Անցյալ դարի վաթսուն-յոթանասունական թվականներին Հայաստանում սկսեցին մեծ թափով զարգանալ ռադիոֆիզիկայի մի շարք ճյուղեր (քվանտային ռադիոֆիզիկա, կիսահաղորդիչների ֆիզիկա, ռադիոաստղագիտություն և այլն), և զուգահեռաբար նաև ռադիոէլեկտրոնային արդյունաբերությունը: Գիտության և տնտեսության նշված ոլորտները երիտասարդ որակյալ կադրերով ապահովելու նպատակով ստեղծվել է ԵՊՀ ռադիոֆիզիկայի ֆակուտետը, որի առանցքային ամբիոններից մեկը ռադիոֆիզիկայի և էլեկտրոնիկայի ամբիոնն է:

Ռադիոֆիզիկայի և էլեկտրոնիկայի ամբիոնը կազմավորվել է 1938թ.-ին Երևանի համալսարանում 1928թ.-ից գործող էլեկտրառադիո լաբորատորիայի բազայի հիման վրա՝ ,,Էլեկտրականության և տատանումների ֆիզիկայի ամբիոն,, անվանմամբ։ Ամբիոնի վարիչ է նշանակվել նրա հիմնադիր՝ պրոֆեսոր Հարություն Անժուրը (Չեբոտարյան):

Հետագայում ամբիոնը վերանվանվել է՝ ,,Ռադիոֆիզիկայի և էլեկտրոնիայի ամբիոն,,:

Տարբեր ժամանակահատվածներում ամբիոնը ղեկավարել են ՀՀ ԳԱԱ ակադեմիկոսներ Ռ. Մարտիրոսյանը, Կ. Քոչարյանը, ԳԱԱ թղթ. անդամ Ա. Հախումյանը, պրոֆեսորներ Պ. Պողոսյանը, Լ. Մովսիսյանը, Յու. Ավետիսյանը:

Ամբիոնի առաքելությունը
Պատրաստել ռադիոֆիզիկայի ոլորտի, հայրենական և միջազգային աշխատաշուկայում մրցունակ գիտատեխնիկական և ճարտարագիտական բարձրակարգ մասնագետներ
Իրականացնել գիտական հետազոտություններ՝ միտված ռադիոֆիզիկայի ոլորտում ծառացած արդիական խնդիրների լուծմանը
Ամբիոնը եռաստիճան կրթական համակարգի շրջանակներում (բակալավրիատ, մագիստրատուրա և ասպիրանտուրա) իրականացնում է ,,Ռադիոֆիզիկա,, մասնագիտությամբ ուսուցում բակալավրիատում և մագիստրատուրայում: Բակալավրիատի շրջանավարտներն ստանում են ֆիզիկայի բակալավրի, իսկ մագիստրատուրայի շրջանավարտները՝ ֆիզիկայի մագիստրոսի որակավորում:

Ամբիոնում կատարվող գիտական հետազոտությունների հիմնական ուղղություններն են`
ԳԲՀ, տերահերցային և օպտիկական տիրույթների էլեկտրամագնիսական ալիքների գեներացումը, փոխակեպումը, ճառագայթումն ու ընդունումը: Տարբեր բնույթի միջավայրերում և կառուցվածքներում այդ ալիքների տարածումը, կլանումը, տեղայնացումը և այլն։
Մակերևութային պլազմոն-պոլյարիտոնների առանձնահատկությունների հետազոտումը հաճախությունների տեսանելի և տերահերցային տիրույթներում,
Կենսաբանական օբյեկտների հետ էլեկտրամագնիսական ճառագայթման փոխազդեցության հետազոտումը, կենսաազդանշանների գրանցումն ու մշակումը:

Ամբիոնին կից, Ռադիոֆիզիկական հետազոտությունների կենտրոնի կազմում գործում են 2 գիտահետազոտական լաբորատորիաներ՝
1․ Ենթամիլիմետրային ալիքների ԳՀ լաբորատորիան (Գիտ․ ղեկավար՝ ակադեմիկոս Ռ․ Մարտիրոսյան)
2․ Նանոպլազմոնիկայի ԳՀ լաբորատորիան (Գիտ․ ղեկավար՝ պրոֆ․ Խ․ Ներկարարյան)

Ամբիոնին կից գործում է նաև ԵՊՀ -ի, Ինտեգրա Տեքնոլոջի ընկերության (ԱՄՆ), և ՀՀ ԳԱԱ Ռադիոֆիզիկայի և էլեկտրոնիկայի ինստիտուտի (ՌՖԷԻ) համատեղ լաբորատորիան (Ղեկավար՝ պրոֆ․ Յու․ Ավետիսյան)

Ռադիոֆիզիկայի և էլեկտրոնիկայի ամբիոնը սերտորեն համագործակցում է հայրենական և արտերկրի մի շարք ընկերությունների հետ.
•Կայզերսլաուտերնի Համալսարան (Կայզերսլաուտերն, Գերմանիա)
•Սենսորների ինստիտուտ (Ալբորգ, Դանիա)
•Էլեկտրահաղորդակցության ԳՀԻ, (Տոհոկուի Համալսարան, Ճապոնիա)
•Սոգանգի համալսարան (Սեուլ, Կորեա)
•Օսակայի համալսարան (Ճապոնիա)
•Ինտեգրա տեխնոլոջի ընկերություն (ԱՄՆ)

ՀՀ ԳԱԱ ՌՖԷԻ, ՀՀ ԳԱԱ ՖՀԻ, ՀՀ ՊՆ և այլն

Կիրառական էլեկտրադինամիկայի և մոդելավորման ամբիոնը Ռադիոֆիզիկայի ֆակուլտետի գիտակրթական և հետազոտական բաժանմունք է, որի գիտական հետազոտությունները վերաբերում են միջուկային նյութի տեսությանը և աստղաֆիզիկական դրսևորումներին, ինտենսիվ ոչ մեներանգ էլեկտրամագնիսական ալիքի դաշտում ատոմական համակարգերի վարքի ուսումնասիրությանը, էլեկտրադինամիկական համակարգերի (ռեզոնատորներ, ալիքատարներ) ֆիզիկային և համակարգչային մոդելավորմանը:

Ամբիոնը հիմնադրվել է 1974 թ.-ին և մինչ 1983 թ.-ը անվանվել է «Միջուկային ֆիզիկայի» ամբիոն: Այդ ժամանակահատվածում ամբիոնը պատրաստել է հարյուրից ավելի երիտասարդ մասնագետներ այդ տարիներին նորակառույց հայկական ատոմային էլեկտրակայանի համար «Ցածր էներգիաների միջուկային ֆիզիկա և ատոմային էներգետիկա» մասնագիտությամբ: 1974-2000 թթ.-ը ամբիոնը ղեկավարել է ֆիզ. մաթ. գիտ. դոկտոր, պրոֆեսոր, ներկայումս ՀՀ ԳԱԱ թղթակից անդամ Յու. Վարդանյանը: 2001-2012 թթ.-ը ամբիոնը ղեկավարել է ֆիզ. մաթ. գիտ. դոկտոր, պրոֆեսոր, Գ. Հաջյանը: 2012-2018 թթ.-ը ամբիոնը ղեկավարել է ֆիզ. մաթ. գիտ. թեկնածու, դոցենտ Գ. Ալավերդյանը:

2019 թ.-ից ամբիոնը վերակազմավորվել և անվանվել է Կիրառական էլեկտրադինամիկայի և մոդելավորման ամբիոն: Այժմ ամբիոնը ղեկավարում է ֆիզիկամաթեմատիկական գիտությունների դոկտոր, պրոֆեսոր Արսեն Բաբաջանյանը:

Վերջին երկու տասնամյակներում ամբիոնն ունի զգալի ներդրում միջուկային նյութի տեսության և նրա աստղաֆիզիկական դրսևորումների հետազոտությունների բնագավառում, մասնավորապես միջուկային պլազմայում տարօրինակ քվարկային վիճակին փուլային անցման, քվարկային կորիզով նեյտրոնային ու տարօրինակ աստղերի ներքին կառուցվածքի և կայունության, տարօրինակ թզուկների ներքին կառուցվածքի, կայունության ու դիտողական դրսևորումների հարցերի վերաբերյալ: Ամբիոնում կատարվել են նաև հետազոտություններ ինտենսիվ ոչ մեներանգ էլեկտրամագնիսական ալիքի դաշտում եռամակարդակ ատոմների վարքի, էլիպտական հատույթով տորոիդային ռեզոնատորներում էլեկտրամագնիսական դաշտի կառուցվածքի վերաբերյալ:

Ամբիոնի առաքելությունը`
• Տրամադրել հիմնարար գիտելիքներ էլեկտրամագնիսական դաշտի տեսության և կիրառությունների վերաբերյալ,
• Պատրաստել բարձրակարգ մասնագետներ Էլեկտրամագնիսական ալիքների տարածման, էլեկտրադինամիկական խնդիրների համակրգչային մոդելավորման և կիրառությունների բնագավառում,
• Կատարել հետազոտություններ գերխիտ տիեզերական օբյեկտների ֆիզիկայի և էլեկտրադինամիկական համակարգերի ֆիզիկայի բնագավառում:
• Ներկայացնել ժամանակակից համակարգչային մոդելավորման և նմանակման եղանակները և մեթոդները կիրառական էլեկտրադինամաիկական խնդիրները լուծումներում:

Ամբիոնը բակալավրիատ, մագիստրատուրա և ասպիրանտուրա եռաստիճան կրթական համակարգի շրջանակներում պետպատվերով և վճարովի հիմունքներով ապահովում է բարձրագույն կրթություն հետևյալ մասնագիտություններով.

Բակալավրիատում`
Մասնագիտություն - «Ռադիոֆիզիկա»,
Մասնագիտացում - «Գիտափորձի համակարգչային ավտոմատացում և մոդելավորում»:

Մագիստրատուրայում`
Մասնագիտություն - «Ռադիոֆիզիկա»,
Մագիստրոսական ծրագիրը - «Էլեկտրոդինամիկական պրոցեսների համակարգչային մոդելավորում և նմանակում»:

Կիսահաղորդիչների և դիէլեկտրիկների ֆիզիկայի (ներկայումս Կիսահաղորդչային ֆիզիկայի և միկոէլեկտրոնիկայի) ամբիոնը հիմնադրվել է 1965 թ.: Ամբիոնի առաջին վարիչը եղել է ՀԽՍՀ ԳԱ թղթակից անդամ Գ. Մ. Ավագյանցը: Տարբեր ժամանակահատվածներում ամբիոնը ղեկավարել են ֆիզմաթ. գիտ. դոկտոր, պրոֆ. Զ. Կասամանյանը, ֆիզմաթ. գիտ. թեկնածու, դոցենտ Է. Մելիքյանը: 1977 թ. մինչ այժմ ամբիոնն անփոփոխ ղեկավարում է ֆիզմաթ. գիտ. դոկտոր, պրոֆ., ՀՀ ԳԱԱ ակադեմիկոս Վ. Մ. Հարությունյանը:

Ամբիոնին կից գործում է Կիսահաղորդչային սարքերի և նանոտեխնոլոգիաների կենտրոնը:

Ամբիոնի և կենտրոնի առաքելությունը`
• Գիտահետազոտական աշխատանքների, կրթական ծրագրերի և աշխատանքային ու ուսուցանման էթիկայի միջոցներով սերմանել և տարածել հասարակության մեջ հետևյալ արժեքները`
ա) Էռգոնոմիկ սենսորիկա (սենսորիկա և ամենօրյա բարեկարգ կյանք),
բ) «Կանաչ» գիտություն (վերականգնվող աղբյուրների էներգիա, նորարարական գյուղատնտեսություն, սննդի որակի վերահսկում, ինքնաբավարար-ապահով զարգացում և շրջակա միջավայրի մոնիթորինգ, այդ հարցի շուրջ հասարակության իմացության աճ),
գ) Ուսուցում կյանքի ընթացքում (գիտելիքների և հմտությունների հարմոնիզացիայի ապահովում երիտասարդ, հասուն և ծեր սերնդի ներկայացուցիչների համար արագ փոփոխվող հասարակությունում)`
• Նպաստել մշակույթների փոխմերձեցմանը և հարմոնիզացիային գիտական համագործակցության և գիտելիքների փոխհարստացման միջոցով:

Հիմնական հետազոտական ուղղությունները`
• Սենսորիա,
• Արեգակնային էներգիայի փոխակերպում,
• Ֆլուկտուացիաներ և աղմկային երևույթներ,
• Կիսահաղորդիչ-հեղուկ բյուրեղ մակերևութային երևույթներ,
• Քվանտաչափային երևույթներ A3B5 կիսահաղորդիչներում:

Ամբիոնը բակալավրիատ, մագիստրատուրա և ասպիրանտուրա եռաստիճան կրթական համակարգի շրջանակներում պետպատվերով և վճարովի հիմունքներով ապահովում է բարձրագույն կրթություն հետևյալ մասնագիտություններով.

Բակալավրիատում`
• կիսահաղորդիչների ֆիզիկա և միկրոէլեկտրոնիկա,
• ռադիոֆիզիկա և էլեկտրոնիկա:

Մագիստրատուրայում`
• կիսահաղորդիչների ֆիզիկա և միկրոէլեկտրոնիկա,
• ռադիոֆիզիկա և էլեկտրոնիկա:

«Հեռահաղորդակցություն և ազդանշանների մշակում» ամբիոնը գործում է Ռադիոֆիզիկայի ֆակուլտետում 2019թ.-ից:

«Հեռահաղորդակցություն և ազդանշանների մշակում» մասնագիտացումը ֆակուլտետում գործել է 2008թ.-ից «ԳԲՀ Ռադիոֆիզիկայի և հեռահաղորդակցություն» ամբիոնում:

Ամբիոնը իրականացնում նաև ռադիոֆիզիկայի ֆակուլտետի հիմնարար թեմատիկ ուղղությունների պահանջների համար մեթոդապես հատուկ մշակված բարձրագույն մաթեմատիկայի բազային բաժինների դասավանդման աշխատանքները:

«Հեռահաղորդակցություն և ազդանշանների մշակում» ամբիոնը պատրաստում է մասնագետներ, որոնք կարող են աշխատել տեղեկատվության մշակման և հաղորդման, տեխնոլոգիաների նախագծման, ավտոմատացման, շահագործման, տեղեկատվության անվտանգության ոլորտներին առնչվող ձեռնարկություններում (U-com, Beeline, MTS, National Instruments և ՀՀՏՏ ոլորտի բազմաթիվ այլ ձեռնարկություններ), բանկային համակարգում, ինչպես նաև տվյալ ոլորտի զարգացումն ապահովող գիտահետազոտական ինստիտուտներում:
Ազդանշանների համակարգչային մշակման եղանակները և դրանց արագագործությունը վճռական նշանակություն ունեն ամենատարբեր բնագավառներում` սկսած ռազմական խնդիրներից՝ մինչև արտադրականև գիտական սարքերի ավտոմատացում:

Ամբիոնի առաքելությունը

Պատրաստել հեռահաղորդակցության և ազդանշանների մշակման բնագավառի բարձրակարգ մասնագետներ, որոնք, ունենալով խորը և հիմնարար տեսական գիտելիքներ, կարողանում են դրանք գործնականում հմտորեն կիրառել:

Կատարել հետազոտություններ բարձր էֆեկտիվությամբ հեռահաղորդակցականհամակարգերի մշակման, էլեկտրամագնիսական ալիքների ղեկավարման տարատեսակ համակարգերի (ռեզոնատորներ, անտենաներ, կլանիչ մետամակերևույթներ) վերաբերյալ:

Խթանել հեռահաղորդակցության, ազդանշանների թվային մշակման, ինչպես նաև ընդհանուր ռադիոֆիզիկական խնդիրների լուծման համար արդիմաթեմատիկականապարատիկիրառումը:

Ամբիոնը իրականացնում է ուսուցում և գիտական աստիճանների շնորհում հետևյալ մասնագիտությունով`
Բակալավրի որակավորում`
Մասնագիտություն - «Ռադիոտեխնիկա և կապ»,
Մասնագիտացում – «Հեռահաղորդակցություն և ազդանշանների մշակում»:

Մագիստրոսի որակավորում`
Մասնագիտություն - «Ռադիոտեխնիկա և կապ»
Մասնագիտացում – «Հեռահաղորդակցություն»:

Կիսահաղորդչային նյութերի և սարքերի ֆիզիկայի պրոբլեմային լաբորատորիան հիմնադրվել է 1959թ.-ին: 2007թ.-ին Լաբորատորիան վերանվանվել է և այժմ կրում է «Կիսահաղորդչային սարքերի և նանոտեխնոլոգիաների» կենտրոն անվանումը:

ԵՊՀ Կիսահաղորդչային սարքերի և նանոտեխնոլոգիաների կենտրոնի ընդհանուր գիտական ուղղությունը վերաբերվում է կիսահաղորդչային նյութագիտությանը և տեխնոլոգիային, ինչպես նաև նանոտեխնոլոգիային և նանոէլեկտրոնիկային: Կենտրոնի հիմնական գիտական նպատակներն են կիսահաղորդչային մետաղօքսիդների և նանոկոպոզիտային նյութերի հաստ և բարակ թաղանթների հիման վրա լավարկված պարամետրերով, ճկուն և կարծր տակդիրներով սենսորների ստեղծումն ու հետազոտումը: Բացի այդ, կենտրոնում քվանտային կետերի հիման վրա պատրաստվում և հետազոտվեն միջին ենթակարմիր տիրույթում աշխատող Շոտկի դիոդներ և մշակվում գրաֆեն-հեղուկ բյուրեղ կառուցվածքի հիման վրա տերահերցային ֆոտոնիկայի կառավարվող տարրերի պատրաստման տեխնոլոգիա: Տեսականորեն հետազոտվում և առաջարկվում են վիրուսների հայտնաբերման նանոչափային կենսաբանական սենսորների աշխատանքի նոր մեթոդներ, ուսումնասիրվում են երկշերտ գրաֆենի գոտիական կառուցվածքը, ինչպես նաև կանխագուշակվում են լավարկված պարամետրերով նոր տիպի պինդ մարմնային էլեկտրոլիտներ:

Միքայել Սերյոժայի Ալեքսանյանը - կենտրոնի տնօրեն

Կենտրոնի աշխատակիցներ

Վլադիմիր Միքայելի Հարությունյան - գլխավոր գիտաշխատող
Հայկ Աշոտի Զաքարյան - լաբորատորիայի վարիչ
Հակոբ Լևոնի Մարգարյան - առաջատար գիտաշխատող
Կարեն Մարտինի Ղամբարյան - ավագ գիտաշխատող
Սլավիկ Վոլոդյայի Մելքոնյան - ավագ գիտաշխատող
Ֆերդինանտ Վազգենի Գասպարյան - ավագ գիտաշխատող
Զավեն Նիկոլայի Ադամյան - ավագ գիտաշխատող
Գոհար Էմիլի Շահնազարյան - գիտաշխատող
Նունե Հրանտի Հակոբյան - գիտաշխատող
Արտակ Գարեգինի Սայունց - գիտաշխատող
Բաբկեն Օքսենի Սեմերջյան - կրտսեր գիտաշխատող
Գևորգ Հարությունի Շահխաթունի - կրտսեր գիտաշխատող
Էմմա Արսենի Խաչատուրյան - կրտսեր գիտաշխատող
Գնել Մկրտիչի Ստեփանյան - ավագ ճարտարագետ
Հայկանուշ Ռաֆայելի Հովհաննիսյան - լաբորանտ

Լաբորատորիայի ստեղծման համար հիմք են ծառայել ամբիոնում երկար տարիների ընթացքում ծավալված գիտական հետազոտությունները, որոնք վերաբերում են գերխիտ նյութի վիճակի հավասարման ուսումնասիրությանն ու դրա հիման վրա նեյտրոնային աստղերի ներքին կառուցվածքի ու ինտեգրալ բնութագրերի որոշմանը: Կոմպակտ աստղերը յուրօրինակ տիեզերական լաբորատորիաներ են գերխիտ նյութի կառուցվածքային հատկությունների, մասնավորապես, երկրային լաբորատոր պայմաններում դեռևս անհասանելի ծայրահեղ բարձր խտություն ունեցող նյութի բաղադրամասնիկային կազմի ուսումնասիրման տեսանկյունից: Կոմպակտ աստղերի կառուցվածքի տեսական ուսումնասիրությունն ու դրանց ինտեգրալ բնութագրերի վերհանումը հեռանկարներ է ստեղծում աստղագիտական դիտումների տվյալների ու տեսական հետազոտությունների արդյունքների համադրման միջոցով տեղեկություններ ստանալ այդպիսի էքստրեմալ պայմաններում գտնվող նյութի վիճակի հավասարման, բաղադրամասնիկային կազմի, նրանում իրականացող փոխազդեցությունների ու վերափոխությունների վերաբերյալ:

Լաբորատորիայում աշխատանքներ են կատարվում կոմպակտ աստղերում ձերբազատված քվարկների առկայության և աստղի բնութագրերի վրա վերջինիս ազդեցության ուսումնասիրման ուղղությամբ: Այս ոլորտում իրականացվող հետազոտությունները կարելի է բաժանել երեք հիմնական ուղղությունների՝

Տարօրինակ աստղերի կառուցվածքի ուսումնասիրություն,

Տարօրինակ թզուկների ուսումնասիրություն և սպիտակ թզուկների նկատմամբ տարբերիչ հատկանիշների բացահայտում,

Քվարկային կորիզով հիբրիդային աստղերի կառուցվածքի ուսումնասիրություն:

Լաբորատորիայի աշխատակիցներ՝
Գևորգ Սուրենի Հաջյան
Գրիգոր Բախշիի Ալավերդյան

2017 թվականին ԵՊՀ ռադիոֆիզիկայի ֆակուլտետի «Գերբարձր հաճախությունների ռադիոֆիզիկայի և հեռահաղորդակցության» ամբիոնին կից ստեղծվել է «Նանոպլազմոնիկա» գիտահետազոտական լաբորատորիան (ԳՀԼ):

«Նանոպլազմոնիկայ» ԳՀԼ-ում կատարվում են հետազոտությունների հետևյալ հիմնական ուղղություններով.

Մետաղական կառուցվածքներով տարածմվող մակերևութային պլազմոն պոլյարիտոնների (ՄՊՊ) գերֆոկուսացում (նանոֆոկուսացում) երևույթի ուսումնասիրությունը՝ նանոմետրական լուծունակությամբ տեսածրող մանրադիտակների ստեղծման նպատակով:

Քվանտային դիպոլային ճառագայթչից և մետաղական նանոմասնիկից կազմված համակարգերում սպոնտան Ճառագայթման փոփոխությունները և դրանցով պայմանավորված համակարգի խճճված քվանտային վիճակների հնարավորությունը, ինչը միտված է ինֆորմացիայի մշակման համակարգերի արագագործության մեծացմանը:

Անթափանց մետաղական էկրանի վրա կառուցված՝ ալիքի երկարությունից փոքր չափեր ունեցող անցքերի կամ ճեղքերի միջով լույսի արտասովոր անցման երեւույթի փորձարարական հետազոտությունները և համադրումը՝ հիմնված թվային հաշվարկների եւ տեսական վերլուծությունների:

Հեղուկի մակերևույթը հատող օպտիկական մանրաթելի մետաղապատ կոնաձև գագաթի ճառագայթման վրա հիմնված գերզգայուն տատանումների (մոտ 50 նմ) սենսորի նախագծում:

«Նանոպլազմոնիկա» ԳՀԼ-ում իրենց փորձարարական աշխատանքներն են իրականացնում նաև ամբիոնի մագիստրոսները և ասպիրանտները: ԳՀԼ-ում են իրականցվում նաև «Գերբարձր հաճախությունների ռադիոֆիզիկայի և հեռահաղորդակցության» ամբիոնի մագիստրատուրայի ուսումնական պլանում ընդգրկված «Ինտեգրալային օպտօելեկտրոնիկա», «Նանոֆոտանիկա», «Ոչ գծային և պարամետրական երևույթներ» և «Արհեստական միջավայրերի էլեկտրադինամիկա» առարկաների լաբորատոր աշխատանքները:

«Նանոպլազմոնիկա» ԳՀԼ ղեկավար`
Խաչատուր Վլադիմիրի Ներկարարյան, ֆ.մ.գ.դ., պրոֆեսոր

«Նանոպլազմոնիկա» ԳՀԼ աշխատակիցներ՝
Արսեն Ժորայի Բաբաջանյան, ֆ.մ.գ.դ., ավագ գիտաշխատող
Տիգրան Արսենի Աբրահամյան, ֆ.մ.գ.թ., գիտաշխատող
Սոնա Խաչատուրի Ներկարարյան, գիտաշխատող

ԵՊՀ-ի և «Կոկա-Կոլա ՀԲՔԱ» ընկերության միջև այսօր կնքվել է համագործակցության հուշագիր, որի նպատակն է խթանել ՏՏ ոլորտի, ինչպես նաև երիտասարդների համապատասխան հմտությունների զարգացումը՝ ստեղծելով «Coca-Cola Video Games Lab YSU» վերապատրաստման և զարգացման հարթակը:

Կրթական և տեղեկատվական տեխնոլոգիաների ոլորտներում, մասնավորապես՝ աշխարհում արագ զարգացող տեսախաղերի արդյունաբերության ոլորտում ԵՊՀ-ի և «Կոկա-Կոլա ՀԲՔԱ» ընկերության միջև հաստատված համագործակցության նպատակներից է ստեղծել «Coca-Cola Video Games Lab YSU» վերապատրաստման և զարգացման հարթակը:

Այն հնարավորություն կտա երիտասարդներին ձեռք բերելու տեսախաղերի ստեղծման համար անհրաժեշտ տեխնիկական գիտելիքներ, տեսախաղերի բիզնեսի առաջխաղացման հմտություններ, ինչպիսիք են՝ ֆինանսներ, շուկայավարում, թվային արտադրանքների զարգացման PR և այլն:

Պլանավորվում է առաջին խումբը հավաքագրել մինչև մարտի մեկը (գրանցվել այստեղ), և անցկացնել եռամսյա արագացված դասընթացներ, որից հետո արդեն ստացված գիտելիքներով և հմտություններով իրականացնել հարթակի համակարգումը: