29.11.2022 | 
Կրթություն, Գիտություն
ԲԱՑԱՀԱՅՏԵԼՈՎ ՀԱՄԱԼՍԱՐԱՆԱԿԱՆՆԵՐԻՆ. ԱՆԱՀԻՏ ՆԻԿՈՂՈՍՅԱՆ
ԲԱՑԱՀԱՅՏԵԼՈՎ ՀԱՄԱԼՍԱՐԱՆԱԿԱՆՆԵՐԻՆ. ԱՆԱՀԻՏ ՆԻԿՈՂՈՍՅԱՆ
Անահիտ Նիկողոսյանը ԵՊՀ երկարամյա փորձ ունեցող դասախոսներից է և այն եզակիներից, որոնք իրենց կյանքը նվիրել են գիտությանը: Դոցենտ, ֆ.մ.գ.թ. Ա. Նիկողոսյանի հետ խոսել ենք նրա կենսագործունեության, դասավանդման մեթոդների, համալսարանի և աշխատանքի հանդեպ ունեցած սիրո և այլ հարցերի շուրջ:

Պատմում է Անահիտ Նիկողոսյանը:

 

Աշխատանքային ուղին

 

ԵՊՀ ֆիզիկայի ֆակուլտետն ավարտելուց հետո ընդունվել եմ ռադիոֆիզիկայի ֆակուլտետի ասպիրանտուրան: Սովորելուն զուգահեռ՝ արտասահմանում մասնակցել եմ տարբեր կոնֆերանսների, հանրաճանաչ գիտնականների հետ աշխատել եմ Միացյալ Թագավորությունում և Գերմանիայում: 1973 թվականից աշխատում եմ ԵՊՀ-ում, սկզբից որպես կրտսեր գիտաշխատող և լաբորանտ, այնուհետև՝ ռադիոֆիզիկայի ֆակուլտետի դասախոս:

 

 

Դասավանդելու մեթոդները և մոտեցումները

 

Մինչ դասի ներկայանալը մի քանի գիրք եմ թերթում, օգտվում եմ նաև սոցիալական ցանցերի տարբեր աղբյուրներից, միջազգային հեղինակավոր համալսարանների էջերում տեղադրված առցանց դասախոսություններից: Լաբորատոր աշխատանքների ժամանակ ուսանողներին ցույց եմ տալիս այն, ինչն իմ կարծիքով նրանց համար հետաքրքիր կլինի: Կարևորում եմ ժամանակակից սարքավորումների կիրառումը դասերի ժամանակ: Ամեն ինչ անում եմ, որ իմ ուսանողները տեղեկացված լինեն իրենց մասնագիտության բոլոր յուրահատկություններից, ստանան գիտելիքի առավելագույն պաշար, որը հետագայում կկիրառեն աշխատանքային գործունեության մեջ:

Ուսանողներն ինձ համարում են իրենց ընկերը, ինչն աշխատանքիս ամենամեծ վարձատրությունն է:

 

 

Բացահայտելով կանանց իրական դերը

 

Պատմությունը ցույց է տվել՝ որքան ուժեղ է հայ կինը: Երբ հայրենիքի նվիրյալ զավակները մարտի դաշտում կռիվ են տվել, հայ կինը հերոսաբար մարտնչել է նրանց թիկունքում՝ լինելով սակավապետ և իր կյանքը նվիրելով ընտանիքին ու հայրենիքին:

 

Աշխատանքի առաջարկներ՝ տարբեր երկրներից

 

Բազմիցս ստացել եմ արտերկրում աշխատելու առաջարկներ, սակայն վայրկյան իսկ չեմ մտածել Երևանի պետական համալսարանում աշխատանքս դադարեցնելու մասին: Անգամ առաջարկ եմ ստացել միջազգային հեղինակավոր կազմակերպություններից, սակայն դարձյալ ընտրել եմ հարազատ բուհում աշխատելը:

 

ԵՊՀ-ում իմ աշխատանքն ու առօրյան մեկտեղված են…

 

Լյուդմիլա Շիրվանյան

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։
Կոնտակտներ

Գենդերային հետազոտությունների և առաջնորդության կենտրոն
Հեռ: +37460710390
Ներքին: 2390
Էլ.հասցե: cgls@ysu.am
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:

New layer...