Ամբիոնի՝ Հայաստանում ռուսաց լեզվի առաջին ամբիոնի ստեղծման տարեթիվը համարվում է 1937 թ.-ը: Ամբիոնի հիմնադիրն ու նրա առաջին վարիչը հայտնի լեզվաբան, բ.գ.թ., դոց. Ռաֆայել Լեոնտիի Մելքումյանն էր: ԵՊՀ ռուսաց լեզվի ամբիոնն այնուհետև գլխավորեց բ.գ.թ., պրոֆ. Դավիթ Կարպի Ջաղացպանյանը:

1974 թ.-ին նրա հիման վրա ստեղծվեց ԵՊՀ ռուսաց լեզվի տեսական ամբիոնը, որի կազմն ընդգրկում էր Հայաստանի առաջատար ռուսագետներին՝ բ.գ.դ., պրոֆ. Հ.Ա. Մարգարյանին, բ.գ.թ., պրոֆ. Ռ.Մ. Շահբազյանին, բ.գ.թ., դոց. Ս.Ա. Ավետիսյանին, բ.գ.թ., դոց. Ի.Ն. Դիմարսկայա-Բաբալյանին, բ.գ.թ., դոց. Ի.Հ. Ստեփանյանին, բ.գ.թ., դոց. Գ.Ն. Շաքարյանին, բ.գ.թ., դոց. Դ.Ե. Անմեղիկյանին, բ.գ.թ., դոց. Ռ.Ա. Տեր-Առաքելյանին, բ.գ.թ., դոց. Է.Ռ. Արզումանյանին, բ.գ.թ., դոց. Ի.Դ. Ստրելցովային, դոց. Լ.Խ. Իսրայելյանին, բ.գ.թ., դոց. Ի.Կ. Մանուչարյանին, դոց. Ն.Ա. Խաչատուրյանին, ասիստենտ Ի.Մ. Մելիք-Օհանջանյանին և այլոց:

Ավելի ուշ ամբիոնը վերանվանվեց լեզուների տիպաբանության, ռուսաց լեզվի տեսության և մեթոդիկայի ամբիոն, իսկ 2007 թվականից՝ ռուսաց լեզվաբանության, տիպաբանության և հաղորդակցման տեսության ամբիոն:

Նոր՝ տեսական ամբիոնի առաջին վարիչը դարձավ հայտնի գիտնական և խոշոր կազմակերպիչ, թարգմանության տեսության մասնագետ, բ.գ.դ., պրոֆ., ՀՀ ԳԱԱ ակադ. Լևոն Մկրտչի Մկրտչյանը: Նրանից հետո ամբիոնի վարիչն է եղել փայլուն լեզվաբան և տաղանդավոր մանկավարժ, բ.գ.դ., պրոֆ. Հրանուշ Արայի Մարգարյանը: Այնուհետև ամբիոնի վարիչն է եղել ականավոր գիտնական, փիլիսոփա և լեզվաբան, փ.գ.դ., պրոֆ., ՀՀ ԳԱԱ ակադ. Էդուարդ Ռաֆայելի Աթայանը: Է.Ռ. Աթայանին ամբիոնի վարիչի պաշտոնում փոխարինեց բ.գ.թ., դոց. Իվետտա Կարապետի Մանուչարյանը, որը հաջողությամբ աշխատեց այդ պաշտոնում տաս տարիների ընթացքում: 2006 թվականից ամբիոնի վարիչն է բ.գ.դ., պրոֆ., Հայոց փիլիսոփայական ակադեմիայի իսկական անդամ Լիլիթ Գեորգի Բրուտյանը:

Ամբիոնի անվանման մեջ մատնանշված են առաջնություն ունեցող այն գիտական և գիտամեթոդական ուղղությունները, որոնցով զբաղվում են այսօր ամբիոնի անդամները: Դրանք են. 1) ժամանակակից ռուսաց լեզվի արդի հիմնախնդիրները, մասնավորապես ռուսերենի հնչյունաբանության, բառագիտության, իմաստաբանության, քերականության, բառակազմության, տերմինաբանության, ոճաբանության և խոսքի մշակույթի, գործաբանության, ինչպես նաև ռուսերենի դասավանդման մեթոդիկայի հարցերը, 2) լեզուների տիպաբանության խնդիրները, մասնավորապես ռուսերենի և հայերենի, ինչպես նաև սլավոնական լեզուների (ռուսերենի, չեխերենի և այլն) զուգադրական-տիպաբանական ուսումնասիրությունը, 3) հաղորդակցման տեսության, այդ թվում միջմշակութային հաղորդակցման և թարգմանության հիմնահարցերը:

Ամբիոնի դասախոսները ակտիվորեն զբաղվում են գիտական գործունեությամբ. հրատարակում են մենագրություններ, հոդվածներ, բառարաններ, մասնակցում են բազմաթիվ միջազգային գիտաժողովներին: Ամբիոնը սերտորեն համագործակցում է ՌԴ Պենզայի պետական համալսարանի հետ, 2016 թվականից ի վեր հանդես է գալիս որպես Պենզայում անցկացվող “Языковая политика и вопросы гуманитарного образования” միջազգային ամենամյա գիտաժողովների համակազմակերպիչ: Ամբիոնում պարբերաբար անց են կացվում ռուս լեզվաբանության արդի հիմնահարցերին նվիրված տեսական սեմինարներ, որտեղ ելույթ են ունենում նաև հրավիրված զեկուցողներ: Ամբիոնի անդամների գործունեության կարևոր մասն են կազմում, մանկավարժականի և գիտականի հետ մեկտեղ, գիտամեթոդական աշխատանքը: Այն ներառում է բազմաթիվ դասագրքերի, ուսումնական ձեռնարկների, ուսումնական բառարանների, թելադրությունների ժողովածուների և ուսումնական ծրագրերի ստեղծումը ինչպես ռուս բանասիրության ֆակուլտետների, այնպես էլ դպրոցների համար:

Կարևորագույն հրապարակումների թվում են ամբիոնի գիտական աշխատությունների “Лингвистические исследования” (պրակ I, 2001, պրակ II, 2009, պրակ III, 2011, պրակ IV, 2013, պրակ V, 2015), “Актуальные проблемы русского языкознания. Лекции для магистратуры” (2004) ժողովածուները, Լ.Գ.Բրուտյանի “Беседы о межкультурной коммуникации” (2014) դասագիրքը, “Практикум по современному русскому языку” (գլխավոր խմբագիր՝ Լ.Գ.Բրուտյան, 2008), Լ.Գ.Բրուտյանի “Говорим, не говоря (Невербальная коммуникация в разных культурах)” (2015), Ն.Ի.Մարտիրյանի (Մ.Պ.Շատվորյանի համահեղինակությամբ) “Русский язык (пособие для студентов факультета журналистики)” (2018), Ն.Ի.Մարտիրյանի, Ա.Գ.Սարգսյանի և Լ.Բ.Մաթևոսյանի “Русский язык: Пособие для студентов богословского факультета” (2012) ուսումնական ձեռնարկները, ինչպես նաև Է.Ռ.Աթայանի “Язык и внеязыковая действительность” (1987), Ռ.Ա.Տեր-Առաքելյանի “Переводная грамматика” (2005), Ի.Կ.Մանուչարյանի “Очерки по типологии русского и чешского языков” (2006), Հ.Ա.Մարգարյանի “Очерк русской морфологии в сопоставлении с армянской” (2007), Ռ.Ռ.Գրձելյանի “Слово в ореоле смысла” (2007), Լ.Բ.Մաթևոսյանի “Языковое сознание. Стереотипный пласт» (2007), “Стереотипный пласт языкового сознания: от стандартного к оригинальному” (2012), Ս.Պ.Լամբարջյանի “Персуазивность в художественном тексте” (2015), Լ.Գ.Բրուտյանի “Язык и гендер” (2008) և նույն հեղինակի “Публичный дискурс. Հրապարակային խոսույթ. Public Discourse” (2016) մենագրությունները:

Ռուս գրականության ամբիոնը ստեղծվել է 1941 թ.-ին, չնայած ռուս գրականության պատմության համակարգված դասընթացը դասավանդվել է ԵՊՀ-ում 1933 թվականից սկսած, հիմնականում շնորհիվ այդ ժամանակ Լենինգրադից ժամանած ռուս հայտնի գրող Հիերոնիմ Յասինսկու դուստր Զ.Հ. Յասինսկայայի ջանքերի: Մի քանի տարի շարունակ Զ.Հ. Յասինսկայան դասախոսություններ էր կարդում ռուս գրականության պատմության գրեթե բոլոր դարաշրջաններից: Ավելի ուշ, երբ ամբիոնը փոքր ինչ ընդլայնվեց և համալրվեց երիտասարդ մասնագետներով, Զ. Յասինսկայան կենտրոնացավ հիմնականում հին ռուս գրականության պատմության դասընթացի վրա: 1940-ական թվականներին հրատարակվեց նրա «Դասախոսություններ ռուս գրականության մասին» ձեռնարկը, որը ներառում էր ռուս բանահյուսության փոքր ժանրերի, Ֆոնվիզինի, Գրիբոյեդովի, 19-րդ դարասկզբի ռուսական պոեզիայի մասին բաժիններ: 1949 թ.-ին Զ.Հ. Յասինսկայան հայերեն լեզվով լույս ընծայեց Ղ.Վ. Այվազյանի համահեղինակությամբ գրված «Կիևյան Ռուսիայի գրականությունը» դասագիրքը:

1941 թ.-ից մինչև 1971 թ. ռուս գրականության ամբիոնը ղեկավարել բ. գ. դ., պրոֆեսոր Ռ.Հ. Հովհաննիսյանը: Այս մոտ երեսունամյա ժամանակահատվածում ամբիոնն անցել է մեծ ճանապարհ, որը հատկապես դժվարին է եղել կայացման շրջանում, երբ որոշվեցին և մշակվեցին ոչ միայն ռուս գրականության պատմության հիմնական դասընթացները, այլ նաև առարկաների մի ամբողջ համալիր` ռուս գրականության, ինչպես նաև թարգմանության տեսության ու պրակտիկայի և հայ-ռուսական գրական կապերի վերաբերյալ: Այդ տարիներին ռուս գրականության ամբիոնում աշխատում էին հիանալի դասախոսներ, որոնք մեծ դեր ունեցան Հայաստանում գրականագիտության զարգացման գործում` Հ.Ն. Սալախյանը, Ա.Կ. Սիմոնովան, Ք.Գ. Չմշկյանը, Ղ.Վ. Այվազյանը, Ս.Հ. Մելիք-Նուբարովը և այլոք:

1971 թ.-ից մինչև 1978 թ. ռուս գրականության ամբիոնը ղեկավարել է բ. գ. թ., դոցենտ Ղ.Վ. Այվազյանը: Նա փայլուն դասախոս էր, անվանի գիտնական և տաղանդավոր կազմակերպիչ: Նրա գիտական հետաքրքրությունների ոլորտն էին կազմում գրականության տեսության խնդիրները և հայ-ռուսական գրական, պատմամշակութային առնչությունները միջնադարում: Նրա հրավերով Հայաստան դասախոսություններ կարդալու էին գալիս այնպիսի մեծանուն գիտնականներ, ինչպիսիք էին Դ.Ս. Լիխաչովը, Յու.Մ. Լոտմանը, Զ.Գ. Մինցը, Ե.Գ. Էտկինդը և շատ ուրիշներ: Նրա նախաձեռնությամբ և ակտիվ մասնակցությամբ 1962 թ.-ին կյանքի կոչվեցին համամիութենական «Բրյուսովյան ընթերցումները», որոնց շնորհիվ Երևանը հետագայում դարձավ բրյուսովագիտության ճանաչված կենտրոն:

Այդ ժամանակահատվածում ամբիոնում դասավանդում էին բ. գ. թ., դոցենտներ Է.Մ. Պարոնիկյանը, Ս.Տ. Հախումյանը, Լ.Մ. Մկրտչյանը, Ն.Ն. Սարկիսովան, Գ.Ա. Թաթոսյանը, Ք.Ա. Պախանյանցը, Ռ.Ա. Պապայանը և ուրիշներ:

Այդ ընթացքում ամբիոնը կազմակերպել է համամիութենական կոնֆերանսների, կոլեկտիվ գրական հրապարակումների մի ամբողջ շարք, մասնավորապես «Ռուս դասականները և Խորհրդային Միության ժողովուրդների գրականությունը» (10 հատոր), «Ռուս և հայ միջնադարյան գրականություն» (2 հատոր), «Գրական կապեր» (4 հատոր):

Տասնութ տարի ռուս գրականության ամբիոնն ու ռուս բանասիրության ֆակուլտետը ղեկավարել է գիտնական, գրող, բանասիրական գիտությունների դոկտոր, պրոֆեսոր, ՀՀ ԳԱԱ ակադեմիկոս, ԽՍՍՀ գիտության վաստակավոր գործիչ Լ.Մ. Մկրտչյանը: Նրա գիտական հետաքրքրությունների շրջանակը շատ լայն էր. զբաղվում էր հայ և ռուս գրականության, գեղարվեստական թարգմանության, գրական առնչությունների խնդիրներով:

Լ. Մկրտչյանը մեծ ավանդ ունի միջնադարյան հայ գրականության ուսումնասիրման, մեկնաբանման, հրատարակման ու պրոպագանդման գործում: Նա հրատարակել է միջնադարյան հայ բանաստեղծներ Նահապետ Քուչակի, Գրիգոր Նարեկացու, Կոստանդին Երզնկացու ստեղծագործությունները ռուսերեն թարգմանությամբ: Նրա ջանքերի շնորհիվ հայ գրականության բազում նմուշներ թարգմանվել են անգլերեն, գերմաներեն, լեհերեն` մատչելի դառնալով օտարալեզու ընթերցողին: Լ. Մկրտչյանը հեղինակել է մի շարք ուսումնասիրություններ` նվիրված Դոստոևսկու, Տոլստոյի, Չեխովի, Սալտիկով-Շչեդրինի ստեղծագործությանը: Այդ տարիներին ամբիոնում դասավանդում էին բ. գ. դ., պրոֆ. Լ.Մ. Կիրակոսյանը, բ. գ. թ., դոցենտներ Ք. Հ. Պախանյանցը, Ն.Ա. Գոնչարը, Մ.Ղ. Այվազյանը, Ա.Հ. Սահակյանը, Մ.Վ. Պետրոսյանը, Կ.Լ. Մկրտչյանը, Լ.Գ. Հակոբյանը:

1988 թ. Լ. Մկրտչյանի նախաձեռնությամբ հիմնվեց «Декабрьские литературные чтения» ամենամյա գիտական հանդեսը, որի էջերում տպագրվել են ռուս գրականության ամբիոնի դասախոսների հոդվածները: Այս պարբերեկանը լույս է ընծայվել մինչև 2014թ. /ընդամենը 12 պրակ/ և ավարտեց իր առաքելությունը, երբ 2015 թ. հիմնվեց «Բանբեր Երևրանի համալսարանի. Ռուս բանասիրություն» հանդեսը, որի պատասխանատու խմբագիր նշանակվեց Ն.Ա. Գոնչարը:

2001 թվականից ամբիոնի վարիչի պաշտոնը ստանձնեց բ. գ. թ., դոցենտ Ք. Հ. Պախանյանցը: Նրա գիտական հետաքրքրություններն ընդգրկում էին ռուս գրականության ամենատարբեր դարաշրջանները` հին շրջանից մինչև 20-րդ դար, բայց առավել մեծ էր նրա հակվածությունը գրականության հոգևոր և բարոյական խնդիրների հանդեպ: Թերևս այդ էր պատճառը, որ նա մշակեց մի յուրօրինակ դասընթաց` «Աստվածաշնչային մոտիվները ռուս գրականության մեջ»: Նրա օրոք ամբիոնը կազմակերպել է մի շարք գիտաժողովներ` նվիված Հայաստանում քրիստոնեության ընդունման 1700-ամյակին, ակադեմիկոս Լ.Մ. Մկրտչյանին, Ա.Պ. Չեխովի ստեղծագործությանը: 2006 թ.-ի վերջին` Ք.Հ. Պախանյանցի մահվանից մի քանի ամիս հետո, ամբիոնը պատրաստեց և լույս ընծայեց նրա հոդվածների ընտրանին:

2007 թվականից մինչ այժմ ռուս գրականության ամբիոնը ղեկավարում է բ. գ. թ., դոցենտ Լ.Գ. Հակոբյանը: Նրա գիտական հետաքրքրությունների ոլորտներն են 19-րդ դարավերջի և 20-րդ դարասկզբի ռուս և հայ գրականության և գրականության տեսության խնդիրները:

Ռուս գրականության ամբիոնի ուսումնական գործունեությունը ներառում է ռուս գրականության պատմության դասավանդումը ըստ գրական-պատմական զարգացման փուլերի՝սկսած ժողովրդական բանահյուսությունից մինչև ժամանակակից ռուս գրականությունը, այդ թվում նաև արտասահմանյան ռուս գրականության պատմությունը: Ամբիոնի ուսումնական ծրագրում ներգրավված են նաև գրական ստեղծագործությունների վերլուծությանը և գրականության դասավանդման մեթոդաբանությանը վերաբերող առարկաներ: Բոլոր առարկաներն ապահովված են ծրագրերով և ուսումնական նյութերով:

Ամբիոնի ուսումնամեթոդական աշխատանքը հիմնականում միտված է ռուս գրականության դասավանդման բարելավմանը: Այս նպատակով կազմվել են դասավանդվող առարկաների մասնագրերը և կազմվել են նոր ծրագրեր /Ռ.Ա. Տեր-Գրիգորյան, Ա.Ս. Աթանեսյան/: Կարևոր է նշել Կ.Մ. Մխիթարյանի մասնակցությունը դպրոցական դասագրքերի ստեղծման գործում. նա հեղինակել է ռուսերենի երկու դասագրքերի «Ռուս գրականություն» բաժինները /«Русский язык. Учебник для 10 класса старшей школы с гуманитарным уклоном» (2011 թ.) և «Русский язык. Учебник для 11 класса старшей школы с гуманитарным уклоном»/ (2011 թ.):
Լ.Գ. Հակոբյանի ղեկավարությամբ պատրաստվել և պաշտպանվել է մի շարք թեկնածուական ատենախոսություն:

Ամբիոնի դասախոսների գիտական աշխատանքը հիմնականում վերաբերում են ռուս գրականության պատմությանը, պոետիկային, համեմատական գրականագիտությանը և ռուս-հայկական գրական կապերին: Այս խնդիրներն են լուսաբանվում ամբիոնի աշխատակիցներ բ. գ. թ., դոցենտներ Լ.Գ. Հակոբյանի, Կ.Մ. Մխիթարյանի, Ռ.Ա. Տեր-Գրիգորյանի, Յու.Մ. Խոջոյանի, Ա.Ս. Աթանեսյանի, Մ.Ա. Մկրտչյանի, ինչպես նաև երտասարդ կադրերի՝ Վ.Ա. Ադամյանի և Է.Ս. Արշակյանի աշխատություններում:

Դասախոսների գիտական աշխատությունները հրապարակվել են հայկական, ռուսական և արտասահմանյան գիտական պարբերականներում:

Ամբիոնի անդամներն ակտիվորեն մասնակցում են միջազգային գիտաժողովներին:

Ռուս գրականության ամբիոնի անխափան աշխատանքը մեծապես ապահովվում է ավագ լաբորանտ Տ.Ա. Հարությունյանի շնորհիվ:

Ռուսաց լեզվի ամբիոնը /բնագիտական ֆակուլտետների համար/ հիմնադրվել է 1981 թվականին։ Ամբիոնի գոյության ընթացքում այն ղեկավարել են Դ․Կ․Ջաղացպանյանը, Է․Ս․Եղիազարյանը, Ա․Ա․Հովվյանը, Պ․Բ․Բալայանը։ 2004 թվականից ամբիոնի վարիչն է բ․գ․թ․, դոցենտ Բ․Ս․Խոջումյանը։

Ամբիոնը սպասարկում է բնագիտական 9 ֆակուլտետ՝ ինֆորմատիկա և կիրառական մաթեմատիկա, ռադիոֆիզիկա, ֆիզիկա, մաթեմատիկա և մեխանիկա, տնտեսագիտություն և կառավարում, քիմիա, ֆարմացիայի ինստիտուտ, կենսաբանություն, աշխարհագրություն և երկրաբանություն։ Ամբիոնի հաստիքային ցուցակում ընդգրկված են 17 աշխատակից, որոնց թվում՝ 3 դոցենտ, 2 ասիստենտ, 11 դասախոս, 1ավագ լաբորանտ։

Ռուսաց լեզվի ամբիոնը (բնագիտական ֆակուլտետների համար) հանդիսանում է գործնական ամբիոն, և նշված ֆակուլտետներում ամբիոնի դասախոսները դասավանդում են «գործնական ռուսաց լեզու» առարկան։ Դասավանդումը կատարվում է ըստ ամբիոնում մշակված և հաստատված ծրագրի, որը կազմված է երկու մասից՝ գրական ռուսերենի դասավանդում և մասնագիտական լեզվի դասավանդում։

Ամբիոնում կատարվում է ծավալուն ուսումնամեթոդական աշխատանք։ Ամբիոնի դասախոսների հեղինակությամբ տարբեր տարիների մշակվել և տպագրվել են մի շարք ուսումնամեթոդական ձեռնարկներ և մասնագիտական տերմինների ուսումնական բառարաններ՝ «Учебник по русскому языку. Грамматика. Коммуникация. Речь» (2015), «Русский язык. Пособие для студентов-экологов. Тексты по специальности» (2005), «Учебное пособие по русскому языку для студентов экономических факультетов» (2006), «Русский язык. Пособие для студентов-биологов. Тексты по специальности» (2008), «Учебное пособие по русскому языку для студентов-фармакологов химического факультета» (2010), «Учебное пособие по русскому языку для студентов математических факультетов» (2011), «Русский язык для студентов-геологов» (2014), «Учебное пособие по русскому языку (для студентов факультета географии и геологии по специальности "Туризм и сервис"» (2016), «Учебное пособие по русскому языку для студентов физического и радиофизического факультетов» (2018), «Русско-армянский словарь соматических фразеологизмов» (2007), «Русско-армянский и армянско-русский учебный словарь математических терминов» (2008), «Русско-армяно-английский словарь терминов по агрометеорологии» (2014), «Краткий русско-армянский словарь для студентов-биологов» (2014).

Այդ գործընթացը ներկայումս ևս շարունակվում է, և արդյունքում բոլոր սպասարկվող մասնագիտությունների ուղղությամբ արդեն իսկ առկա են նման ուսումնամեթոդական ձեռնարկներ։
Ռուսաց լեզվի դասավանդման մշակված մեթոդները գործնականապես կիրառելու հմտությունը զարգացնելու և փորձի փոխանակման նկատառումներով պարբերաբար կազմակերպվում են բաց դասեր և կատարվում են դասալսումներ։ Դասավանդման արդյունավետությունը բարձրացնելու նպատակով ամբիոնում մշտապես անց են կացվում մեթոդական սեմինարներ, որոնց ընթացքում քննարկվում են բազմաբնույթ մեթոդական հարցեր, կատարվում են զեկույցներ, ինչպես նաև դասախոսները ծանոթանում են նորագույն մեթոդական գրականությանը և լեզվի դասավանդման արդի մեթոդիկային։

Ամբիոնում կատարվում է նաև գիտական աշխատանք, որն ընդգրկում է հետևյալ ուղղությունները՝ ռուսաց լեզվի դասավանդման մեթոդիկայի ընդհանուր խնդիրներ, ռուսերենի և հայերենի քերականության համեմատական ուսումնասիրություններ, գեղարվեստական տեքստի վերլուծության և թարգմանության հարցեր, մասնագիտական լեզվի և գիտական ոճի ուսուցման հարցեր։ Ամբիոնի դասախոսները ակտիվ մասնակցություն են ցուցաբերում տարբեր հանրապետական և միջազգային գիտաժողովներին, ինչպես նաև հրապարակումներ են կատարում թե՛ տեղական, թե՛ միջազգային ամսագրերում։

Ամբիոնի դասախոսները կատարում են նաև որոշակի արտալսարանային աշխատանք, ինչպիսիք են գրական-երաժշտական երեկոներ, պոեզիայի երեկոներ՝ նվիրված առանձին պոետներին, բանավեճեր կլոր սեղանի շուրջ, ուսանողական մասնագիտական գիտաժողովներ, հիշարժան տարեթվերին նվիրված երեկոներ։ Ամբիոնը մեծ աշխատանք է կատարում ավանդական դարձած համահամալսարանական և դպրոցական ռուսաց լեզվի օլիմպիադաների կազմակերպման և անցկացման ուղղությամբ:

Ռուսաց լեզվի ամբիոնը (հումանիտար ֆակուլտետների համար) հիմնադրվել է 1981 թ.-ին: Ամբիոնի ստեղծումը պայմանավորված էր հումանիտար ֆակուլտետներում լեզվի դասավանդման առանձնահատկություններով: Ամբիոնի հիմնադիրն է եղել ուսումնական աշխատանքի հմուտ կազմակերպիչ բ.գ.թ., պրոֆ. Ռ.Մ. Շահբազյանը, որը ղեկավարել է այն մինչև 1998 թ.-ը: 1998-2001 թթ. ամբիոնի վարիչի պաշտոնը վարել է բ.գ.թ., դոց. Լ.Բ. Մաթևոսյանը: 2001 թ.-ից ամբիոնի վարիչն է բ.գ.թ., դոց. Ս.Ա. Լալայանը:

Սկզբնական տարիներին կատարվել է մեծ կազմակերպչական աշխատանք ամբիոնի կայացման համար: Առաջնահերթ խնդիր էր դասագրքի ստեղծումը հումանիտար ֆակուլտետների համար: Ռուսաց լեզվի և գրականության ֆակուլտետի դասախոսները 1985 թ.-ին հրատարակեցին ռուսաց լեզվի դասագիրք բանասիրական ֆակուլտետների համար ակադ. Լ.Մ. Մկրտչյանի խմբագրությամբ: Դասագրքի հեղինակներից էր նաև Ռ.Մ. Շահբազյանը: Այդ նույն ժամանակաշրջանում ամբիոնում ստեղծվում էին ուսումնական ձեռնարկներ տարբեր մասնագիտությունների համար:

Ելնելով ժամանակի պահանջներից և ստեղծված լեզվական միջավայրից՝ ամբիոնի դասախոսները ստանձնեցին ստեղծել նոր բուհական դասագիրք հումանիտար ֆակուլտետների համար՝ հաշվի առնելով դասավանդման մեթոդիկայի նոր միտումները: Դասագիրքը Ս.Ա. Լալայանի խմբագրությամբ հրատարակվեց 2018թ.-ին:

2021 թ.-ին հրատարակչություն է հանձնվել ուսումնական համալիր՝ բաղկացած վերամշակված և լրացված դասագրքից և քերականական վարժությունների ժողովածուից:

2021 թ.-ին լույս է տեսել նաև դասագիրք ֆրանսերեն լեզու ուսումնական ծրագրով սովորող ուսանողների համար ամբիոնի դոցենտ, բ.գ.դ. Ա.Վ. Հակոբյանի հեղինակությամբ:

Գեղարվեստական տեքստի վերլուծության միջոցով լեզվի զարգացման նպատակով ամբիոնի կողմից հրատարակվել է ընթերցանության ձեռնարկ:
Ամբիոնը ռուսաց լեզվի դասավանդումը վարում է ԵՊՀ հետևյալ ֆակուլտետներում՝ միջազգային հարաբերությունների, իրավագիտության, արևելագիտության, ժուռնալիստիկայի, աստվածաբանության, հայ բանասիրության, պատմության, եվրոպական լեզուների և հաղորդակցության, փիլիսոփայության և հոգեբանության, սոցիոլոգիայի, նաև մանկավարժության և կրթության զարգացման կենտրոնում:

Մասնագիտական լեզվի զարգացման նպատակով ամբիոնի դասախոսները տպագրում և վերամշակում են ուսումնական ձեռնարկներ: Վերջին տարիներին հրատարակվել են ձեռնարկներ միջազգային հարաբերությունների ֆակուլտետի քաղաքագիտության բաժնի, հոգեբանության և փիլիսոփայության ֆակուլտետի հոգեբանության բաժնի, եվրոպական լեզուների և հաղորդակցության ֆակուլտետի իսպանական բաժնի և ժուռնալիստիկայի ֆակուլտետի ուսանողների համար: Հրատարակման են պատրաստվում մասնագիտական ձեռնարկներ ապագա իրավաբանների, պատմաբանների, մշակութաբանների համար:

2001 թ.-ից ամբիոնը վարում է նաև ռուսաց լեզվի դասընթաց ԵՊՀ բոլոր ֆակուլտետների արտասահմանցի ուսանողների համար: Մշակված է հատուկ ծրագիր, որն ապահովում է լեզվի իմացության բազային (A1) մակարդակը:

Վերջին տարիներին ռուսաց լեզուն դասավանդվում է մագիստրատորայում: Ամբիոնը կազմել է ծրագիր՝ ուղղված մասնագիտական լեզվի խորացված ուսուցմանը:

Ամբիոնը մշակել է նաև «Վարչագործարարական թարգմանություն» և «Զբոսաշրջային թարգմանություն» դասընթացների ծրագրեր եվրոպական լեզուների և հաղորդակցության ֆակուլտետի թարգմանչական բաժնի մագիստրատուրայի ուսանողների համար:

Ամբիոնի գիտական աշխատանքը տարվում է հետևյալ հիմնական ուղղություններով` ռուսաց լեզվի դասավանդման մեթոդիկայի ընդհանուր խնդիրներ, ռուսերենի և հայերենի քերականության համեմատական ուսումնասիրություններ, մասնագիտական լեզվի և գիտական ոճի ուսուցման խնդիրներ, գեղարվեստական տեքստի վերլուծություն: Հրատարակվում են հոդվածներ հանրապետական և միջազգային գիտական ամսագրերում, ամբիոնի դասախոսները զեկույցներով հանդես են գալիս հանրապետական և միջազգային գիտաժողովներին: 2012 թ. լույս է տեսել Ա.Վ. Հակոբյանի մենագրությունը՝ նվիրված բարդ նախադասության շարահյուսությանը: Դասավանդման արդյունավետությունը բարձրացնելու նպատակով ամբիոնում պարբերաբար անց են կացվում գիտամեթոդական սեմինարներ:

Ուսանողների հետ տարվում է տարբեր բնույթի արտալսարանային աշխատանք: Ավանդական են դարձել պոեզիայի երեկոները, ուսանողական կլոր սեղանները: Ամբիոնը պարբերաբար կազմակերպում է ռուսաց լեզվի Օլիմպիադաներ համալսարանի ուսանողների համար:

ԵՊՀ Հունագիտության կենտրոն-գրադարանը հիմնադրվել է 1999 թ. Հունաստանի Սալոնիկ քաղաքի Արիստոտելի անվան համալսարանին կից գործող «ՅԱՍՈՆ» ծրագրի աջակցությամբ: Կենտրոնի հանդիսավոր բացումը տեղի է ունեցել 1999 թ. մայիսի 13-ին Հայաստանի և Հունաստանի նախագահների ներկայությամբ:

1999 թ. դեկտեմբերի 8-ին ԵՊՀ ռեկտորի հրամանով (նո.271, պար.4) Երևանի պետական համալսարանում ստեղծվեց Հունագիտության գիտաուսումնական կենտրոնը: Նույն հրամանով ռուս գրականության ամբիոնի դոցենտ բ.գ.թ. Լևոն Հակոբյանը նշանակվեց կենտրոնի ղեկավար (հասարակական հիմունքներով):

Այլ աշխատակից կենտրոնը չի ունեցել:

Հունագիտության կենտրոնն ունի հունալեզու գրադարան (1000-ից ավելի անվանում գիրք), որտեղ, բացի նոր հունական գրականության դասականների ընտրանուց, կան նաև ժամանակակից հունարենի նորագույն դասագրքեր, ուսումնական ձեռնարկներ, հանրագիտարաններ ու բառարաններ:

Հասցե՝ Երևան, Ալեք Մանուկյանի, 1, 7-րդ մասնաշենք, 211 սենյակ։
Հեռախոս՝ 060 710 585 (ներքին՝ 5585):

ՀՈՒՆԱԳԻՏՈՒԹՅԱՆ ԿԵՆՏՐՈՆԻ ԳՈՐԾՈՒՆԵՈՒԹՅՈՒՆԸ
Հունագիտության գիտաուսումնական կենտրոն-գրադարանի գործունեության ոլորտներն են. ա) նոր հունարենի դասավանդում, բ) գիտահետազոտական աշխատանք, գ) հայ-հունական մշակութային կապեր:

ՆՈՐ ՀՈՒՆԱՐԵՆԻ ԴԱՍԱՎԱՆԴՈՒՄ
1999 թ. սեպտեմբերից նոր հունարենը թե՛ որպես կամընտրական և թե՛ որպես պարտադիր առարկա դասավանդվել է պատմության, աստվածաբանության, հայ բանասիրության, ռուս բանասիրության ֆակուլտետներում:
2012/13 ուս. տարում ռուս բանասիրության ֆակուլտետում բացվեց «Հունարեն լեզու և գրականություն» (ՀԼԳ) բաժինը, որի նպատակն էր լրացնել հունարենի որակյալ մասնագետների պակասը և հիմք դնել Հայաստանում հունագիտության զարգացմանը: Այս նպատակով ՀԼԳ բաժնի ուսումնական պլանում ներառված էին ոչ միայն հունագիտական, այլև ընդհանուր բանասիրական մշակույթ ձևավորող առարկաներ: Ցավոք, ՀԼԳ բաժինը ընդամենը երկու ընդունելություն ունեցավ՝ 2012/13 և 2013/2014 ուս. տարիներին: ԵՊՀ-ի առջև ծառացած ֆինանսական խնդիրների պատճառով ռեկտորատը որոշոմ ընդունեց փակել ՀԼԳ բաժինը:
Այսպիսով, 2016/17 ուս. տարվա վերջին ՀԼԳ բաժինն ավարտեց իր գործունեությունը:

Ներկայումս նոր հունարենը դասավանդվում է ռուս բանասիրության ֆակուլտետի «Լեզվաբանություն և միջմշակութային հաղորդակցություն» բաժնում (3 կիսամյակ, շաբաթական 4 ժամ):

2018/2019 ուս. տարում Հունագիտության կենտրոնը կազմակերպել է նոր հունարենի անվճար ֆակուլտատիվ դասընթացներ՝ ԵՊՀ բոլոր ուսանողների համար (2 կիսամյակ, շաբաթական 4 ժամ):

ՈՒՍՈՒՄՆԱԿԱՆ ԾՐԱԳՐԵՐ
Կազմվել է նոր հունարենի դասավանդման ծրագիր՝ համապատասխանեցված ռուս բանասիրության ֆակուլտետի «Լեզվաբանություն և միջմշակութային հաղորդակցություն» բաժնի ուս․պլանի հետ (3 կիսամյակ, շաբաթական 4 ժամ)։

Բացի այդ, Հունագիտության կենտրոնի կողմից ՀԼԳ բաժնի համար պատրաստվել և իրականացվել են հետևյալ հունագիտական առարկաների ծրագրեր.
«Նոր հունարեն լեզու․ Մասնագիտական դասընթաց» ՝ 8 կիսամյակի համար (6-16 ժամաքանակով), «Հունարենի տեսական քերականություն», «Հունաստանի երկրագիտություն», «Հունական գրականության պատմություն»:

ՈՒՍՈՒՄՆԱԿԱՆ ՊՐԱԿՏԻԿԱ
ԵՊՀ-ն համագործակցում է Սալոնիկի Արիստոտելի անվան համալսարանի «ՅԱՍՈՆ» ծրագրի հետ: 2000 թվականից մեր համալսարանի ուսանողները հնարավորություն են ունցել մասնակցելու Սալոնիկի համալսարանի կողմից կազմակերպվող Նոր հունարեն լեզվի և մշակույթի մեկամսյա ամառային, ինչպես նաև ութամսյա դասընթացներին:

ԳԻՏԱԿԱՆ ԱՇԽԱՏԱՆՔ
Գիտական աշխատանքի ուղղություններն են լեզվաբանությունը և գրականագիտությունը:
Կազմվում է «Հունարեն-հայերեն բառարան», որը պարունակելու է 25000 բառ:
Կազմվում է հայ-հունարեն և հունարեն-հայերեն զրուցարան:
Տպագրության է պատրաստվում «Հունարենի գործնական քերականություն» ուսումնական ձեռնարկը:
Հրապարակվել է մի քանի հոդված՝ նվիրված հայ-հունական գրական կապերին:

ՄԱՍՆԱԿՑՈՒԹՅՈՒՆ ԳԻՏԱԺՈՂՈՎՆԵՐԻ ԱՇԽԱՏԱՆՔԻՆ
2016 (30.09-02.10) Զեկույց Թրակիայի Դեմոկրիտեսի անվան համալսարանի կազմակերպած «Նոր հունարենը Սևծովյան տարածքում և բալկանյան երկրներում» գիտաժողովին /առցանց/:
2016 (01-03.11) Զեկույց Աթենքի Ազգային և Կապոդիստրյան համալսարանի կազմակերպած «Ռուսաստան և Հունաստան. լեզուն որպես միջմշակութային հաղորդակցության միջոց» գիտաժողովին:
2018 (19-25.02) Զեկույց Աթենքի Ազգային և Կապոդիստրյան համալսարանի կազմակերպած «Ռուս գրականությունը և նրա հարաբերությունները Եվրոպայի այլ ազգերի գրականության հետ» գիտաժողովին:

ՀԱՅ-ՀՈՒՆԱԿԱՆ ՄՇԱԿՈՒԹԱՅԻՆ ԿԱՊԵՐ
«Գարուն» ամսագրի 2000 թ. 7-րդ համարում հրապարակվել է մի քանի թարգմանություն՝ 20-րդ դարի հունական արձակից և քնարերգությունից:

2001-2003թթ. Հունագիտության կենտրոնը, Հայաստանում Հունաստանի դեսպանատան և «Նիկոս Կազանձակիսի բարեկամները» միջազգային ընկերության (Շվեյցարիա) աջակցությամբ կազմակերպել է 3 սեմինար, նվիրված Ն. Կազանձակիսի ստեղծագործությանը: Սեմինարներին զեկուցումով հանդես է եկել կազմակերպության նախագահ պ. Գ. Ստասինակիսը:

2015 թ. դետեմբերին ՀԼԳ բաժնի ուսանողների ուժերով կազմակերպվել է երաժշտական միջոցառում՝ նվիրված Հունաստանում Նոր տարվա ավանդույթներին և ամանորյա բանահյուսությանը:

2018թ. Թրակիայի Դեմոկրիտեսի անվան համալսարանի կազմակերպած «Հայկական շաբաթ» (28.02-03.03) միջոցառման շրջանակներում Լ․ Հակոբյանը առցանց դասախոսություն է կարդացել հայ միջնադարյան քնարերգության մասին:

Թրակիայի Դեմոկրիտեսի անվան համալսարանի նախաձեռնությամբ 2022թ. սկզբին նախատեսվում Լ․ Հակոբյանի երկու առցանց դասախոսություն՝ «Հունարենը Հայաստանում. հնագույն ժամանակներից մինչև մեր օրերը» թեմայով:

ՄԱՄՈՒԼԸ ԵՊՀ ՀՈՒՆԱԳԻՏՈՒԹՅԱՆ ԿԵՆՏՐՈՆԻ ԳՈՐԾՈՒՆԵՈՒԹՅԱՆ ՄԱՍԻՆ
ԵՊՀ Հունագիտության կենտրոնի գործունեության մասին տպագրվել է մի քանի հոդված հայաստանյան և հունական մամուլում.
«Новое время» (Հայաստան), 13 հունիսի 2001
«Երևանի համալսարան», 15 հունիսի 2001
«Η Καθημερινή» (Հունաստան), 16 հուլիսի 2006
«Երևանի համալսարան», Մայիս-հունիս 2007
«Η Καθημερινή» (Հունաստան), 19 հոկտեմբերի 2007
<«Εδώ Πανεπιστήμιο» (Հունաստան), Ապրիլ 2012
«Η Καθημερινή» (Հունաստան), 11 դեկտեմբերի 2016

ԵՊՀ Հունագիտության կենտրոնի ղեկավար՝
բ․գ․թ․, դոցենտ Լևոն Գեորգիի Հակոբյան