27.06.2019 | 
Հասարակություն
«ԳԵՆԴԵՐԱՅԻՆ ԶԳԱՅՈՒՆ ՀԵՏԱԶՈՏՈՒԹՅՈՒՆՆԵՐ. ՄԵԹՈԴԱԲԱՆՈՒԹՅՈՒՆ ԵՎ ՄԱՐՏԱՀՐԱՎԵՐՆԵՐ» ԹԵՄԱՅՈՎ ԱՇԽԱՏԱԺՈՂՈՎ ԵՊՀ-ՈՒՄ
«ԳԵՆԴԵՐԱՅԻՆ ԶԳԱՅՈՒՆ ՀԵՏԱԶՈՏՈՒԹՅՈՒՆՆԵՐ. ՄԵԹՈԴԱԲԱՆՈՒԹՅՈՒՆ ԵՎ ՄԱՐՏԱՀՐԱՎԵՐՆԵՐ» ԹԵՄԱՅՈՎ ԱՇԽԱՏԱԺՈՂՈՎ ԵՊՀ-ՈՒՄ
ԵՊՀ Պալեանների անվան դահլիճում այսօր տեղի է ունեցել «Գենդերային զգայուն հետազոտություններ. մեթոդաբանություն և մարտահրավերներ» թեմայով աշխատաժողով, որը կազմակերպել էր ԵՊՀ գենդերային հետազոտությունների և առաջնորդության կենտրոնը Ֆրիբուրգի համալսարանի սոցիալական գիտությունների ֆակուլտետի հետ համատեղ:

Նշենք, որ աշխատաժողովը Շվեյցարիայի կրթության, հետազոտությունների և նորարարությունների քարտուղարության «Գիտության և տեխնոլոգիաների» բնագավառում համագործակցության դրամաշնորհային ծրագրի մաս է կազմում։

Կենտրոնի տնօրեն Գոհար Շահնազարյանը, ողջունելով ներկաներին, կարևորեց համագործակցությունն արտասահմանյան գործընկերների հետ, ինչպես նաև անդրադարձավ գենդերային զգայուն թեմաներով քննարկումների անհրաժեշտությանը:

Ելույթով հանդես եկավ Ֆրիբուրգի համալսարանի մարդաբանության պրոֆեսոր Անդրեա Բոսկոբոյնիկը: Նրա հետազոտությունը վերաբերում էր լեռնային տարածքներում բնակություն հաստատողների ուսումնասիրությանը:

Նա ներկայացրեց հետազոտական թիմը, որի կազմում են մասնագետներ Իսպանիայից և Շվեյցարիայից: Ուսումնասիրվել են շվեյցարական Ալպերը և իսպանական Պիրենեյները: Դրանք տուրիստական կենտրոններ են, որոնք այժմ նաև ուրբանիզացված լեռներ են:



Ինչպես նշեց բանախոսը, սա կոչվում է էթնոգրաֆիկ իրավիճակ, որը կարող ենք պայմանավորել կենսակերպի նոր ձևերով:

Կենսակերպի միգրացիան բացատրվում է որպես ավելի լավ կյանքի որոնման գործընթաց, երբ մարդիկ որոնում են գեղեցիկ տեսարաններ, բնություն, օտար մշակույթ և էթնիկ շրջակայք: Անդրեա Բոսկոբոյնիկը լեռներում բնակություն հաստատածների բնութագրիչներից առանձնացրեց աշխուժությունը, ճկունությունը, տարասեռությունը, շարժունությունը:

Նա նշեց հետազոտության մեթոդները՝ որակական էթնոգրաֆիկ, դիտարկման և հարցազրույցի մեթոդներ:

Գենդերային թեմաների մասին խոսելիս բանախոսը ներկայացրեց, թե ինչպիսին են կանայք լեռներում:

Նշենք, որ աշխատաժողովը շարունակվելու է նաև վաղը՝ հունիսի 28-ին, և իրենց հետազոտություններն են ներկայացնելու Սիբիլ Լուստենբերգերը և Ուլրիկե Զիմերը: Վերջինս Մեծ Բրիտանիայի Վինչեսթերի համալսարանի դասախոս է և հետազոտել է հայկական սփյուռքը Ռուսաստանում, ինչպես նաև գենդերային խնդիրները Հայաստանում և Արցախում:

 

Մարի Ռաֆյան

Այլ նորություններ
ԳԻՏԱԿԱՆ ԹԵՄԱ. ԵՊՀ ԿԵՆՍԱԲԱՆՆԵՐՆ ՈՒՍՈՒՄՆԱՍԻՐԵԼՈՒ ԵՆ ՀԱԿԱՈՒՌՈՒՑՔԱՅԻՆ ԴԵՂԱՄԻՋՈՑՆԵՐԻ ՇԱՐՔԻՆ ՊԱՏԿԱՆՈՂ ՄԻԱՑՈՒԹՅՈՒՆՆԵՐ, ՈՐՈՆՔ ԱՐԳԵԼԱԿՈՒՄ ԵՆ ՈՒՌՈՒՑՔԻ ԱՃԸ
ԵՊՀ կենսաբանության ԳՀ ինստիտուտի կառուցվածքային կենսաֆիզիկայի միջֆակուլտետային գիտահետազոտական լաբորատորիայի անդամները ներկայացրել են «Հակաքաղցկեղային ալկիլացնող դեղերի համակցված ներգործությունը ԴՆԹ-ի կառուցվածքը և փաթեթավորումը կարգավորող ֆերմենտների ակտիվության վրա» գիտական թեման:
ԳԻՏԱԿԱՆ ԹԵՄԱ․ ՀԱՅԱՍՏԱՆԻ ՀԱՄԱՐ ԱՌԱՋԻՆ ԱՆԳԱՄ ՈՒՍՈՒՄՆԱՍԻՐՎԵԼՈՒ Է ՊԵՍՏԻՑԻԴՆԵՐԻ ՎՆԱՍԱԿԱՐ ԱԶԴԵՑՈՒԹՅՈՒՆԸ ՎԱՐԵԼԱՀՈՂԵՐԻ ՍՆՆԴԱՅԻՆ ՇՂԹԱՅԻ ՎՐԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Պեստիցիդների կուտակումը և դրանց ազդեցությունը լեռնատափաստանային էկոհամակարգերի կենսաբազմազանության վրա» գիտական թեման: Այն ներկայացրել է ԵՊՀ կենսաբանության ֆակուլտետի բուսաբանության և սնկաբանության ամբիոնը:
Կոնտակտներ

Գենդերային հետազոտությունների և առաջնորդության կենտրոն
Հեռ: +37460710390
Ներքին: 2390
Էլ.հասցե: cgls@ysu.am
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:

New layer...