10.03.2022 | 
Մշակույթ
«ԴԻՄԱԿԱՅՈՒԹՅՈՒՆ» ՖԻԼՄԻ ՊՐԵՄԻԵՐԱՆ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
«ԴԻՄԱԿԱՅՈՒԹՅՈՒՆ» ՖԻԼՄԻ ՊՐԵՄԻԵՐԱՆ ԵՊՀ ՄՇԱԿՈՒՅԹԻ ԿԵՆՏՐՈՆՈՒՄ
ԵՊՀ մշակույթի կենտրոնում մարտի 9-ին տեղի է ունեցել «Դիմակայություն» վավերագրական ֆիլմի պրեմիերան: Ֆիլմը պատմում է Հայաստանում և Արցախում մեկտեղված իրադարձությունների՝ 44-օրյա պատերազմի և կորոնավիրուսային համավարակի մասին:

Ֆիլմի հեղինակ և ռեժիսոր Արման Երիցյանը նշում է, որ ֆիլմում իրականությունը ներկայացված է այլաբանական և գեղարվեստական տեսանկյունից. «Ֆիլմը նպատակ ունի ասելու, որ մեր ժողովրդի, մեր երկրի պատմությունը գրեթե նույնականացված է մեր ձեռագրերի պատմության հետ, և այդ աղետները չեն ներկայացվում որպես տարեգրություն, այլ ներկայացվում են որպես համեմատություն այն կենսագրության հետ, որն ունեցել են մեր գրերը»:

 

 

Մատենագիր ձեռագրերի հետ համեմատությունը հեղինակը բացատրում է նրանով, որ պատմության ընթացքում նրանք էլ են տարհանվել, կրել տարատեսակ զրկանքներ, ենթարկվել թշնամական հարձակումների և «հիվանդացել» վարակիչ սնկային հիվանդություններով:

 

 

«Հարցին իմ մոտեցումը շատ բարդ ու միաժամանակ շատ հեշտ եղավ։ Ես փորձեցի ոչ թե բառերի, այլ վոկալիզի միջոցով ցույց տալ զգացմունքայնությունը: Երբ բառեր չես կարողանում գտնել, բայց ասելիքը շատ է, փորձում ես մի տառի հնչյունով արտահայտել մտքինդ: Այս դեպքում օգտագործել եմ նաև մարդկանց զգացմունքների հնչյունները, որոնք ամենադիպուկն են ներկայացնում եղելությունը», - նշում է ֆիլմի կոմպոզիտոր Միքայել Նշանյանը՝ հավելելով, որ վավերագրական ֆիլմը երաժշտության տեսանկյունից շատ սահմանափակումներ ունի:

 

 

Մշակույթի կենտրոնի տնօրեն Կարինե Դավթյանը կարևորեց ֆիլմի գաղափարն ու նշեց, որ ճիշտ կլինի, որ շատերը դիտեն այն, քանի որ վերջինս կարևոր է ոչ միայն հայ, այլև օտարերկրացի ուսանողների համար. «Երիտասարդները պետք է կարողանան ճիշտ տեղեկություն ստանալ, և այս ֆիլմը տալիս է այդ հնարավորությունը: Ես ուրախ եմ, որ այս տարվա առաջին կինոցուցադրությունը, որն իրականացնում է մեր կինոակումբը, հենց սա է»:

 

 

Առաջիկայում սպասվում են կինոդիտումներ նաև Լիտվայում, Լեհաստանում, Գերմանիայում և Ֆրանսիայում։ Ա. Երիցյանի խոսքով, դրանք փառատոնային ցուցադրություններ չեն լինելու, այլ համալսարանական, քանի որ նպատակն է գիտական զանգվածին ներկայացնել պատմությունը:

 

Այլ նորություններ
ՀԱՅԿԱԿԱՆ ՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ՈՉՆՉԱՑՄԱՆ ՎՏԱՆԳՆ ԱՐՑԱԽՈՒՄ․ ԳԻՏՆԱԿԱՆՆԵՐԸ ՀԱՆԴԵՍ ԵՆ ԵԿԵԼ ԿՈՉՈՎ
2022 թ․ հուլիսի 15-19-ը ԵՊՀ-ում և Հայ Առաքելական եկեղեցու Վայոց ձորի թեմում տեղի է ունեցել «Արցախի մշակութային ժառանգությունը» խորագրով միջազգային գիտաժողով, որի ընթացքում ավելի քան երեսուն օտարերկրյա և հայ գիտնականներ ու փորձագետներ քննարկել են Լեռնային Ղարաբաղի տարածաշրջանում մշակութային արժեքների ստեղծման, պատմական զարգացման և ներկայիս վտանգվածության խնդիրները։
«ԻՆՁ ՀԱՄԱՐ ՇԱՏ ԿԱՐԵՎՈՐ Է, ՈՐ «YSU ԲԵՆԴ»-Ը ՕՐԻՆԱԿ ԼԻՆԻ ՄՅՈՒՍ ԲՈՒՀԵՐԻ ՀԱՄԱՐ». ՍԱՐԳԻՍ ԲԱԺԲԵՈՒԿ-ՄԵԼԻՔՅԱՆ
Աշխարհահռչակ օպերային երգիչ Սարգիս Բաժբեուկ-Մելիքյանը ԵՊՀ Շառլ Ազնավուրի անվան մշակույթի կենտրոնում գործող «YSU band»-ի գեղարվեստական ղեկավարն է: Սարգիսի հետ զրուցել ենք «YSU band»-ի ձևավորման, առաջիկա պլանների և այլ հարցերի շուրջ: