23.10.2018 | 
Հասարակություն
ՔՐԻՍՏՈՆԵՈՒԹՅԱՆ ՄԵՋ ԿԱՆԱՆՑ ԴԵՐԻ ՄԱՍԻՆ ՔՆՆԱՐԿՈՒՄ ԵՊՀ-ՈՒՄ
ՔՐԻՍՏՈՆԵՈՒԹՅԱՆ ՄԵՋ ԿԱՆԱՆՑ ԴԵՐԻ ՄԱՍԻՆ ՔՆՆԱՐԿՈՒՄ ԵՊՀ-ՈՒՄ
ԵՊՀ գենդերային հետազոտությունների և առաջնորդության կենտրոնում այսօր տեղի ունեցավ «Կանայք քրիստոնեության մեջ. ներառումից մինչև փոխակերպում» խորագրով հանդիպում:

Հանդիպման բանախոսն դոկտոր Ֆլորա Քեշկեկյանն էր: Նա ԱՄՆ-ի Բրաունի համալսարանում դասավանդել է «Կանանց ուսումնասիրություններ և ֆեմինիստական աստվածաբանություն» առարկան:

Քեշկեկյանը տարիներ շարունակ ծավալել է կանանց աջակցությանն ուղղված գործունեություն: Դոկտոր Քեշկեկյանի հետաքրքրությունների շրջանակում է բռնության երևույթների ուսումնասիրությունը:

Ֆլորա Քեշկեկյանը աջակցություն է ցուցաբերում նաև սեռական բռնության զոհ դարձած կանանց:

«Կանայք քրիստոնեության մեջ. ներառումից մինչև փոխակերպում» միջոցառման ընթացքում քննարկումներ ծավալվեցին քրիստոնեության մեջ կնոջ դերի, ակնկալիքների և փոխակերպումների մասին:

Միջոցառումը հնարավորություն տվեց մտորելու քրիստոնեական ավանդույթի և աստվածաբանության մեջ կանանց ներդրումների ու ազդեցությունների շուրջ: Ֆլորա Քեշկեկյանը տարիներ շարունակ հետազոտել է կանանց դերը քրիստոնեության մեջ: Նրա հեղինակած գրքերից են «Հույսի ժամանակը. այսօրվա աշխարհում ապրելու հմտությունները» («Time for Hope: Practices for Living in Today’s World») և «Արտացոլված Աստված. կյանքի մետոֆորներ» («God Reflected: Metaphors for Life»):

Սոցիոլոգիական գիտությունների թեկնածու, ԵՊՀ սոցիոլոգիայի ֆակուլտետի կիրառական սոցիոլոգիայի ամբիոնի դոցենտ, Հայաստանում կանանց ռեսուրսային կենտրոնի համահիմնադիր, ԵՊՀ գենդերային հետազոտությունների և առաջնորդության կենտրոնի տնօրեն Գոհար Շահնազարյանն ասաց. «Ֆեմինիստական աստվածաբանության շուրջ սա մեր առաջին քննարկումն է: Խոսելու ենք, թե կանայք քրիստոնեության մեջ ինչ դեր են ունեցել, ինչպես է փոխվել եկեղեցին կանանց ազդեցությունից»:

Ֆլորա Քեշկեկյանը կարևորեց նման հարցերի քննարկումը, քանի որ ընդունված է կարծել՝ Աստված տղամարդ է, տղամարդը՝ Աստված: Այս առումով շատ մարտահրավերներ կան հաղթահարելու:

Միջոցառման ավարտին մի շարք անկյունաքարային հարցերի շուրջ քննարկումներ ծավալվեցին:

 

Մարի Ռաֆյան

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։
Կոնտակտներ

Գենդերային հետազոտությունների և առաջնորդության կենտրոն
Հեռ: +37460710390
Ներքին: 2390
Էլ.հասցե: cgls@ysu.am
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:

New layer...