20.12.2022 | 
Կրթություն, Գիտություն
ԲԱՑԱՀԱՅՏԵԼՈՎ ՀԱՄԱԼՍԱՐԱՆԱԿԱՆ ԿԱՆԱՆՑ. ԿԱՐԻՆԵ ՆԱԶԱՐՅԱՆ
ԲԱՑԱՀԱՅՏԵԼՈՎ ՀԱՄԱԼՍԱՐԱՆԱԿԱՆ ԿԱՆԱՆՑ. ԿԱՐԻՆԵ ՆԱԶԱՐՅԱՆ
Շրջանավարտների և կարիերայի կենտրոնի փոխտնօրեն Կարինե Նազարյանը ԵՊՀ-ում է 2009 թվականից: Ավելի քան տասը տարի աշխատում է համալսարանի ուսանողների և շրջանավարտների հետ՝ հնարավորություններ ստեղծելով նրանց մասնագիտական աճի և զարգացման համար, ինչպես նաև օգնելով աշխատաշուկայում իրենց տեղը գտնելու հարցում:

Պատմում է Կարինե Նազարյանը:

 

Աշխատանքային գործունեությունը․․․

 

Մասնագիտությամբ մանկան հոգեբան եմ: Աշխատանքային գործունեությունս սկսել եմ կրթահամալիրներից մեկում որպես հոգեբան աշխատելուց, այնուհետև աշխատել եմ որպես մեթոդիստ, հետագայում՝ սկսած 2002 թվականից, ՀՀ սպորտի և երիտասարդության նախարարության երիտասարդական քաղաքականության վարչությունում որպես գլխավոր մասնագետ, իսկ 2009 թվականից առ այսօր Երևանի պետական համալսարանի շրջանավարտների և կարիերայի կենտրոնի փոխտնօրենն եմ:

 

 

Երիտասարդությանը ոգևորող ուժը․․․

 

Մեր երիտասարդության մասնագիտական աճին նպաստող ծրագրերը ոգեշնչում են նրանց անելու ավելին և առավել ոգևորիչ են հենց մեզ՝ այդ ծրագրերի իրագործման աջակիցների համար:

 

Դժվարություններն առաջընթացի կարևոր նախապայմանն են:

 

Երբ սիրով եմ որևէ աշխատանք կատարում և եթե ինչ-որ դժվարության եմ հանդիպում, այն չեմ դիտարկում որպես խոչընդոտ կամ փորձություն, այլ մտածում եմ, որ դա ինձ համար նոր մարտահրավեր է, ինքնակատարելագործման նոր հնարավորություն: Իմ կարծիքով, հակառակ դեպքում, մարդը՝ որպես անհատ և մասնագետ կդադարի զարգանալուց:

 

 

Պետք է մշտապես լուրջ ու պատասխանատու լինել յուրաքանչյուր աշխատանք կատարելիս։

 

Ես մեծ հաճույքով եմ կատարում իմ աշխատանքը և կարծում եմ՝ անհնարին ոչինչ չկա․ միայն ցանկություն է պետք յուրաքանչյուր աշխատանքում: Սակայն, եթե գործունեություն ես ծավալում անտարբերությամբ, ամեն ինչ անում ես պարտավորության զգացումով, ապա խոչընդոտներն անխուսափելի կլինեն:

 

Մեր առաքելությունը…

 

Մենք վերապատրաստումներ, հանդիպումներ ու սեմինարներ ենք կազմակերպում հնարավոր բոլոր ուղղություններով, որոնք կարող են նպաստել ուսանողների և շրջանավարտների կարիերայի աճին։ Մեզ համար թիրախային են համալսարանի ուսանողությունը և նոր շրջանավարտները, որոնք ունեն հմտությունների զարգացման, աշխատաշուկայում ներգրավվելու անհրաժեշտություն:

 

 

Կենտրոնը մասնագիտական գործունեություն սկսելու սկզբնակետն է:

 

Շրջանավարտների և կարիերայի կենտրոնը մեծ դերակատարում ունի ուսանողների կարիերայի մեկնարկի, աշխատանքային գործունեություն սկսելու հարցում: Այս առումով առարկայական օրինակները բազմաթիվ են․ կենտրոնի աջակցությամբ ներկայում բազմաթիվ համալսարանականներ հեղինակավոր կազմակերպությունների առաջատար մասնագետներ են։

  

Կարևորը մարդ մնալն է։

 

Անկախ նրանից՝ մարդն ինչ ոլորտում է և ինչ պաշտոն է զբաղեցնում՝ կարևորը մարդկային արժեքներն են։ Համառ կամքի և աշխատասիրության շնորհիվ է միայն հնարավոր հասնել նպատակակետին։

 

Լյուդմիլա Շիրվանյան

Այլ նորություններ
ՀՀ-ՈՒՄ ՂԱԶԱԽՍՏԱՆԻ ԴԵՍՊԱՆԸ ԳՐՔԵՐ ՆՎԻՐԵՑ ԵՊՀ ԱՐԵՎԵԼԱԳԻՏՈՒԹՅԱՆ ՖԱԿՈՒԼՏԵՏԻ ԳՐԱԴԱՐԱՆԻՆ
ԵՊՀ արևելագիտության ֆակուլտետի թյուրքագիտության ամբիոնին առընթեր գործող Աբայի անվան ղազախերենի, Ղազախստանի պատմության ու մշակույթի կենտրոնը կրկին հյուրընկալել էր ՀՀ-ում Ղազախստանի արտակարգ և լիազոր դեսպան Բոլատ Իմանբաևին: Դեսպանը կենտրոնի գրադարանին է նվիրել Ղազախստանի նախագահ Կասիմ-Ժոմարտ Տոկաևի հեղինակած գրքերը:
ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԴԵՐԸ ԱՇԽԱՐՀՈՒՄ․ ԿՐԹՈՒԹՅՈՒՆԻՑ ԱՇԽԱՏԱՇՈՒԿԱ
21-րդ դարը նորարարական բացահայտումների ժամանակաշրջան է, որում մեծ դերակատարում ունեն տեղեկատվական տեխնոլոգիաները (ՏՏ)։ Դրանք ներթափանցել են մարդկային գործունեության գրեթե բոլոր ոլորտներ՝ առաջարկելով առօրյայի և աշխատանքային գործընթացների դյուրին ու արդյունավետ կազմակերպման ուղիներ։
Կոնտակտներ

Գենդերային հետազոտությունների և առաջնորդության կենտրոն
Հեռ: +37460710390
Ներքին: 2390
Էլ.հասցե: cgls@ysu.am
Հասցե: Ալեք Մանուկյան 1, 0025, Երևանի պետական համալսարան,Ռադիոֆիզիկայի ֆակուլտետ, 436 սենյակ
Երևան, Հայաստան


Սույն վեբ կայքը ստեղծվել է Ամերիկայի ժողովրդի աջակցությամբ` ԱՄՆ Միջազգային զարգացման գործակալության միջոցով: Այստեղ արտահայտված տեսակետները /կամ նյութի բովանդակությունը/ միմիայն հեղինակներինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները:

New layer...