Գրադարանի ընթերցասրահներն այս տարի էլ են ջեռուցվել, բայց քանի որ ջեռուցիչները թիթեղյա են, դռները լավ չեն փակվում, եւ պատուհանների արանքներում կան մեծ անցքեր, անգամ իդեալական ջեռուցման դեպքում հնարավոր չէ շենքը տաքացնել: Այժմ փոխում ենք գրապահոցի պատուհանները, եւ նախատեսվում է մինչեւ մյուս ձմեռ կարգավորել ընթերցասրահների ջեռուցումը:

Հուշանվերների մեր վաճառասրահում հնարավոր է վաճառքի հանել ուսանողների ձեռքի այլ աշխատանքներ եւս: Պետք է դիմել ԵՊՀ շրջանավարտների միավորում` «Շրջանավարտ» ՍՊԸ-ի տնօրինությանը:

Անշուշտ, կարելի է վստահել դեղերի ժամկետայնությանը, յուրաքանչյուր դեղի փաթեթավորման վրա առկա է ժամկետայնության նշումը: Դեղերի մատակարարումն իրականացնում է «Ալֆա ֆարմ» ընկերությունը: Գների տեսանկյունից համալսարանական դեղատունը մատչելի պայմաններ է առաջարկում համալսարանականներին, քանի որ խնդիրը ոչ թե գումար, շահույթ ստանալն է, այլ մատչելի, առաջին անրհաժեշտության դեղորայքով համալսարանականներին ապահովելն է:

Համալսարանի ղեկավարությունն արդեն քննարկում է այդ հարցը: Տարածքն արդեն ընտրված է եւ, կարծում եմ, մոտ մեկ ամսից նոր մասնաշենքի բուֆետը կսկսի գործել: Իսկ սուրճի ապարատ այդ մասնաշենքում նախկինում տեղադրված է եղել, պարզապես սպառման ծավալների հետ կապված այն հանվել է:

Այս պահին Երեւանի պետական համալսարանում հեռակա ուսուցումը գործում է միայն երկու մասնագիտության գծով` տնտեսագիտության եւ իրավագիտության: Այն միայն բարձրագույն կրթություն ունեցող անձանց համար է: Կարեւոր չէ, թե որ բուհը կամ ֆակուլտետն է ավարտել դիմորդը. նա պարզապես հանձնում է տարբերությունները եւ ընդունվում հեռակա ուսուցման բաժին: ԵՊՀ գիտխորհրդի առաջիկա նիստում մենք քննարկելու ենք 2007-2008 ուստարվանից հեռակա ուսուցման բաժնի վերաբացման հարցը: Բնականաբար, ոչ բոլոր ֆակուլտետներում կլինի հեռակա ուսուցում, քանի որ կան մասնագիտություններ, որոնց գծով հեռակա ուսուցումը չի իրականացվում: