Հարց տալ
Ամենաշատ տրվող հարցերը
1
Այս տարի եմ ընդունվել առաջին կուրս: Ուզում էի իմանալ, թե ինչպե՞ս են անցկացվում քննությունները:
Ձեզ ենք ներկայացնում ԵՊՀ բակալավրիատի ուսանողների գիտելիքների գնահատման կանոնակարգը:
2
Ես առաջին կուրսի ուսանող եմ: Ուզում եմ իմանալ, թե որտե՞ղ պետք է ներկայանամ սեպտեմբերի 1-ին:
Ձեզ ենք ներկայացնում առաջին կուրսեցիների դիմավորման ժամանակացույցն ըստ ֆակուլտետների:
3
Ե՞րբ պարզ կլինեն ընդունելության քննությունների անցողիկ միավորները:
Ընդունելության քննությունների անցողիկ միավորները եւ ԵՊՀ ընդունվածների անունները կհրապարակվեն հուլիսի 15-ին: Անհրաժեշտ է հետեւել ԵՊՀ պաշտոնական կայքի ԴԻՄՈՐԴ բաժնի թարմացումներին:
Նունե Անանյան
15.07.19
Բարև ձեզ։
Խնդրում եմ պարզաբանեք..Մենք դիմել ենք ԵՊՀ ֊ի կառավարման անվճար բաժինը առաջի հայտով, իսկ երկրորդ անվճար հայտով նշել ենք ԵՊՀ֊ի ֆինանսների բաժինը, նոր 3֊րդ հայտով կառավարման վճարովի բաժինը։ Հավաքել ենք 56,25 բալ։ Առաջին հայտով անվճարի անցողիկ շեմը 56,75 բալն է, իսկ 2֊րդ հայտով մեր նշած ֆինանսներ բաժնի անվճար անցողիկ շեմը 56,00 բալը։ Չգիտեմ ինչի, մենք անցանք կառավարման վճարովին 3֊րդ հայտով նշված, 56,25 բալով։ Ինչպե՞ս դա կարող էր պատահել, երևի թյուրիմացություն էր ։ Խնդրում եմ ասեք, ում կամ որտեղ կարող ենք դիմել այս թյուրիմացությունը շտկելու համար։
Հ.Գ. Բոլոր դիմորդները, ովքեր անվճար հակարգ ընդունվելու համար հաղթահարել են մրցույթի անցողիկ նվազագույն շեմը և ունեն հավասար միավորներ, կնդունվեն անվճար համակարգ։
Հասարակայնության հետ կապերի և լրատվության վարչություն
17.07.19
Հարգելի՛ Նունե,

Անվճար համակարգում աշխատում է 1-ին հայտի գերակայությունը, և դա թյուրիմացություն չէ, որ դուք ընդունվել եք կառավարման վճարովին 3֊րդ հայտով:
Արմեն Ռուշանյան
14.07.19
Կներեք, կօգնե՞ք ինձ գտնել 2019-2020 թթ.ուստարվա ԵՊՀ ընդունվածների ցանկը կայքում:
Հասարակայնության հետ կապերի և լրատվության վարչություն
15.07.19
Հարգելի Արմեն,
Ընդունվածների ցանկը տեղադրված է ԵՊՀ պորտալի «Դիմորդ» բաժնում:
Մերի Բեգլարյան
14.07.19
Բարև Ձեզ:Հեռակա ուսուցման (բակալավրիատ)ընդունելությունը ե՞րբ է սկսվում:Կանխավ շնորհակալություն:
Հասարակայնության հետ կապերի և լրատվության վարչություն
15.07.19
Հարգելի՛ Մերի,
Հեռակա ուսուցման (բակալավրիատ)ընդունելությունը սկսվում է օգոստոսի 26-ից և տևելու է մինչև սեպտեմբերի 20-ը:
Ալիսիա Շահբազյան
18.06.19
Բարև Ձեզ, ես 2019-2020 ուստարվա շրջանավարտ եմ,նոր եմ ծանոթացել ԵՊՀ ընդունելության կարգին ու ինձ հետաքրքրում է հոգեբանության ֆակուլտետը:Ընունելության քննությունները մրցութային կարգում նշված են Հլգ (գ), Օտլ (գ), Կ (գ)**, թե՞ աստղանիշներն ինչ-որ նշանակություն ունեն:
Հասարակայնության հետ կապերի և լրատվության վարչություն
19.06.19
Հարգելի Ալիսիա,

Հոգեբանություն մասնագիտությամբ բակալավրիատի ընդունելության համար մրցութային կարգով անհրաժեշտ է հանձնել Հլգ (գ), Օտլ (գ), Կ (գ)** քննությունները։ (**) քննությունը նշանակում է, որ նշված առարկայի համար որպես մրցութային գնահատական, կարող եք դիմում-հայտում նախապես հայտագրել միջնակարգ կրթության ատեստատի կամ համապատասխան ավարտական փաստաթղթի՝ այդ առարկայի ավարտական քննության կամ տարեկան գնահատականը: Հաշվի են առնվում պետական միասնական քննության արդյուքները:
Սահանուշ Հովհաննիսյան
16.06.19
Բարև Ձեզ: Մինչև ե՞րբ կարող ենք ներկայացնել ատեստատը և հայտնի են քննությունների անցողիկ միավորները:
Հասարակայնության հետ կապերի և լրատվության վարչություն
19.06.19
Հարգելի՛ Սահանուշ,

Բարև Ձեզ, ատեստատը կարող եք ներկայացնել մինչև հուլիսի 10-ը, իսկ անցողիկ միավորները հայտնի կլինեն հուլիսի 15-ին: