27.02.2015 | 
Քաղաքականություն
«HEN-GEAR» ՀԱՐԹԱԿԸ ՆԵՐԿԱՅԱՑՎԵՑ ԳՈՐԾԱՐԱՐ ՈԼՈՐՏԻՆ
«HEN-GEAR» ՀԱՐԹԱԿԸ ՆԵՐԿԱՅԱՑՎԵՑ ԳՈՐԾԱՐԱՐ ՈԼՈՐՏԻՆ
Բուհերի շրջանավարտներին ու գործարար ոլորտին իրար միացնող «HEN-GEAR» հարթակն ընդլայնում է աշխատանքի շրջանակները:

Այսօր «Երևան Պլազա» բիզնես կենտրոնում հայ գործարարներին ներկայացվեց «Հայաստանում մարդկային կապիտալի գնահատման և շրջանավարտների զբաղվածությանն ուղղված բարձրագույն կրթության ցանց» (HEN-GEAR) ծրագիրը և դրա շրջանակում ստեղծված շրջանավարտների զբաղվածության «HEN-GEAR» պորտալը:

 

Գործարարների հետ հանդիպմանը ներկա էին Բոլոնիայի «Ալմա Լաուրեա» միջհամալսարանական կոնսորցիումի ծրագրի համակարգող Լուիզա Մենգոնին, ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, ներկայացուցիչներ ՀՀ կրթության և գիտության նախարարությունից, Հայաստանի արդյունաբերողների և գործարարների (գործատուների) միությունից, Հայաստանում «Էրազմուս» ծրագրի ազգային գրասենյակից և այլն:

 

Հայաստանի արդյունաբերողների և գործարարների (գործատուների) միության գործադիր տնօրեն Էդուարդ Կիրակոսյանը, անդրադառնալով «HEN-GEAR» ծրագրի առանձնահատկություններին, նշեց, որ այն Հայաստանում արդեն դրական արդյունքներ ունի. «Կան շրջանավարտներ, ովքեր «HEN-GEAR» պորտալի շնորհիվ աշխատանք են գտել: Հույս ունեմ, որ ծրագիրը հետագայում ավելի արդյունավետ կաշխատի»:

 

Ռուբեն Մարկոսյանն էլ նշեց, որ համակարգը Հայաստանում ներդնելուց հետո գործատուների հետ առաջին պաշտոնական հանդիպումն է, որը նոր որակ է հաղորդում «HEN-GEAR» հարթակին. «Մենք դուրս ենք գալիս միջբուհական շփման շրջանակից և անցնում ավելի բաց՝ բուհ-ձեռնարկություն փոխգործակցության դաշտ»:

 

Հանդիպման ընթացքում Լուիզա Մենգոնին ներկայացրեց ծրագրի առանձնահատկությունները՝ «HEN-GEAR» հարթակը, ինչպես է այն գործում, ինչպես պետք է գրանցվել այնտեղ, ապա պատասխանեց գործարար ոլորտի ներկայացուցիչներին հուզող հարցերին:

 

Նշենք, որ ԵՄ «Տեմպուս» ծրագրի «HEN-GEAR» նախագծի շրջանակում մի շարք բուհերի մասնակցությամբ ստեղծվել է շրջանավարտների զբաղվածության «HEN-GEAR» պորտալ, որը նպատակ ունի լուծել ինչպես շրջանավարտների զբաղվածության խնդիրները, այնպես էլ շրջանավարտների հետ հետադարձ կապի գործիքների զարգացմամբ աջակցել կրթության որակի ապահովմանը:

Այլ նորություններ
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ԿՈՉԸ  ՄԻՋԱԶԳԱՅԻՆ ԳՈՐԾԸՆԿԵՐՆԵՐԻՆ ԼԱՉԻՆԻ ՄԻՋԱՆՑՔԻ ԱՐԳԵԼԱՓԱԿՄԱՆ ՀԵՏԵՎԱՆՔՈՎ ՍՏԵՂԾՎԱԾ ԻՐԱՎԻՃԱԿԻ ՎԵՐԱԲԵՐՅԱԼ
Դեկտեմբերի 12-ի առավոտից Ադրբեջանի մի խումբ քաղաքացիներ, ներկայանալով որպես բնապահպանական ակտիվիստներ, արգելափակել են բնականոն ու անարգել տեղաշարժը Գորիս–Ստեփանակերտ ճանապարհին (Լաչինի միջանցք), որն այսօր Լեռնային Ղարաբաղն արտաքին աշխարհին կապող միակ ճանապարհն է։ Բացի դրանից՝ այս օրերի ընթացքում Ադրբեջանը ձմռան սաստիկ ցրտի պայմաններում արցախցիներին 75 ժամ թողել էր առանց գազի:
ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ն ԿԱԶՄԱԿԵՐՊԵԼ ԷՐ ՊԱՆԵԼԱՅԻՆ ՔՆՆԱՐԿՈՒՄ
Քննարկման հրավիրյալ բանախոսներն էին պ.գ.դ., պրոֆեսոր Ռուբեն Մելքոնյանը, տնտ. գիտ. թեկն., դոցենտ Կառլեն Խաչատրյանը և իրավ. գիտ. թեկն. Լևոն Գևորգյանը: