30.09.2015 | 
Կրթություն
«HEN-GEAR» ՆԱԽԱԳԾԻ ՄԱՍՆԱԿԻՑՆԵՐԸ ՔՆՆԱՐԿԵՑԻՆ ԱՌԱՋԻԿԱ ԱՆԵԼԻՔՆԵՐԸ
«HEN-GEAR» ՆԱԽԱԳԾԻ ՄԱՍՆԱԿԻՑՆԵՐԸ ՔՆՆԱՐԿԵՑԻՆ ԱՌԱՋԻԿԱ ԱՆԵԼԻՔՆԵՐԸ
Սեպտեմբերի 30-ին ԵՊՀ-ում անցկացվեց «Տեմպուս» ծրագրի «HEN-GEAR» նախագծի հերթական հանդիպում-քննարկումը:

Հիշեցնենք, որ Եվրոպական միության «Տեմպուս» ծրագրի «HEN-GEAR» նախագծի շրջանակներում ստեղծվել է «HEN-GEAR» պորտալը: Ծրագիրը մեկնարկել է 2013 թ.-ին: Հայաստանի 8 համալսարաններ նույնպես մասնակցում են այս ծրագրին, որի հիմնական նպատակն է աջակցել շրջանավարտների զբաղվածության խնդիրների լուծմանը, ինչպես նաև նպաստել կրթության ու բիզնեսի ոլորտների միջև համագործակցությանը:

 

Ծրագրի արդյունավետությունն ուսումնասիրելու և դրանց արդյունքները վերլուծելու համար կազմակերպվել էր փորձագիտական քննարկում, որին մասնակցում էին նաև ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանն ու «Տեմպուս» ծրագրի հայաստանյան ազգային գրասենյակի ղեկավար Լանա Կառլովան:

 

Պարոն Մարկոսյանը նշեց, որ հոկտեմբերի 29-ին նախատեսվում է «Տեմպուս» ծրագրի «HEN-GEAR» նախագծի կոնֆերանսը, որի ընթացքում կներկայացվեն ծրագրի հաշվետվությունը, հիմնական արդյունքները, ինչպես նաև հանդես կգան ծրագրում ներգրավված գործընկեր կողմերը, արտաքին դերակատարները, գործատուները ու այն հաստատությունները, որոնք կարող են ծրագրի շահեկիցները լինել:

 

 

Հանդիպման ժամանակ քննարկվեցին ծրագրի իրականացման ընթացքն ու առաջիկա կոնֆերանսի նախապատրաստական աշխատանքները: Կոնֆերանսի ընթացքում կներկայացվի նաև ծրագրի վերջնական զեկույցը, որն առանձին գրքով հրատարակվելու է: Ծրագրի մասնակիցները պատասխանեցին նաև Լանա Կառլովայի հարցերին, որոնք վերաբերում էին կատարված ուսումնասիրություններին ու դրանց արդյունավետությանը:

 

ԵՊՀ պրոռեկտոր Ռուբեն Մարկոսյանը կարևորում է այս ծրագիրը և շտապում տեղեկացնել, որ այն միևնույն ժամանակ բարդ է, քանի որ դրանում ներգրավված են թե՛ ներբուհական, և՛ թե արտաքին շատ օղակներ. «Այս ծրագրի հաջողությունը կախված չէ միայն համալսարանական անձնակազմից, արտաքին շահեկից անհատներն ու կառույցները նույնպես պետք է շահագրգռված լինեն համակարգը կայացնելու հարցում: Մենք պետք է կարողանանք խթանել այն գործընթացը, որ համակարգում շատ ուսանողներ ու գործատուներ գրանցվեն, վերջիններս աշխատանքի առաջարկություններ անեն այն շրջանավարտներին, ովքեր ընդգրկված կլինեն «HEN-GEAR» համակարգում»:

 

Պրոռեկտորը նաև հավելում է, որ ծրագրի միջոցով հնարավորություն կստեղծվի մշտական կապ պահելու շրջանավարտների հետ, ինչպես նաև տեսնելու նրանց հաջողությունները, քանի որ շրջանավարտների հետ հետադարձ կապի գործիքներն այժմ այդքան էլ շատ չեն:

Որակի ապահովման ազգային կենտրոնը (ՈԱԱԿ), որը նույնպես եղել է ծրագրի իրականացման գործընկերը, առաջարկել է առաջիկա երկու տարվա ընթացքում ապահովել կենտրոնական բազայի ընդհանուր շահագործումը, իսկ բուհերը կապահովեն տվյալների մուտքագրումը:

Այլ նորություններ
«ՆՈՐԱՐԱՐԱԿԱՆ ՍԱՐՔԱՎՈՐՈՒՄՆԵՐՈՎ ՀԱԳԵՑՎԱԾՈՒԹՅՈՒՆԸ ՆՊԱՍՏՈՒՄ է ԵՊՀ-ՈՒՄ ԳՈՐԾՆԱԿԱՆ ԴԱՍԵՐԻ ԱՐԴՅՈՒՆԱՎԵՏ ԿԱԶՄԱԿԵՐՊՄԱՆԸ». ԱՆՆԱ ՄԱԴԱԹՅԱՆ
ԵՊՀ եվրոպական լեզուների և հաղորդակցության ֆակուլտետի ուսանող Աննա Մադաթյանը «Էրազմուս+» միջազգային կրեդիտային շարժունության ծրագրով կրթություն է ստացել Իսպանիայի Լա Կորունյա համալսարանում: Մեզ հետ զրույցում Աննան պատմել է լեզուների իմացության կարևորության, Իսպանիայում անցկացրած օրերի և այլ թեմաների մասին։
«ԵՊՀ-ՈՒՄ ԳՈՐԾՈՂ ՈՒՍԱՆՈՂԱԿԱՆ ԿԱՌՈՒՅՑՆԵՐԸ ՄԻՏՎԱԾ ԵՆ ՀԱԳԵՑՆԵԼՈՒ ՈՒՍՈՒՄՆԱՌՈՒԹՅԱՆ ՏԱՐԻՆԵՐԸ»․ ԼԵՆԱ ՄՈՒՐԱԴՅԱՆ
ԵՊՀ աշխարհագրության և երկրաբանության ֆակուլտետի այս տարվա շրջանավարտներից է ֆակուլտետի ուսանողական խորհրդի նախագահ Լենա Մուրադյանը։ Լենայի հետ զրուցել ենք մասնագիտության ընտրության, ուսանողական հագեցած տարիների և այլ թեմաների շուրջ: