04.07.2013 | 
Հասարակություն
ԵՊՀ ՌՈՒՍԱԿԱՆ ԿԵՆՏՐՈՆԸ՝ ՈՐՊԵՍ ԴՐԱԿԱՆ ՕՐԻՆԱԿ
ԵՊՀ ՌՈՒՍԱԿԱՆ ԿԵՆՏՐՈՆԸ՝ ՈՐՊԵՍ ԴՐԱԿԱՆ ՕՐԻՆԱԿ
«Հարավկովկասյան երկաթուղի» ընկերության ներկայացուցիչները հյուրընկալվել էին ԵՊՀ ռուսական կենտրոնում:

Խոսքը մասնավորապես Երկաթգծային տրանսպորտի՝ երիտասարդների հետ տարվող աշխատանքի խորհրդի մասին է: Խորհրդում ներկայացված են ԱՊՀ տարածաշրջանի գրեթե բոլոր երկրները, սակայն ԵՊՀ-ում հուլիսի 3-ին հյուրընկալվել էին միայն Բելառուսի, Վրաստանի, Ղազախստանի և Ուկրաինայի ներկայացուցիչները: 

«Ես հանդիպել եմ «Հարավկովկասյան երկաթուղի» ՓԲԸ-ի գլխավոր տնօրեն Վիկտոր Ռեբեցի հետ, և պարզեցինք, որ ունենք խնդիր: Երիտասարդները բողոքում են, որ աշխատանք չկա, բայց ընկերությունն ունի տեխնիկական ֆակուլտետների շրջանավարտների կարիք, որոնք, սակայն, նույնիսկ եթե լավ են տիրապետում իրենց մասնագիտությանը, ռուսերենի գիտելիքներ չունեն: Այնինչ նշված երկրների երիտասարդներն իրար հետ պետք է շփվեն ռուսերենով»,- ասում է Ռուսական կենտրոնի տնօրեն Արուսյակ Ներսեսյանը: 

Իրավիճակը փոխելու համար այժմ խորհուրդը փնտրում է լուծման տարբերակներ: Իմանալով, որ Հայաստանում գործում է այսպիսի կենտրոն, որոշել են գալ, տեղում ծանոթանալ կառուցվածքին, գործունեությանը, արված աշխատանքին, որպեսզի կարողանան այդ փորձը կիրառել նաև ԱՊՀ մյուս երկրներում: 

Նշենք, որ մինչ այժմ «Հարավկովկասյան երկաթուղիներ» ընկերությունը աշխատել է միայն Հայաստանի պետական ճարտարագիտական համալսարանի տրանսպորտի ֆակուլտետի հետ:

Հյուրընկալված խորհրդի անդամների հանդիպմանը ներկա էին նաև ԵՊՀ տարբեր ֆակուլտետների ուսանողներ, ովքեր ակտիվորեն մասնակցում են կենտրոնի միջոցառումներին:

Կենտրոնի գործունեությունը տեսանյութով հյուրերին ներկայացնելուց հետո սկսվեց հարց ու պատասխանը:

Այլ նորություններ
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ․ ՄԱՍ 2-ՐԴ
Համալսարանականները շարունակում են ամփոփել անցնող տարվա ընթացքում կատարած աշխատանքներն ու գրանցած հաջողությունները։ Տարին մշակութային էր, ԵՊՀ ուսանողների և շրջանավարտների համար՝ հագեցած աշխատանքի առաջարկներով։
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ. ՄԱՍ 1-ԻՆ
Ավարտվում է 2022 թվականը, և համալսարանականները ներկայացնում են անցնող տարվա ընթացքում գրանցված հաջողություններն ու ձեռքբերումները, ինչպես նաև անդրադառնում ապագայի ծրագրերին։ Հաջողությունները եղել են բոլոր ուղղություններով՝ գիտականից մինչև ֆինանսական։