Օտարերկրյա քաղաքացիների ընդունելությունն իրականացվում է ՀՀ Կառավարության համապատասխան որոշմամբ հաստատված «ՀՀ բարձրագույն ուսումնական հաստատություններ օտարերկրյա քաղաքացիների ընդունելության կարգի» համաձայն: կարդալ ավելին
ԵՊՀ միջազգային կրթական կենտրոնը նպաստավոր պայմաններ է ստեղծում այն սփյուռքահայ երիտասարդների համար, ովքեր մայր հայրենիքում բարձրագույն կրթություն ստանալու ցանկություն ունեն: կարդալ ավելին
ԵՊՀ միջազգային համագործակցությունն իրականացնում է Միջազգային համագործակցության վարչությունը, որի կազմում գործում են միջազգային կապերի, օտարերկրյա սովորողների կրթության կազմակերպման եւ գրանտների բաժինները: կարդալ ավելին
ՀՅՈՒՐԵՐԻ ՏՈՒՆ
Բարի գալուստ ԵՊՀ «Հյուրերի տուն»




2016 թվականի դեկտեմբերի 23-ին շահագործման հանձնվեց ԵՊՀ նոր հյուրատունն ու վերանորոգված մարզահամալիրը: ԵՊՀ մարզահամալիրի մասնաշենքերից մեկն ամբողջությամբ վերակառուցվել է՝ որպես եռահարկ հյուրատուն, որը գտնվում է համալսարանի ետնաբակում՝ Ալեք Մանուկյան և Եղիշե Չարենց փողոցների զուգահեռվող միջակայքում:



Եվրոպական ժամանակակից բոլոր պահանջներին համապատասխան կառուցապատված ու կահավորված հյուրատունը (19 սենյակ, կոնֆերանս դահլիճ, ճաշարան) պատրաստ է հյուրընկալելու ինչպես ԵՊՀ այցելած գիտության, կրթության ու մշակույթի անվանի գործիչներին, այնպես էլ Երևանի պատվավոր հյուրերին ու հնարավորության սահմաններում՝ արտասահմանցի զբոսաշրջիկներին:



Հյուրատան լիարժեք կահավորված կոնֆերանս-սրահը հարմար է տարաբնույթ միջոցառումների կազմակերպման համար: Ընդարձակ սրահում, որը հագեցած է անհրաժեշտ տեխնիկական սարքավորումներով, հնարավոր է պատշաճ մակարդակով անցկացնել գիտաժողովներ, սեմինարներ, վերապատրաստման դասընթացներ, համաժողովներ և այլն: ԵՊՀ «Հյուրերի տան» բոլոր համարներն ապահովված են ջեռուցմամբ, տաք ջրամատակարարմամբ, օդորակիչներով, անվճար ինտերնետով, սանհանգույցներով և ավտոմատ հակահրդեհային ահազանգման համակարգով:



Հաշված րոպեների ընթացքում այստեղից ոտքով կարելի է հասնել Երևանի ամենասիրելի զբոսաշրջային վայրեր` Ազատության և Հանրապետության հրապարակներ, Կասկադ համալիր, Հյուսիսային պողոտա, Մատենադարան, Պատմության թանգարան և այլն:




Սենյակներ և արժեքները՝ ՀՀ դրամով (արժեքի մեջ ներառված է նախաճաշը)

Մեկտեղանոց (ստանդարտ)

20.000

Երկտեղանոց (ստանդարտ)

30.000

Երեքտեղանոց (ստանդարտ)

33.000

Չորստեղանոց (ստանդարտ)

44.000

Երկտեղանոց (բիզնես)

35.000

Կոնֆերանս սրահ

5.700 (մեկ ժամ)

Տեխնիկական սարքավորումներ

17.000 (ամբողջ օր)

Սուրճի ընդմիջում

1.500


Մուտք (Check-in) - 
14:00
Ելք (Check-out) - 12:00

Ամրագրման համար՝

Հեռ.՝ (374 60) 710 700
Էլ. փոստ՝ guesthouse@ysu.am

Տնօրեն՝ Ռուդիկ Բարսեղյան
Հեռ.՝ (374 98) 111 155, (374 60) 710 760
Էլ. փոստ՝ r.barseghyan@ysu.am, r.barseghyan@gmail.com