25.04.2013 | 
Հասարակություն
ԵՐԵԽԱՆԵՐԻ «ԼՈՒՌ ՍՊԱՆՈՒԹՅՈՒՆ»
ԵՐԵԽԱՆԵՐԻ «ԼՈՒՌ ՍՊԱՆՈՒԹՅՈՒՆ»
Այսօր ԵՊՀ իրավագիտության ֆակուլտետում տեղի ունեցավ «Հղիության արհեստական ընդհատում» թեմայով համաժողով:

Հղիության արհեստական ընդհատումը մարդկային պտղի վաղաժամ, արհեստականորեն հարուցած վիժեցումն է վիրահատական կամ քիմիական միջոցների օգնությամբ, այսինքն` մարդկային պտղի կյանքի ընդհատում: Ըստ վիճակագրական տվյալների` հղիության ընդհատման հիմնական պատճառներն են սոցիալական խնդիրները և տղա երեխա ունենալու ցանկությունը:


Ըստ ՀՀ քրեական օրենսգրքի 122-րդ հոդվածի` քրեկան պատասխանատվություն է սահմանված ապօրինի արհեստական վիժեցումների համար:


Իրավագիտության ֆակուլտետի 4-րդ կուրսի ուսանողուհի Էլիզա Արոյանը նշում է, որ ըստ «Մարդու վերարտադրողական առողջության և վերարտադրողական իրավունքի մասին» օրենքի` յուրաքանչյուր կին ունի հղիության արհեստական ընդհատման իրավունք, ինչպես նաև թույլատրվում է արհեստական ընդհատում կատարել մինչև 12 շաբաթական ժամկետը, իսկ մինչ հղիության 22 շաբաթական ժամկետը` միայն բուժհաստատության կողմից ստեղծվող բժշկական հանձնաժողովի որոշմամբ:


Համաժողովը կազմակերպել էր Իրավագիտության ֆակուլտետի ՈՒԳԸ-ն: Մասնակցում էին Բուհերի հոգևոր պատասխանատու Գեղամ սարկավագ Ավետիսյանը, Վարազդատ սարկավագ Քոչարյանը, Իրավագիտության և Աստվածաբանության ֆակուլտետների ուսանողներ:


«Եկեղեցին դատապարտում է այս երևույթը, այն ընդունելի է միայն այն ժամանակ, երբ վտանգված է մոր կյանքը: Աստվածաշունչն ասում է, որ կյանքը սկսվում է հենց բեղմնավորման պահից, այսինքն` մոր որովայնից: Պատիժ է սահմանված նրանց համար, ովքեր դիտավորյալ վիժման պատճառ են դառնում»,- իր խոսքում նշում է Վարազդատ սարկավագ Քոչարյանը:

Այլ նորություններ
ԵՊՀ-ԳՈՐԾԱՐԱՐ ԱՇԽԱՐՀ ԿԱՊՆ ԱՄՐԱՊՆԴՎՈՒՄ Է․ ԿՆՔՎԵԼ Է ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ
ԵՊՀ ռեկտոր Հովհաննես Հովհաննիսյանն այսօր «Երեմյան Փրոջեքթս» ընկերության գլխավոր տնօրեն Դավիթ Երեմյանին հանձնել է շնորհակալագիր՝ ԵՊՀ-ում տեղի ունեցած «Կիրառական քիմիա. էքսպո 2022» միջոցառումը կազմակերպելու գործում ունեցած ներդրման և աջակցության համար։ Հ. Հովհաննիսյանը և Դ. Երեմյանն այսօր նաև ստորագրել են համագործակցության հուշագիր՝ իրավաբանորեն ամրագրելով երկու կառույցների միջև առկա համագործակցությունը։
ԵՊՀ-Ն ԼԱՎԱԳՈՒՅՆ ԱՐԺԵՔՆԵՐԻ ԵՎ ԱՎԱՆԴՈՒՅԹՆԵՐԻ ՍՏԵՂԾՈՂ Է․ ՏԵՂԻ ՈՒՆԵՑԱՎ ԵՊՀ ՇՐՋԱՆԱՎԱՐՏՆԵՐԻ ԱՎԱՐՏԱԿԱՆ ՀԱՆԴԻՍԱՎՈՐ ՄԻՋՈՑԱՌՈՒՄԸ
Մայր բուհի պատմության մեջ առաջին անգամ Ա. Սպենդիարյանի անվան օպերայի և բալետի ազգային ակադեմիական թատրոնի համերգասրահում տեղի ունեցավ ԵՊՀ շրջանավարտների ավարտական հանդիսավոր միջոցառումը, որի ընթացքում գիտական աստիճան ստացած շրջանավարտներին հանձնվեցին վկայագրեր։