03.10.2017 | 
Հասարակություն
ՄԵԿՆԱՐԿԵՑ «SMART ԳԻՏԵԼԻՔՆԵՐ SMART ԴԱՐՈՒՄ» ԴԱՍԸՆԹԱՑԸ
ՄԵԿՆԱՐԿԵՑ  «SMART ԳԻՏԵԼԻՔՆԵՐ SMART ԴԱՐՈՒՄ» ԴԱՍԸՆԹԱՑԸ
Այսօր ԵՊՀ գիտխորհրդի նիստերի դահլիճում մեկնարկեց «Smart գիտելիքներ smart դարում» խորագրով եռօրյա սեմինար-դասընթացը:

ԵՊՀ շրջանավարտների և կարիերայի կենտրոնի ու «Smartology Digital Marketing Academy» ընկերության համագործակցության շրջանակում կազմակերպված սեմինար-դասընթացին բացման խոսքով հանդես եկավ Շրջանավարտների և կարիերայի կենտրոնի փոխտնօրեն Կարինե Նազարյանը: Նա ողջունեց ուսանողներին և շնորհակալություն հայտնեց ներկայության և սեմինար-դասընթացի նկատմամբ մեծ հետաքրքրություն ցուցաբերելու համար:

 

Հանդիպումը վարում էր «Smartology Digital Marketing Academy» ընկերության համահիմնադիր Արտակ Հարությունյանը, ով, ի դեպ, ԵՊՀ ռադիոֆիզիկայի ֆակուլտետի շրջանավարտ է: Նա ուսանողներին հորդորեց լինել ինտերակտիվ՝ դասընթացից առավելագույն չափով գիտելիքներ ստանալու համար:

 

Սեմինար-դասընթացի առաջին օրվա թեման թվային միջավայրն էր: Արտակ Հարությունյանը նախ հարց ու պատասխանի միջոցով փորձեց պարզել ուսանողների պատկերացումները թվային միջավայրի մասին: Դրա կարևորությունը ընդգծելու համար սեմինարավարը ներկայացրեց այն ոլորտները, որոնց առնչվում է  թվային միջավայրը. «Այն ամենուրեք է, և մենք բոլորս ամեն օր, ամեն րոպե շփվում ենք թվային միջավայրի հետ: Դա կարող է լինել հիշողության կրիչը, շենք մտնելու համար օգտագործվող պլաստմասե փոքր հարմարանքը և այլն»:

 

Հանդիպման ընթացքում Արտակը Հարությունյանը ներկայացրեց թվային մարքեթինգի մասնագետների պահանջարկի ցուցանիշը, որը, ըստ բանախոսի, վերջին մի քանի տարիների ընթացքում, պայմանավորված տեխնոլոգիաների սրընթաց զարգացման հետ, շեշտակի աճ է գրանցել: Ըստ «Smartology Digital Marketing Academy»-ի համահիմնադրի՝ թվայնացումը և թվային միջավայրը զգալիորեն հեշտացնում են մարդու կյանքը: Դա արվում է, օրինակ, թվային միջավայրում իդենտիֆիկացման շնորհիվ. «Հիմա արդեն փորձնական կիրառվում է իդենտիֆիկացման համակարգը ամենօրյա առևտրում, որով հնարավոր է, օրինակ, սմարթֆոնների օգնությամբ խանութում գնումներ կատարել առանց վաճառողի: Վճարումները կատարվում են խանութից դուրս գալիս՝ ավտոմատ»:

 

Արտակ Հարությունյանը հանդիպման ընթացքում տեսանյութերի և համակարգչային ցուցադրությունների օգնությամբ խոսեց մարքեթինգի և թվային մարքեթինգի տարբերություններից՝ ներկայացնելով դրանցից յուրաքանչյուրի գործիքակազմը:

 

Սեմինար-դասընթացի երկրորդ օրը դասընթացավարը կխոսի «Սոցիալական մեդիա՝ Facebook vs TV», իսկ ամփոփիչ հանդիպմանը՝ «Գովազդը ինտերնետում» թեմաներից: Եռօրյա հանդիպումների ընթացքում մասնակիցներին տրվելու են հանձնարարություններ: ԵՊՀ շրջանավարտների և կարիերայի կենտրոնի փոխտնօրենը նշեց, որ դրանց հաջող կատարման դեպքում ուսանողներին շնորհվելու են մասնակցության հավաստագրեր:

 

Այլ նորություններ
ԱՄՓՈՓՎԵՑ «ՈՒՆԻՎԵՐՍԻԱԴԱ-2017»-Ը
«Ունիվերսիադա» միջբուհական մարզամշակույթային և ինտելեկտուալ մրցույթում ԵՊՀ-ն զբաղեցրել է 2-րդ հորիզոնականը:
50 ՏԱՐԻ ՄԵԶ ՀԵՏ ԵՎ ՄԵՐ ՍՐՏԵՐՈՒՄ
Այսօր ԵՊՀ Պալեանների անվան դահլիճում «Վարդանանք» ռազմահայրենասիրական դաստիարակության ակումբի նախաձեռնությամբ տեղի ունեցավ «Մհեր Ջուլհաճյան-50» խորագրով միջոցառումը:
Կոնտակտներ

Գենդերային հետազոտությունների և առաջնորդության կենտրոն
Երևանի պետական համալսարան
Հեռ: +37460710390
Ներքին: 2390
Էլ.հասցե: cgls@ysu.am, genderlead@yahoo.com
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները: