23.05.2013 | 
Կրթություն
ԳԵՆԴԵՐԱՅԻՆ ԽՆԴԻՐՆԵՐԸ ԿԱՐԻԵՐԱ ԿԱՌՈՒՑԵԼՈՒ ՃԱՆԱՊԱՐՀԻՆ
ԳԵՆԴԵՐԱՅԻՆ ԽՆԴԻՐՆԵՐԸ ԿԱՐԻԵՐԱ ԿԱՌՈՒՑԵԼՈՒ ՃԱՆԱՊԱՐՀԻՆ
Այսօր ԵՊՀ ուսանողները ծանոթացան CV գրելու և գործատուին դիմելու հմտություններին, ինչպես նաև աշխատաշուկայում առկա գենդերային խնդիրներին:

Սեմինար-դասընթացը կազմակերպել էր ԵՊՀ շրջանավարտների և կարիերայի կենտրոնը Գենդերային հետազոտությունների և առաջնորդության կենտրոնի հետ համատեղ:


«Երկու կենտրոնների համագործակցության շրջանակում պարբերաբար կկազմակերպվեն տարբեր թեմաներով սեմինար-դասընթացներ, որոնք, ի տարբերություն մեր կազմակերպած մյուս սեմինար-դասընթացների, կունենան կոնկրետ գենդերային ուղղվածություն: Նպատակն է բարձրացնել համալսարանականների մրցունակությունը և աջակցել աշխատաշուկայում ինտեգրվելու գործընթացին»,- ասաց Շրջանավարտների և կարիերայի կենտրոնի տնօրեն Լիլիթ Հակոբյանը:


Հանդիպման ընթացքում կենտրոնի աշխատակից Արմինե Հաջաթյանը ուսանողներին ճիշտ CV կազմելու ու հարցազրույցին հաջող ներկայանալու մի շարք օգտակար խորհուրդներ տվեց: Քննարկվեցին նաև աշխատաշուկայում առկա գենդերային խնդիրները:


Գենդերային հետազոտությունների և առաջնորդության կենտրոնի տնօրեն Գոհար Շահնազարյանն էլ նշեց, որ գենդերային խնդիրները հետագայում խոչընդոտում են ուսանողների կարիերայի կառուցմանը, և հավելեց, որ նմանօրինակ միջոցառումների միջոցով իրենք կփորձեն պրակտիկ գիտելիքներ տալ նրանց: 

Այլ նորություններ
ԵՊՀ ՀԱՅ ԲԱՆԱՍԻՐՈՒԹՅԱՆ ՖԱԿՈՒԼՏԵՏԻ ԿԱՐԾԻՔԸ՝ ՀԱՆՐԱԿՐԹՈՒԹՅԱՆ ՊԵՏԱԿԱՆ ԱՌԱՐԿԱՅԱԿԱՆ ՉԱՓՈՐՈՇԻՉՆԵՐԻ ԵՎ ԾՐԱԳՐԵՐԻ ՄԱՍԻՆ
Այս օրերին տեղի են ունենում քննարկումներ «Հայոց լեզու 7-12-րդ դասարաններ» և «Գրականություն 7-12-րդ դասարաններ» հանրակրթության պետական առարկայական չափորոշիչների և ծրագրերի շուրջ: Արտահայտվեցին բազմաթիվ հայագետներ, այդ թվում՝ ԵՊՀ հայ բանասիրության ֆակուլտետի դասախոսներ: Հարցը քննարկվել է նաև ֆակուլտետի գիտխորհրդի նիստում:
ԵՊՀ «ԱՐՎԵՍՏԱԲԱՆՈՒԹՅՈՒՆ» ԿՐԹԱԿԱՆ ԾՐԱԳՐԻ ՈՒՍԱՆՈՂՆԵՐՆ ԱՌՑԱՆՑ ՊՐԱԿՏԻԿԱ ԵՆ ԱՆՑՆՈՒՄ ՌՈՒՍԱԿԱՆ ԱՐՎԵՍՏԻ ԹԱՆԳԱՐԱՆՈՒՄ
Երևանի պետական համալսարանի պատմության ֆակուլտետի «Արվեստաբանություն» կրթական ծրագրի և Ռուսական արվեստի թանգարանի համագործակցության արդյունքում ԵՊՀ ուսանողները երեք տարի անընդմեջ մասնակցում են «Թանգարանային մենեջմենթ և թանգարանագիտություն» պրակտիկային: Պրակտիկայի և գրանցած արդյունքների մասին զրուցել ենք թանգարանի տնօրեն Մարինե Մկրտչյանի հետ: