոգենետիկա, գենոմիկա և մոլեկուլային բժշկություն, գենային և բջջային ճարտարագիտություն, մարդաբանություն, պոպուլյացիոն գենետիկա, բջջային կուլտուրաների կիրառումը, Էկոլոգիական գենետիկա, վարքագծի գենետիկա, կենդանական բջիջների կենսատեխնոլոգիա:

Էկոլոգիայի և բնության պահպանության ամբիոնը ստեղծվել է 1983 թ. ԵՊՀ-ի Կենսաբանության ֆակուլտետում 1957 թ-ից գործող ագրոքիմիայի և հողագիտոթյան ամբիոնի հիմքի վրա:

Ստեղծման օրից մինչև 1995 թ-ը ամբիոնը ղեկավարել է պրոֆեսոր Ջ.Հ. Մելիք-Խաչատրյանը, իսկ 1997 թ-ից մինչև այժմ` պրոֆեսոր Կ.Վ. Գրիգորյանը: Ամբիոնի ստեղծման գործում կարևոր դեր է ունեցել ՀՍՍՀ բարձրագույն կրթության վաստակավոր գործիչ, ԵՊՀ-ի պրոռեկտոր Լևոն Գարեգինի Եսայանը:

Վերջին ութ տարիների ընթացքում ամբիոնի կազմը համալրվել է երիտասարդ մասնագետներով: Ամբիոնում տարվում են աշխատանքներ դասավանդման և գիտահետազոտական աշխատանքների ժամանակակից պահանջների համապատասխան մակարդակ պահպանելու և երիտասարդ մասնագետներ պատրաստելու ուղղությամբ: Ամբողջովին փոփոխության են ենթարկվել ուսումնական ծրագրերը, որոնք համապատասխանում են նոր կրթական համակարգին: ԵՊՀ-ի շրջանակներում «Էկոլոգիա և բնության պահպանություն» առարկայի դասընթացների կազմակերպումը կատարվում է ամբիոնի դասախոսների կողմից: Ներկայումս ամբիոնի դասախոսները ԵՊՀ-ի 17 ֆակուլտետներում դասավանդում են «էկոլոգիա և բնության պահպանության հիմունքներ» դասընթացը: Ամբիոնը գիտական կապեր է պահպանում հանրապետության տարբեր բուհերի գիտահետազոտական ինստիտուտների և նախարարությունների հետ, ինչպես նաև միջազգային կազմակերպությունների և ինստիտուտների հետ:

Ամբիոնի աշխատակիցների կողմից հրատարակվել են ուսումնական, գիտամեթոդական ձեռնարկներ և ինտերակտիվ ուսուցման ծրագրեր:

Ամբիոնի շրջանավարտների հիմնական մասն աշխատում է հանրապետության գիտահետազոտական, բարձրագույն ուսումնական հաստատություններում և նախարարություններում:

Գիտահետազոտական բնագավառում ամբիոնը ունի հետևյալ ձեռքբերումները.
Տեխնածին աղտոտվածության պայմաններում բնական օբյեկտների (հող, ջուր, բույս) էկոլոգիական գնահատականի համար որպես ախտորոշիչ ցուցանիշ,առաջին անգամ, օգտագործվել է հողի ֆերմենտների ակտիվության ուժգնությունը: Նշված նպատակի համար մշակվել են պրակտիկ կիրառության սանդղակներ, որոնք օգտագործվում են տարբեր երկրներում:

Հայաստանի Հանրապետության տեխնածին աղտոտվածության պայմաններում բացահայտվել են երկրացենոզների բաղադրիչների կապը, փոխազդեցությունը և գոյություն ունեցող օրինաչափությունները:

Տրվել է Սպիտակի, Գուգարքի, Թումանյանի, Հրազդանի, տարածաշրջանների ջրային օբյեկտների, հողերի, մշակվող գյուղատնտեսական կուլտուրաների էկոլոգիական գնահատականը և նշված օբյեկտների պահպանության համար մշակվել են համապատասխան մեթոդներ և միջոցառումներ:

Հաշվի առնելով ՀՀ էկոհամակարգերի յուրահատկությունները ոռոգիչ ջրերի համար մշակվել են ծանր մետաղների խտությունների թույլատրելի նոր սահմաններ, իսկ հողում և բույսերում նրանց սահմանային թվերը:

Մշակվել է 2 գիտամեթոդական ձեռնարկներ, որոնց միջոցով հնարավոր է դաշտային և լաբորատոր պայմաններում որոշել ծանր մետաղներով բնական օբյեկտների աղտոտվածության աստիճանը և նրանց տարածման արեալները:

Առաջին անգամ ուսումնասիրվել է ծանր մետաղներով աղտոտված հողերում ընթացող ինքնավերականգման պրոցեսները:

Տարբեր էվտրոֆացման փուլերում Սևանա լճի ֆիտոպլանկտոնային համակեցության սուկցեսիոն պրոցեսների ուսումնասիրությունների միջոցով բացահայտվել է, որ լճում ի հայտ են եկել նոր` գերիշխող տեսակներ, որոնք էֆտրոֆ լճերին բնորոշ տեսակների հետ միասին հանդիսանում են ջրի որակը բնութագրող կենսաինդիկատորներ:

Իրականացվել են Դեբեդ գետի և նրա ջրահավաք ավազանի, ինչպես նաև Սյունիքի մարզի գետային ցանցի ուսումնասիրություններ` իրենց մեջ ներառելով Էկոլոգիական մոնիտորինգ, ավազանային մակարդակով էկոլոգիական գնահատական, տարածքի կառավարում և կայուն զարգացման քաղաքականության մշակում:

Իրականացվել են նաև էկոհամակարգերի բաղադրիչների վրա մարդածին ազդեցության գնահատում քիմիական և կենսաբանական մոնիթորինգի մեթոդների համատեղ կիրառությամբ:

Ստեղծված նոր էկոլոգիական պայմաններում որոշվել են ավազանների գետային ցանցի ջրերի քիմիական կազմը և իռիգացիոն հատկությունները: Բացահայտվել են էկոհամակարգերի բիոտիկ և աբիոտիկ բաղադրիչների միջև քանակական օրինաչափությունները: Իրականացվել է գետերի սանիտարական վիճակի գնահատում:

Ամբիոնում կատարվում են նաև գիտահետազոտական աշխատանքներ Էկոլոգիական մոնիտորինգ, ավազանային մակարդակով էկոլոգիական գնահատական, տարածքի կառավարում և կայուն զարգացման քաղաքականության մշակում ուղղությամբ:

Այս բնագավառում տարվող աշխատանքների նպատակներն են.
1. Էկոհամակարգերի բաղադրիչների վրա մարդածին ազդեցության գնահատում քիմիական և կենսաբանական մոնիթորինգի մեթոդների համատեղ կիրառությամբ:
2. Ստեղծված նոր էկոլոգիական պայմաններում ավազանի գետային ցանցի ջրերի քիմիական կազմի և իռիգացիոն հատկությունների որոշում:
3. Էկոհամակարգերի բիոտիկ և աբիոտիկ բաղադրիչների միջև քանակական օրինաչափությունների բացահայտում:
4. Գետերի սանիտարական վիճակի գնահատում:
5. Տարածքի կառավարման գործընթացների մշակում:
6. Տարածքի կայուն զարգացմանը նպաստող ռազմավարության մշակում:

Ագրոկենսաբազմազանութունը պարենի անվտանգության կարևորագույն բաղադրիչն է: Կենդանիների և բույսերի գենետիկական ռեսուրսներին վերաբերվող ՄԱԿ-ի պարենի և գյուղատնտեսության կազմակերպության 2010թ. Համաշխարհային զեկույցում նշվում է Հայաստանում ագրոկենսաբազմազանության մոլեկուլային ուսումնասիրությունների անհրաժեշտության մասին, որպես երկրի տնտեսական կայուն զարգացման կարևորագույն բաղադրիչ: Էկոլոգիայի և բնության պահպանության ամբիոնում տարվում են հետազոտություններ հիմնարար և կիրառական կենսաբանության հետևյալ բնագավառներում՝

1. Ագրոկենսաբազմազանության, ինչպես նաև ցամաքային և ջրային էկոհամակարգերի էկոլոգիական, ֆենոտիպային և գենոմային ուսումնասիրություններ (գենոմի սեքվենավորում, ԴՆԹ-շթրիխգաղտնագրում, ֆիլոգենետիկ ուսումնասիրություններ, ԴՆԹ-անձնագրեր` SSR և SNP ԴՆԹ մարկերային համակարգեր, գենետիկական բազամզանություն և այլն) և գենետիկական համադրման ուսումնասիրություններ:
2. Ագրոկենսաբազմազանության ադապիվ փոփոխականության գենետիկական և մոլեկուլային մեխանիզմների (կայունությունը կեսածին և ոչ կենսածին գործոնների նկատամբ, ադապտիվ գեների էքսպրեսիա, ՌՆԹ-ինտերֆերենցիա, էպիգենետիկա, տնտեսապես կարևոր գեների ԴՆԹ-թիփավորում) ուսումնասիրություն:
3. Կենդանի օրգանիզմների վրա շրջակա միջավայրի աղտոտիչների ազդեցության գնահատում կիրառելով էկոտոքսիկոլոգիական, գենետիկական և կենսաինդիկացիոն մոտեցումներ
4. Տոհմային կենդանիների գենետիկական փորձաքննության համար անհրաժեշտ գենետիկական համակարգերի մշակում:
5. Գենետիկորեն վերափոխված օրգանիզմների շրջակա միջավայրի ռիսկերի գնահատում, ինչպես նաև դրանց քանակական և որակական անալիզ:

Ամբիոնում կատարվում են բազմաթիվ գիտական և կրթական դրամաշնորհային ծրագրեր, որոնց ակտիվ մասնակցում են ուսանողները: Հարկ է նշել TEMPUS-ի կրթական ծրագիրը, որի շրջանակներում մշակվել է «Կիրառական կենսաբանություն» մագիստրոսական նոր ծրագիրը Հայաստանի, Վրաստանի և եվրոպական առաջատար համալսարանների` (Արևմտյան Անգլիայի համալսարան (Մեծ Բրիտանիա), Սալոնիկի Արիստոտելի համալսարան (Հունաստան), Պ&Բ խորհրդատվական կազմակերպություն (Պորտուգալիա), Ալեկանտեի համալսարան (Իսպանիա)) միջև համագործակցության արդյունքում: Մագիստրոսական ծրագիրը համապատասխանում է կրեդիտների փոխանցման եվրոպական համակարգի (ECTS) չափորոշիչներին: Կազմված է հիմնական` պարտադիր, և կամընտրական մոդուլներից, և պատրաստում է բարձր որակավորում ունեցող մասնագետներ հետևյալ չորս ուղղություններով` առողջապահական կենսատեխնոլոգիա, գյուղատնտեսական կենսատեխնոլոգիա, բնապահպանական կենսատեխնոլոգիա և սննդի կենսատեխնոլոգիա: Ուսանողները ձեռք կբերեն և կկատարելագործեն իրենց գործնական հմտությունները արդի սարքավորումներով հագեցած գիտական լաբորատորիաներում, կօգտվեն զուգակցված ուսուցման հնարավորություններից, որոնք միավորում են ավանդական և արդի կրթության լավագույն որակները: Կտրամադրվեն ժամանակակից գրականություն և էլեկտրոնային միջոցներ:

Ամբիոնում կատարվել են նաև ANSEF 2010 և 2011 դրամաշնորհային ծրագրերը, որոնք ուղղված են Էրեբունու արգելոցում աճող վայրի բույսերի մոլեկուլային ուսումնասիրություններին և պահպանությանը: Գիտական խումբը մասնակցում է նաև COST FA1003 ծրագրին, որի նպատակն է գնահատել հայաստանում խաղողի սորտերի գենետիկական պոտենցիալը:

Ամբիոնում մասնագիտացվող ուսանողների ավարտական աշխատանքների և մագիստրոսական թեզերի թեմաները համապատասխանում են գիտահետազոտական աշխատանքների բնույթին:

Կենսաքիմիայի, մանրէաբանության և կենսատեխնոլոգիայի ամբիոնը ստեղծվել է 2016 թ.-ին Կենսաքիմիայի ամբիոնի և Մանրէաբանության, բույսերի և մանրէների կենսատեխնոլոգիայի ամբիոնի միավորման արդյունքում:

Մանրէաբանության, բույսերի և մանրէների կենսատեխնոլոգիայի ամբիոնը հիմնադրվել է 1927 թ.-ին և անվանվել է «Բույսերի անատոմիայի և ֆիզիոլոգիայի» ամբիոն: Ամբիոնը ղեկավարելու համար հրավիրվել է պրոֆ. Հ.Ղ. Բեդելյանը, որը պաշտոնավարել է մինչև 1940 թ.-ը: 1941 թ․-ից ամբիոնի վարիչի պարտակականությունը ստանձնել է պրոֆ. Մ.Ք. Չայլախյանը, որը աշխատում էր նաև Մոսկվայի բույսերի ֆիզիոլոգիայի ինստիտուտում: Վերջինիս բացակայության ժամանակ ամբիոնը ղեկավարել է դոցենտ, հետագայում պրոֆեսոր Ն.Մ. Մելիքյանը: 1948-1962 թթ. ամբիոնը ղեկավարել է պրոֆ. Վ.Հ. Ղազարյանը: 1962-1977 թթ. ամբիոնի վարիչի պարտականությունը կատարել է գիտության վաստակավոր գործիչ, պրոֆ. Ն.Մ. Մելիքյանը, այնուհետև՝ 1977-87 թթ. դոց. Յու.Գ. Պոպովը, 1987-1992 թթ.` դոց. Ժ.Վ. Ծովյանը, իսկ 1992-2011 թթ. նորից ղեկավարել է դոց., հետագայում պրոֆ. Յու.Գ. Պոպովը: 2011 թ-ից մինչև 2016 թ. ամբիոնը ղեկավարում էր ՀՀ ԳԱԱ թղթակից անդամ, պրոֆ. Ա.Հ. Թռչունյանը:

Պրոֆ. Բեդելյանը մեծ ներդրում է ունեցել ամբիոնի զարգացման գործում: Նա 30-ական թթ․-ի ուսանողներին խիստ անհրաժեշտ մի շարք հայալեզու դասագրքերի հեղինակ է` «Բույսերի ակլիմատիզացիա» (1931 թ.), «Բույսերի ‎անատոմիա» (1935 թ.), «Բույսերի ֆիզիոլոգիա» (1940 թ.): Նրա մահվանից հետո հանձնվել է ավարտուն ութալեզու բուսաբանական բառարան: Ն.Մ. Մելիքյանը 1964 թ. հրատարակել է «Անատոմիական փոփոխությունները և լիգնինի կուտակման դինամիկան բույսերում» մենագրությունը:

Կենսաքիմիայի ամբիոնը հիմնադրվել է 1960թ.: Ամբիոնը հիմնադրել է և ղեկավարել ՀԽՍՀ ԳԱ ակադեմիկոս Մ.Ա. Տեր-Կարապետյանը (1960-1971 թթ.), հետագայում ամբիոնի վարիչը եղել է ՀՀ ԳԱԱ ակադեմիկոս Մ.Ա. Դավթյանը (1971-1999 թթ. և 2006-2014 թթ.), 2000-2005 թթ.՝ պրոֆ. Ա.Խ. Աղաջանյանը (2000-2005թ.):

Միավորված Կենսաքիմիայի, մանրէաբանության և կենսատեխնոլոգիայի ամբիոնը հիմնել և մինչև 2020 թ. ղեկավարել է ՀՀ ԳԱԱ թղթակից անդամ, պրոֆ. Արմեն Հ. Թռչունյանը:

Պրոֆ. Ա. Թռչունյանը մեծ ներդրում է ունեցել միավորված ամբիոնի զարգացման գործում: Պրոֆեսոր Ա. Թռչունյանի ղեկավարման ընթացքում, ամբիոնի աշխատակիցների և անձամբ նրա ջանքերի շնորհիվ՝ ամբիոնի ուսումնագիտական լաբորատորիաները համալրվեցին վերջին սերնդի նոր սարքեր և սարքավորումներով: Տպագրվեցին մեկ տասնյակից ավելի ուսումնամեթոդական ձեռնարկներ, թարմացվեցին մասնագիտական բոլոր դասընթացների ծրագերը, ուսումնական պլանները: Ա.Հ. Թռչունյանն արժանացել է Ակիրա Միցուի և այլ միջազգային գիտական մրցանակների (2014 և 2016 թթ.): Մանրէաբանության՝ որպես մասնագիտության, մանրէաբանական կրթության, գիտության և տեխնոլոգիաների առաջընթացին ցուցաբերած նպաստի համար պրոֆեսոր Թռչունյանը 2020 թվականին արժանացավ Ամերիկայի մանրէաբանական ընկերության (ASM)` «Մոզելիո Շեխտերի մրցանակին՝ զարգացող երկրների մանրէաբանների ճանաչման համար»: Արմեն Թռչունյանը հեղինակել է նաև առաջին հայալեզու «Կենսաէներգետիկա» բուհական դասագիրքը: Պրոֆեսոր Թռչունյանը հեղինակել է 700–ից ավելի գիտական հոդվածներ, մենագրություններ, ակնարկներ, ինչպես նաև բուհական և դպրոցական դասագրքեր ու ձեռնարկներ: Գիտության և կրթության բնագավառներում ներդրած ավանդի ու երկարամյա անձնվեր աշխատանքի համար դոկտոր, պրոֆեսոր Արմեն Թռչունյանը ՀՀ նախագահի հրամանագրով հետմահու պարգևատրվել է «Հայրենիքին մատուցած ծառայությունների համար» 1-ին աստիճանի մեդալով: Պրոֆ. Ա. Թռչունյանի մահվանից հետո, սկսած 2021 թ.-ից ամբիոնի վարիչն է ամբիոնի դոցենտ, կենս. գիտ. դոկտոր Աննա Արշակի Փոլադյանը:

Ա. Փոլադյանը անցել է կատարելագործում ԱՄՆ-ում (2003), Գերմանիայում (2018 թ.): Ա. Փոլադյանը Մասնագիտական Կրթության Որակի Ապահովման Ազգային Կենտրոնի (ՈԱԱԿ) ԲՈՒՀ-ի և ՄՈՒՀ-երի որակի արտաքին ապահովման` հավատարմագրման, գործընթացների իրականացման փորձագետ, ԵՊՀ կենսաբանության ֆակուլտետի Կենսաբանություն գիտահետազոտական ինստիտուտի փոխտնօրեն և «Մանրէաբանության, կենսաէներգետիկայի և կենսատեխնոլոգիայի» լաբորատորիայի վարիչ է: Ա. Փոլադյանը 2021 թ-ից ԵՊՀ հոգաբարձուների խորհրդի, ԵՊՀ Գ.00.04 – Կենսաքիմիա մասնագիտական խորհրդի և ԵՊՀ կենսաբանության ֆակուլտետի գիտական խորհրդի անդամ է: 2016 թ.-ին Ա. Փոլադյանը ստացել է Ամերիկյան Մանրէաբանական ընկերության (ASM) Մորրիսոն Ռոգոզայի (Morrison Rogosa) մրցանակ, իսկ 2019 թ.-ին՝ ԵՊՀ 100-ամյակի կապակցությամբ արծաթե մեդալ:

Ամբիոնում ուսուցումը երկաստիճան է` բակալավրիատ և մագիստրատուրա: Մագիստրատուրան երեք մասնագիտացումներով է՝ «Ընդհանուր և բժշկական կենսաքիմիա» և «Մանրէաբանություն և կենսատեխնոլոգիա» և «Կիրառական մանրէաբանություն»: Ամբիոնում իրականացվում են համատեղ կրթական ծրագրեր Բելգորոդի պետական (Ռուսաստան), Բերգենի (Նորվեգիա) և Սարլանդի Սաարկրյուկենի համալսարանների (Գերմանիա) հետ։ Տարեկան ամբիոնը ավարտում են մոտ 30 բարձրորակ մասնագետներ, որոնք աշխատում են ինչպես գիտաարտադրական ձեռնարկություններում և ծառայություններ մատուցող կազմակերպություններում, այնպես էլ մանկավարժական ասպարեզներում: Ամբիոնում գործում է նաև ասպիրանտուրա։

Ամբիոնի դասախոսները և աշխատակիցներն իրականացնում են նաև գիտական հետազոտություններ, որոնցում ընդգրկվում են ուսանողները և ստացված արդյունքների մի մասը դառնում է նրանց ավարտական աշխատանքների և մագիստրոսական թեզերի հիմք: Վերջին տարիների ընթացքում ամբիոնի աշխատակիցները և ասպիրանտները պաշտպանել են երկու դոկտորական և 20 թեկնածուական ատենախոսություններ: Ամբիոնի աշխատակիցները, ինչպես նաև ուսանողները մասնակցում են տարբեր միջազգային գիտաժողովներին` Ամերիկյան մանրէաբանության ընկերության կողմից կազմակերպվող «ASM Microbe» ամենամյա, Էքստրեմոֆիլներին նվիրված միջազգային գիտաժողովներին, Կենսաքիմիական ընկերությունների Եվրոպական ֆեդերացիայի (FEBS) ամենամյա և Մանրէաբանական ընկերությունների Եվրոպական ֆեդերացիայի (FEMS) երկամյա, Ջրածնի էներգիայի համաշխարհային և բազմաթիվ այլ կոնգրեսներին, ինչպես նաև ուսանողների և երիտասարդ գիտնականների մի շարք միջազգային գիտաժողովներին:

Ամբիոնի այցելու պրոֆեսորներից են Ն.Կ. Բիրկելանդը (Նորվեգիա) և Գ. Սովերսը (Գերմանիա)։

Ամբիոնում մի շարք գիտական աշխատանքներ կատարվել և կատարվում են պետական ֆինանսավորմամբ գիտական թեմաներով և միջազգային հետազոտական դրամաշնորհների շրջանակներում` INTAS (1993-1995 թթ.), ISTC (2002-2005; 2014-2017 թթ.), ամերիկյան Danisco Cult. Comp.-ի հետ համատեղ (2002-2006 թթ.); NАТО-ի Գիտություն խաղաղության համար ծրագրի (2007-2010 թթ.); CPEALA-2014/10068; CPEA-LT-2016/10095; ANSEF (2011 թ-ից) և այլն: 2017 թ-ից ամբիոնը մասնակցում է Գիտության և տեխնոլոգիայի Եվրոպական համագործակցության գործողությունների (COST Action) ծրագրին։

2021 թ.-ին ամբիոնի աշխատակիցները ստացել են ՀՀ ԿԳՄՍՆ ԳԿ թեմատիկ ֆինասավորմամբ երկու առաջատար հետազոտությունների աջակցության դրամաշնորհներ (Ա. Փոլադյան, Ն. Սահակյան),հինգ գիտական և գիտատեխնիկական գործունեության (Լ. Գաբրիելյան, Հ. Փանոսյան, Ս. Մարության, Ի. Բազուկյան, Ն. Ավթանդիլյան), մեկ գիտական խմբերի մեկնարկի կամ լաբորատորիաների (բաժինների) ամրապնդմանն աջակցության (Ա. Մարգարյան), երեք գիտական սարքերի և (կամ) նյութերի ձեռք բերման դրամաշնորհներ (Ս. Միրզոյան, Հ. Գևորգյան, Մ. Գինովյան) և երկու ասպիրանտներ Ասպիրանտների և երիտասարդ հայցորդների հետազոտությունների աջակցության դրամաշնորհներ (Լ. Վանյան, Մ. Իսկանդարյան): ՀՀ ԿԳՄՍՆ ԳԿ և հիմնարար հետազոտությունների Բելառուսական պետական հիմնադրամի համատեղ միջազգային մրցույթի արդյունքում ֆինանսավորման երաշխավորվել են ամբիոնի երեք աշխատակիցներ (Ա. Փոլադյան, Լ. Գաբրիելյան, Կ. Գրիգորյան): 2021 թ.-ին ամբիոնի վեց աշխատակիցներ ճանաչվել են բարձր արդյունավետությամբ աշխատող գիտաշխատողներ (Կ. Թռչունյան, Ա. Փոլադյան, Լ. Գաբրիելյան, Հ. Փանոսյան, Լ. Հակոբյան, Ս. Միրզոյան):

Ամբիոնում գործում են նաև միջազգային կրթական կամ գիտական հիմնադրամներով ֆինանսավորվող նախագծեր, որոնցից են, Բարձրագույն կրթության Նորվեգական գործակալության դրամաշնորհը, «Ձեռնարկությունների ինկուբատոր» հիմնադրամի տրամադրած հետազոտական ծրագիրը, Erasmus+ (Գերմանիայի Սաարլանդի, Ֆրանսիայի Լիլի համալսարանների հետ), Հայաստանի գիտությունների և տեխնոլոգիայի հիմնադրամ (FAST) գիտահետազոտական մեկ և Կրթության և գիտության հայ ազգային հիմնադրամի (ANSEF) երկու դրամաշնորհներ:

Երևանի պետական համալսարանի կենսաբանության ֆակուլտետի մարդու և կենդանիների ֆիզիոլոգիայի ամբիոնը հիմնադրվել է 1921 թ. համալսարանի ռեկտոր Տ. Պ. Մուշեղյանի կողմից: 1936 թ. ամբիոնը ղեկավարել է ՀՀ ԳԱԱ ակադեմիկոս Էզրաս Հասրաթյանը, ապա` Գ. Պ. Մուշեղյանը, որոնք զբաղվում էին նյարդային համակարգի պլաստիկության ուսումնասիրությամբ:

1950 թ.-ից ամբիոնի ղեկավարությունը ստանձնել է պրոֆ. Ս. Ա. Հակոբյանը: Նրա ղեկավարությամբ մինչև 1971 թ. ամբիոնի կոլեկտիվը զբաղվել է ճառագայթային վնասվածքների ախտաբանության և բուժման պրոբլեմների ուսումնասիրությամբ: 1972 թվականից ամբիոնի վարիչ է նշանակվում ՀՀ ԳԱԱ ակադեմիկոս Հ. Գ. Բակլավաջյանը, ով ամբիոնը ղեկավարել է մինչև 1986 թ.: 1986 - 1991 թթ. ամբիոնը ղեկավարել է պրոֆ. Ն. Ս. Հակոբյանը, իսկ 1991 թվականից մինչև 2009 թ. ամբիոնի վարիչն է եղել պրոֆ. Ս. Մ. Մինասյանը:

1972 թ. մինչ այժմ ամբիոնի կարևորագույն գիտական ուղղություններից է էկոլոգիական գործոնների (թթվածնաքաղց, թրթռում, աղմուկ) և մտավոր ու հուզային ծանրաբեռնվածության պայմաններում օրգանիզմի ընդերամարմնական ֆունկցիաների (սիրտ-անոթային, շնչառական, արյան մակարդման համակարգեր, նյութափոխանակություն, անդաստակային վերլուծիչ) կարգավորման նեյրոֆիզիոլոգիական և նեյրոքիմիական մեխանիզմների ուսումնաիրությունը:

Ամբիոնում աշխատում են երկու պրոֆեսորներ, երեք դոցենտ, չորս ասիստենտ, մեկ դասախոս: Ամբիոնի աշխատակիցների ջանքերով վերջին տաս տարիներին հայերենով գրվել և լույս են ընծայվել մի շարք դասագրքեր և ուսումնական ձեռնարկներ:

2014 թ ԵՊՀ գիտական խորհրդի որոշմամբ ստեղծվեց «Կենսաբնություն» գիտահետազոտական ինստիտուտը: 2015 թ. մայիսին «Կենսաբանություն» գիտահետազոտական ինստիտուտի տնօրեն ընտրվեց կենսաբանական գիտությունների թեկնածու, դոցենտ Ալեքսանդր Հրանտի Եսայանը։ Փոխտնօրենն է կենսաբանական գիտությունների թեկնածու, գիտաշխատող Կարեն Արմենի Թռչունյանը: Գիտ. քարտուղար` կենսաբանական գիտությունների թեկնածու, գիտաշխատող Եվա Յուրիի Սողոյան:

Ինստիտուտը միավորում է 10 գիտահետազոտական լաբորատորիա՝
1. «Մանրէաբանության, կենսաէներգետիկայի և կենսատեխնոլոգիայի» լաբորատորիա
Աշխատակիցներ՝
Թռչունյան Կարեն Արմենի - ինստ. փոխտնօրեն, լաբ. ղեկ.գիտ.աշխ., կ.գ.դ.
Գրիգորյան Կարինե Մարտինի - ավ.գիտ.աշխ., կ.գ.թ.
Սահակյան Նաիրա Ժորայի - ավ.գիտ.աշխ., կ.գ.թ.
Հակոբյան Լիլիթ Յուրիկի - գիտ.աշխ., կ.գ.թ.
Վասիլյան Անահիտ Վելլերի - գիտ.աշխ., կ.գ.դ.
Մարգարյան Արմինե Արմենի - կրտս.գիտ.աշխ. կ.գ.թ.
Սողոմոնյան Դիանա Ռազմիկի - կրտս.գիտ.աշխ., կ.գ.թ.
Կարապետյան Լուսինե - ավ. լաբորանտ
Առաքելյան Անուշ Հայկի - ավագ լաբորանտ
Միրզոյան Սաթենիկ Նորիկի - ավագ լաբորանտ, կ.գ.թ.
Գևորգյան Հեղինե Խաժակի - գիտաշխատող
Վանյան Լիանա Մանվելի - լաբորանտ, մագ. ուսանող

Գևորգյան Հեղինե Խաժակի - լաբ
2. «Ենթաբջջային կառուցվածքների կենսաֆիզիկայի» լաբորատորիա
Աշխատակիցներ՝
Պողոս Հովհաննեսի Վարդևանյան - լաբ ղեկ.՝ գլխ.գիտ.աշխ., կ.գ.դ
Անտոնյան Արա Պետիկի - ավ.գիտ.աշխ., կ.գ.դ.
Փարսադանյան Մարինե Աշոտի - ավ.գիտ.աշխ., կ.գ.թ.
Պողոսյան Գայանե Հմայակի - գիտ.աշխ., կ.գ.թ.
Շահինյան Մարիամ Աշոտի - գիտ.աշխ., կ.գ.թ.
Մարիետա Սամվելի Միքաելյան - գիտ.աշխ., կ.գ.թ.
Տիրացույան Սուսաննա Գուրգենի - գիտ.աշխ., կ.գ.թ.
Սարգսյան Էվելինա Գեորգիի - գիտ.աշխ., կ.գ.թ.
Մինասբեկյան Լիյա Ալեքսանդրի - գիտ.աշխ., կ.գ.թ.

3. «Հիմնարար և ախտաբանական կենսաքիմիայի» լաբորատորիա
Աշխատակիցներ՝
Նիկոլայ Վլադիմիրի Ավթանդիլյան - ղեկ.՝ գիտ.աշխ.,կ.գ.թ.
Բարսեղյան Էռնեստինա Խիկարի - գիտ.աշխ. կ.գ.թ.
Սեմերջյան Գայանե Հենրիկի - կրտ.գիտ.աշխ. կ.գ.թ.
Հայրապետյան Նարինե Կոլյայի - գիտ.աշխ., կ.գ.թ.
Կարապետյան Հասմիկ Մաէնլեստի - գիտ.աշխ., կ.գ.թ.
Աղաջանյան Անուշ Արամայիսի - ավագ գիտ.աշխ., կ.գ.թ.
Գինովյան Միքայել Մարտիկի - գիտ.աշխ., կ.գ.թ.
Ջավրուշյան Հայարփի Գևորգի - գիտ.աշխ., կրտս. գիտ. աշխ., կ.գ.թ.
Մանուցյան Տաթևիկ Արմենի - ավագ լաբորանտ
Հովհաննիսյան Սվետլանա Մարատի - կրտս.գիտ.աշխ.
Պետրոսյան Գայանե Հովհաննեսի - կրտս.գիտ.աշխ.
Մարության Սյուզան Աշոտի - ավագ լաբորանտ
Բենյամինովա Լիդիա Ռադիկի - ավագ լաբորանտ
Քոչարյան Մերի Վարուժանի - ավագ լաբորանտ
Նադիրյան Էդիտա Էդուարդի - ավագ լաբորանտ
Իսկանդարյան Մերի Կարենի - կրտսեր գիտաշխատող

4. «Ընդհանուր և մոլեկուլային գենետիկայի» լաբորատորիա
Աշխատակիցներ՝
Ռուբեն Միքայելի Հարությունյան - ղեկ.` գլխ. գիտ. աշխ. ն. համ
Գալինա Գեորգիի Հովհաննիսյան - ավ. գիտ. աշխ. ն. համ
Էվելինա Արտաշի Աղաջանյան - ավ. գիտ. աշխ.
Անահիտ Լեոնի Աթոյանց - ավ. գիտ. աշխ.
Քրիստինե Սերյոժայի Մարգարյան - ավ. գիտ. աշխ.
Ռիմմա Էդուարդի Ավալյան - ավ. գիտ. աշխ.
Մարգարիտա Բենիամինի Մաթևոսյան - գիտ. աշխ.
Նելլի Սամվելի Բաբայան - կրտս. գիտ. աշխ.
Տիգրան Աշոտի Հարությունյան - կրտս. գիտ. աշխ. ն. համ.

5. «Կենդանաբանության» լաբորատորիա
Աշխատակիցներ՝
Ֆելիքս Դանիելի Դանիելյան - ղեկ.`գլխ. գիտ. աշխ. ն. համ
Մարինե Սեմյոնի Առաքելյան - ավագ գիտ. աշխ. ն. համ
Աննա Ֆելիքսի Կարապետյան - ավագ գիտ. աշխ. ն. համ
Գեորգի Յուրիի Պապով - գիտ. աշխ.
Սարգիս Աղասու Աղայան - գիտ. աշխ.
Մերի Վիկտորի Արզումանյան - ավագ լաբորանտ
Արմինե Մանվելի Քոսյան - կրտսեր գիտաշխատող

6. «Բուսաբանության և սնկաբանության» լաբորատորիա
Աշխատակիցներ՝
Սիրանուշ Գերասիմի Նանագյուլյան - ղեկ.` գլխ. գիտ. աշխ. ն.համ
Ինեսսա Մակեդոնի Էլոյան - ավագ գիտ. աշխ. ն. համ
Իրեն Վաչագանի Շահազիզյան - ավագ գիտ. աշխ. ն. համ
Եվա Յուրիի Սողոյան - գիտ. աշխ.
Եվա Խորենի Հովհաննիսյան - գիտ. աշխ.
Լուսինե Վահանի Մարգարյան - կրտս. գիտ. աշխ. ն. համ
Ռուզաննա Գեորգիի Ադամյան - կրտս. գիտ. աշխ. ն. համ
Աիդա Միքաելի Պետրոսյան - կրտս. գիտ. աշխ.
Եզեկյան Էլմիրա Սարիբեկի - մագ.ուս.

7. «Մարդու և կենդանիների ֆիզիոլոգիայի» լաբորատորիա
Աշխատակիցներ՝
Սիրանուշ Մինասի Մինասյան - ղեկ.`գլխ. գիտ. աշխ.
Սուսաննա Հրաչի Սարգսյան - ավագ գիտ. աշխ.
Էմմա Սերգեյի Գևորգյան - գիտ. աշխ. ն. համ
Մարիետտա Արմենակի Կարապետյան - գիտ. աշխ.
Ծովինար Իշխանի Ադամյան - գիտ. աշխ.
Լիլիթ Էդիկի Ղուկասյան - գիտ. աշխ.

8. «Կառուցվածքային կենսաֆիզիկայի» միջֆակուլտետային լաբորատորիա
Աշխատակիցներ՝
Էմիլ Սոսի Գևորգյան - ղեկ.՝ գլխ. գիտ. աշխ. ն. համ
Իրինա Գեղամի Արծրունի - ավագ գիտ. աշխ. ն.համ
Ժենյա Վաղինակի Յավրոյան - ավագ գիտ. աշխ. ն. համ
Կարինե Ստեփանի Մատինյան - ավագ գիտ.աշխ. ն.համ
Գայանե Վոլոդի Անանյան - ավագ գիտ. աշխ.
Նունե Ռոմենի Հակոբյան - գիտ. աշխ.
Գայանե Բաբկենի Ղուկասյան - գիտ. աշխ.
Ագապի Գևորգի Հովհաննիսյան - կրտս. գիտ. աշխ.
Ասատրյան Անուշ Լևոնի - գիտ.աշխ., կ.գ.թ.

9. «Կիրառական կենսաբանության և էկոլոգիական» լաբորատորիա
Աշխատակիցներ՝
Ալեքսանդր Հրանտի Եսայան - ինստիտուտի տնօրեն
Լուսինե Ռաֆայելի Համբարյան - ավագ գիտ.աշխ. ն.համ
Նելլի Ալեքսանդրի Հովհաննիսյան - գիտ. աշխ. ն. համ
Կարեն Կառլենի Գրիգորյան - գիտ. աշխ. ն. համ
Կարեն Արամայիսի Ղազարյան - գիտ. աշխ. ն. համ
Սյուզաննա Սայաթի Եսոյան - կրտս. գիտ. աշխ.
Հասմիկ Ներսեսի Զաքարյան - ավագ լաբ.
Եսայան Տիգրան Ալեքսանդրի - կրտս.գիտ.աշխ.

10. «Սնկերի կենսաբանության և կենսատեխնոլոգիայի» գիտահետազոտական լաբորատորիա
Աշխատակիցներ՝
Սուսաննա Միքայելի Բադալյան - լաբորատորիայի վարիչ
Նարինե Գրիգորի Ղարիբյան - ավագ գիտաշխատող
Անուշ Լևոնի Բարխուդարյան - գիտաշխատող
Անի Կարոյի Գասպարյան - ավագ լաբորանտ

Լաբորատորիայում իրականացվում է կենսառեսուրսների` ջրային և հողային ռեսուրսների էկոլոգիական վիճակի ուսումնասիրություն և գնահատում, կենսաբազմազանության էկոլոգիական և մոլեկուլային գենետիկական ուսումնասիրություններ:

Աշխատակիցների ցուցակ`
Ալեքսանդր Հրանտի Եսայան - «Կենսաբանություն» գ/հ ինստիտուտի տնօրեն
Լուսինե Ռաֆայելի Համբարյան - ավագ գիտ,աշխատող
Կարեն Արամայիսի Ղազարյան - գիտ. աշխատող
Նելլի Ալեքսանդրի Հովհաննիսյան - գիտ. աշխատող
Կարեն Կառլենի Գրիգորյան - գիտ. աշխատող
Մարինա Վահանի Դալլաքյան - կրտս. գիտ աշխատող
Սյուզաննա Սայաթի Եսոյան - կրտս. գիտ աշխատող
Հասմիկ Ներսեսի Զաքարյան - ավագ լաբորանտ
Իսկուհի Մարտիկի Մանուկյան - լաբորանտ