05.12.2008 | 
Գիտություն
ՀՈԲԵԼՅԱՆԱԿԱՆ ԳԻՏԱԺՈՂՈՎՆԵՐԻ ՇԱՐՔ
ՀՈԲԵԼՅԱՆԱԿԱՆ ԳԻՏԱԺՈՂՈՎՆԵՐԻ ՇԱՐՔ
Մաթեմատիկոս Մխիթար Ջրբաշյանը այս տարի կդառնար 90 տարեկան:

Նոյեմբերի 27-28-ը Մաթեմատիկայի եւ մեխանիկայի ֆակուլտետում կազմակերպվել էր գիտաժողով` նվիրված հայտնի մաթեմատիկոս Մխիթար Ջրբաշյանի 90-ամյակին: Գիտական զեկույցները հիմնականում վերաբերում էին ֆունկցիաների տեսությանը: 

Մեծանուն գիտնականը երկար տարիներ դասավանդել է ԵՊՀ-ում, եղել է ֆունկցիաների տեսության ամբիոնի վարիչ, Մեխանիկամաթեմատիկական ֆակուլտետի դեկան: 1966թ-ին Հիմնադրել է եւ երկար տարիներ խմբագրել «Մաթեմատիկա» (ՀՀ ԳԱԱ տեղեկագիր) հանդեսը:

Մխիթար Ջրբաշյանի գիտական ուսումնասիրություններն ընդգրկում են ժամանակակից կոմպլեքս անալիզի ու ֆունկցիաների տեսության մի շարք ուղղություններ` մոտավորությունների տեսություն, հարմոնիկ անալիզ, ինտեգրալ ձեւափոխություններ եւ ֆունկցիաների ներկայացումներ եւ այլն:

Նա մեծ ավանդ ունի 40-50-ականներին ձեւավորված հայկական մաթեմատիկական գիտական դպրոցի կայացման ու զարգացման գործում: Լինելով հիմնադիրներից մեկը` իր հետազոտություններով նպաստել է դպրոցի գիտական թեմատիկայի հարստացմանն ու հեղինակության բարձրացմանը: ՀԽՍՀ գիտության վաստակավոր գործիչ է:

Սա թվով երրորդ գիտաժողովն է, որ 2008թ-ին կազմակերպվում է այս ֆակուլտետում: Այս տարի մեծ շուքով նշվել են նաեւ հայտնի գիտնականներ Սերգեյ Մերգելյանի եւ Ալեքսանդր Թալալյանի 80-ամյակները: Գիտական զեկույցներով հանդես են եկել հայ եւ արտասահմանյան բազմաթիվ գիտնականներ: 

«Այսպիսի միջոցառումները շատ կարեւոր են, քանի որ այդ մարդիկ մեծ ավանդ ունեն Հայաստանի գիտության զարգացման գործում, եւ նրանց պետք է արժանին հատուցել»,- ասաց Մաթեմատիկայի եւ մեխանիկայի ֆակուլտետի դեկան Արթուր Սահակյանը:

Այլ նորություններ
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ:
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը: