Տպագիր և հեռարձակվող լրատվամիջոցների ամբիոնը հիմնադրվել է 1999 թ. մայիսին և կոչվել է Ռադիոհեռուստատեսային ժուռնալիստիկայի ամբիոն: Հետագայում այն վերանվանվել է՝ ընդլայնելով ուսումնագիտական գործունեության շրջանակը։ Ամբիոնում կարդացվող դասընթացները ներառում են տպագիր, ռադիոհեռուստատեսային և առցանց ժուռնալիստիկայի հիմնարար ոլորտներն ու ուղղությունները:

Այսօր ամբիոնն ունի մասնագիտացված հեռուստառադիոստուդիաներ, համակարգչային սրահ, որոնք մշտապես թարմացվում են տեխնիկայով և սարքավորումներով՝ հնարավորություն տալով ուսանողությանը տեսական դասընթացներին զուգահեռ գործնական հմտություններ ձեռք բերել:

Վերջին տասնամյակում զգալի աշխատանքներ են իրականացվել ինչպես ուսումնական գործընթացի բարելավման, այնպես էլ գիտահետազոտական աշխատանքների արդյունավետության բարձրացման ուղղությամբ։ Ամբիոնի դասախոսների ուշադրության կետրոնում են ժամանակակից տպագիր և հեռարձակվող լրատվամիջոցների առջև ծառացած հիմնախնդիրները։ Նրանք ակտիվորեն մասնակցում են ‎ֆակուլտետային, համահամալսարանական, միջբուհական և միջազգային գիտաժողովներին, ամառային դպրոցներին ու սեմինարներին: Նրանց զեկուցումները, հոդվածները տպագրվում են հանրապետական և միջազգային ճանաչում ունեցող հանդեսներում ու ժողովածուներում:

Ամբիոնը հրատարակել է շուրջ երեք տասնյակ մասնագիտական գրքեր, մեթոդական ձեռնարկներ: Պաշտպանության են երաշխավորվել մեկ դոկտորական և երկու տասնյակից ավելի թեկնածուական ատենախոսություններ:

Այսօր ամբիոնում ներգրավված են ինչպես հեռուստառադիոոլորտի երիտասարդ ու հեռանկարային մասնագետներ, այնպես էլ հայկական ժուռնալիստիկայում ճանաչված, պրոֆեսորադասախոսական գործունեության փորձ ունեցող գիտնականներ:

21-րդ դարասկզբին տեղեկատվական և հաղորդակցական տեխնոլոգիաների հնարավորությունները նորովի են բացահայտվում՝ մեծապես ազդելով հասարակական, քաղաքական, տնտեսական և մշակութային գործընթացների զարգացման վրա: Դրանց բնորոշ հիմնախնդիրները նոր մեդիայի և հաղորդակցության ամբիոնում դիտարկվում են իբրև գիտակրթական առաջնահերթություններ, որոնց ուսումնասիրությունը արդիական է համացանցի դարաշրջանում հայաստանյան մեդիայի տեղն ու դերը հստակեցնելու համար:

Ամբիոնում ներգրավված են նոր մեդիայի և հաղորդակցության ոլորտի առաջատար մասնագետներ, որոնց դասընթացներում ներկայացվում են համացանցային ԶԼՄ-ների, մեդիաազդեցության ժամանակակից տեսությունների, մեդիայի և քաղաքական տեխնոլոգիաների, հաղորդակցություն, մեդիա և մշակույթ փոխհարաբերությունների հիմնական ուղղությունները:

Ամբիոնի դասախոսները հեղինակել են շուրջ երեք տասնյակ մենագրություններ, ուսումնական ձեռնարկներ, մայրենի լեզվով թարգմանվել են մասնագիտական գրքեր, մեթոդական ուղեցույցներ:

Այսօր ամբիոնում դասավանդում են ճանաչված, պրոֆեսորադասախոսական գործունեության փորձ ունեցող գիտնականներ, ինչպես նաև երիտասարդ, հեռանկարային մասնագետներ: Նրանց գիտական հոդվածները պարբերաբար հրատարակվում են ինչպես հանրապետական, այնպես էլ միջազգային գիտական հանդեսներում: Ամբիոնի դասախոսները իրենց ուսումնասիրությունները ներկայացնում են նաև միջբուհական, հանրապետական և միջազգային գիտաժողովներում:

Իր գոյության տարիներին ամբիոնը պաշտպանության է երաշխավորել մեկ դոկտորական և շուրջ երկու տասնյակ թեկնածուական ատենախոսություններ: