01.12.2021 | 
Հասարակություն
ԵՂԻՇԵ ԿԻՐԱԿՈՍՅԱՆԸ ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ ՀԱՆԴԵՍ Է ԵԿԵԼ ԲԱՆԱԽՈՍՈՒԹՅԱՄԲ
ԵՂԻՇԵ ԿԻՐԱԿՈՍՅԱՆԸ ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԻ ՀԱՄԱՐ ՀԱՆԴԵՍ Է ԵԿԵԼ ԲԱՆԱԽՈՍՈՒԹՅԱՄԲ
ԵՊՀ իրավագիտության ֆակուլտետի ՈՒԳԸ-ի նախաձեռնությամբ այսօր «Միջազգային իրավական գործընթացներն Արցախի հակամարտության շուրջ» խորագրով բանախոսությամբ է հանդես եկել Մարդու իրավունքների եվրոպական դատարանում ՀՀ ներկայացուցիչ, իրավ. գիտ. թեկնածու Եղիշե Կիրակոսյանը:

Հանդիպման սկզբում ԵՊՀ իրավագիտության ֆակուլտետի ՈՒԳԸ-ի ընդհանուր հարցերով հանձնաժողովի նախագահ Մարկոս Ասլանյանն ասաց, որ այս միջոցառման նպատակն է զարգացնել և ընդլայնել ապագա իրավաբանների իրավագիտակցության ու իրավական մշակույթի մակարդակը:

 

 

«ՈՒԳԸ-ն մշտապես կազմակերպում է հանդիպում-քննարկումներ, որոնց ընթացքում բանախոսություններով հանդես են գալիս ոլորտում մեծ փորձառություն ունեցող հայտնի իրավագետներ»,- ասաց Մարկոս Ասլանյանը և փաստեց, որ միջազգային իրավունքի ասպարեզում Հայաստանի կարևորագույն հիմնահարցերից մեկն Արցախյան հիմնախնդիրն է, որը հատկապես վերջին պատերազմից հետո առավել առաջնային է դարձել:

 

Բանախոսության ընթացքում Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանն ուսանողներին ներկայացրեց իրավական այն գործընթացները, որոնք իրականացվում են Արցախի հակամարտության շուրջ:

 

ՄԻԵԴ-ում ՀՀ ներկայացուցչի տեղեկացմամբ, Հայաստանի կողմից ներկայացվել են բազմաթիվ միջպետական խնդրանքներ, որոնք վերաբերում են միջանկյալ միջոցներ կիրառելուն:

 

 

Եղիշե Կիրակոսյանը բանախոսության ընթացքում նշեց, որ Հայաստանը հայցադիմում է ներկայացրել նաև Արդարադատության միջազգային դատարան: Բանախոսը մանրամասնորեն խոսեց այս դատարան դիմելու ընթացակարգերի մասին և փաստեց, որ դրանցից է այն իրավիճակը, երբ կա միջազգային պայմանագիր կամ կոնվենցիա, որի խախտման դեպքում կարելի է հայցադիմում ներկայացնել:

 

Բանախոսության ավարտին Եղիշե Կիրակոսյանը պատասխանեց հանդիպման մասնակիցների հարցերին:

Այլ նորություններ
ԵՊՀ-ՈՒՄ ԴԱՍԱԽՈՍՈՒԹՅՈՒՆ Է ԿԱՐԴԱՑԵԼ ՄԱՍԱՉՈՒՍԵԹՍԻ ՏԵԽՆՈԼՈԳԻԱԿԱՆ ԻՆՍՏԻՏՈՒՏԻ ՊՐՈՖԵՍՈՐ ԱՐԵԳ ԴԱՆԱԳՈՒԼՅԱՆԸ
ԵՊՀ ֆիզիկայի ֆակուլտետում «Սպառազինությունների վերահսկման պայմանագրերի ստուգում միջուկային ռեզոնանսների միջոցով» թեմայով դասախոսությամբ է հանդես եկել Մասաչուսեթսի տեխնոլոգիական ինստիտուտի պրոֆեսոր Արեգ Դանագուլյանը:
ԵՊՀ ԱՍՏՂԱԴԻՏԱՐԱՆԸ ՊԵՏՔ Է ԴԱՌՆԱ ԲՆԱԿԱՆ ԳԻՏՈՒԹՅՈՒՆՆԵՐԻ ԱՐԺԵՎՈՐՄԱՆ ԿԵՆՏՐՈՆ. ԱՆՎՃԱՐ ԴԱՍԸՆԹԱՑ ԱՇԱԿԵՐՏՆԵՐԻ ՀԱՄԱՐ
ԵՊՀ ֆիզիկայի ֆակուլտետի, Մինչհամալսարանական կրթության վարչության և ԵՊՀ աստղադիտարանի տնօրեն Աշոտ Մելքոնյանի նախաձեռնությամբ շարունակվում են մասնագիտական կողմնորոշման նպատակով ԵՊՀ աստղադիտարանում անվճար դասընթացներ կազմակերպվել ապագա դիմորդների համար:
Կոնտակտներ

Գենդերային հետազոտությունների և առաջնորդության կենտրոն
Հեռ: +37460710390
Ներքին: 2390
Էլ.հասցե: cgls@ysu.am
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:

New layer...