15.04.2013 | 
Հասարակություն
ՀԱՅ-ՖՐԱՆՍԻԱԿԱՆ ՀԱՐԱԲԵՐՈՒԹՅՈՒՆՆԵՐԸ ԱՄՐԱՊՆԴՎՈՒՄ ԵՆ
ՀԱՅ-ՖՐԱՆՍԻԱԿԱՆ ՀԱՐԱԲԵՐՈՒԹՅՈՒՆՆԵՐԸ ԱՄՐԱՊՆԴՎՈՒՄ ԵՆ
Այսօր ԵՊՀ Պալեանների անվան դահլիճում տեղի ունեցավ գիտաժողով Հայաստանում Ֆրանկոֆոնիայի օրերի շրջանակում:

Այն նվիրված էր Հայաստանի և Ֆրանսիայի միջև դիվանագիտական հարաբերությունների հաստատման 20-ամյակին:

 

«Միջոցառման կազմակերպման գաղափարը ֆակուլտետի դասախոս Վարդուհի Պետրոսյանինն էր, իսկ ԵՊՀ ՈՒԳԸ-ն մեծապես աջակցում է նմանօրինակ միջոցառումներին: Մենք դիվանագետներ ենք, և իմանալ ցանկացած երկրի հետ հարաբերությունների խորությունը մեզ համար մեծ կարևորություն է ներկայացնում»,- ասաց Միջազգային հարաբերությունների ֆակուլտետի ՈՒԳԸ նախագահ Ժաննա Հարությունյանը:

 

Միջոցառման ընթացքում ուսանողներն իրենց զեկույցներով անդրադառնում էին հայ-ֆրանսիական հարաբերություններին` սկսած վաղ անցյալից մինչև մեր օրերը:

 

«Հայ-ֆրանսիական հարաբերությունները հնագույններից են: Դրանք ընդգրկել են կյանքի բոլոր բնագավառները և ունեն զգացական ասպեկտ: Ինչպես իր խոսքում միշտ նշում է Հայաստանում Ֆրանսիայի արտաքին և լիազոր դեսպան Անրի Ռենոն, ոչ մի երկիր չունի հայերի սրտում այն տեղը, ինչ Ֆրանսիան: Այժմ էլ Ֆրանսիայի կառավարությունը պատրաստվում է Սենատում քննարկել Հայոց ցեղասպանությունը քրեականացնող օրինագիծը»,- նշեց միջոցառման կազմակերպիչ, Միջազգային հարաբերությունների ֆակուլտետի դիվանագիտության ծառայության և մասնագիտական հաղորդակցման ամբիոնի դոցենտ Վարդուհի Պետրոսյանը:

 

Ֆակուլտետի դեկան Գեղամ Պետրոսյանն էլ, դիմելով գիտաժողովի մասնակիցներին, ասաց. «Ամեն տարի Արտաքին գործերի նախարարությունը Ֆրանսիայի դեսպանության հետ համատեղ կազմակերպում են Ֆրանկոֆոնիայի օրեր Հայաստանում, և այդ միջոցառումներին ակտիվորեն մասնակցում է նաև մեր ֆակուլտետը: Ինձ համար հաճելի է, երբ տեսնում եմ ուսանողների ակտիվությունը, ոչ միայն դասապրոցեսում, այլև նմանաբնույթ միջոցառումների ժամանակ»:

 

Գիտաժողովի 10 մասնակիցները ելույթներ ունեցան ֆրանսերեն լեզվով: Միջոցառման ավարտին նրանց հանձնեցին հավաստագրեր: 

Այլ նորություններ
ԳԻՏԱԿԱՆ ԹԵՄԱ․ ՀԱՅԱՍՏԱՆԻ ՀԱՄԱՐ ԱՌԱՋԻՆ ԱՆԳԱՄ ՈՒՍՈՒՄՆԱՍԻՐՎԵԼՈՒ Է ՊԵՍՏԻՑԻԴՆԵՐԻ ՎՆԱՍԱԿԱՐ ԱԶԴԵՑՈՒԹՅՈՒՆԸ ՎԱՐԵԼԱՀՈՂԵՐԻ ՍՆՆԴԱՅԻՆ ՇՂԹԱՅԻ ՎՐԱ
ՀՀ ԿԳՄՍՆ գիտության կոմիտեն ֆինանսավորման է երաշխավորել «Պեստիցիդների կուտակումը և դրանց ազդեցությունը լեռնատափաստանային էկոհամակարգերի կենսաբազմազանության վրա» գիտական թեման: Այն ներկայացրել է ԵՊՀ կենսաբանության ֆակուլտետի բուսաբանության և սնկաբանության ամբիոնը:
«ՀԱՄԱԼՍԱՐԱՆՆ ԻՄ ՍԵՐՆ Է, ԱՅՆ ԻՆՁ ՀԱՄԱՐ ՍՐԲԱՎԱՅՐ Է, ՈՐՏԵՂ ՄԵԾԱՑԵԼ ԵՄ». ԵՊՀ Լ. ՂԱՐԻԲՋԱՆՅԱՆԻ ԱՆՎԱՆ ՊԱՏՄՈՒԹՅԱՆ ԹԱՆԳԱՐԱՆԻ ԱՐԽԻՎԻ ՎԱՐԻՉ, ԺՈՂՈՎՐԴԱԿԱՆ ՎԱՐՊԵՏ ՆԵԼԼԻ ԳԵՎՈՐԳՅԱՆ
Նելլի Գևորգյանը վերջերս հոբելյան էր տոնում. նա մի ամբողջ կյանք է անցկացրել համալսարանում՝ մոտ 54 տարի: Տիկին Գևորգյանը նաև ստեղծագործում է. տարիներ շարունակ նա կոլաժների անհատական ցուցահանդեսներ է կազմակերպել: