12.11.2013 | 
Գիտություն
ՍՈՑԻՈԼՈԳԻԱՅԻ ՖԱԿՈՒԼՏԵՏՆ ԻՆԸ ՏԱՐԵԿԱՆ Է
ՍՈՑԻՈԼՈԳԻԱՅԻ ՖԱԿՈՒԼՏԵՏՆ ԻՆԸ ՏԱՐԵԿԱՆ Է
Այսօր ԵՊՀ կոնֆերենց դահլիճում մեկնարկեց Սոցիոլոգիայի ֆակուլտետի հիմնադրման 9-ամյակին նվիրված հոբելյանական գիտաժողովը:

Սոցիոլոգիայի ֆակուլտետի ղեկավարության, ինչպես նաև ֆակուլտետի ՈՒԳԸ-ի նախաձեռնած գիտաժողովը, որը կազմակերպվում էր արդեն 5-րդ անգամ, բարի ավանդույթ է դարձել:

 

Գիտաժողովի մասնակիցներին ողջունեց ֆակուլտետի դեկան Արթուր Մկրտիչյանը, ով կարևորեց ֆակուլտետի ՈՒԳԸ-ի աշխատանքները և բարձր գնահատեց ուսանողների ակտիվությունն ու գիտության հանդեպ նրանց հետաքրքրվածությունը:

 

«Մենք խրախուսում ենք մեր ուսանողներին, որպեսզի նրանք դեռևս ուսանողական տարիներից զբաղվեն գիտահետազոտական աշխատանքներով, ձեռք բերեն նոր հմտություններ և ունակություններ»,- նշեց Արթուր Մկրտիչյանը:

 

Սոցիոլոգիայի տեսության և պատմության ամբիոնի դասախոս, Քաղաքական և սոցիոլոգիական խորհրդատվությունների ինստիտուտի (IPSC) տնօրեն Հովհաննես Գրիգորյանը նույնպես կարևորեց ուսանողական գիտաժողովների կազմակերպումը և հավելեց, որ ֆակուլտետի հետ «IPSC»-ի համագործակցությունը շարունակական է լինելու:

 

««IPSC»-ը շարունակելու է կրթաթոշակներ տրամադրել ուսանողներին, քանի որ շատ կարևոր է գիտահետազոտական աշխատանքով զբաղվելը: Մենք կարևորում ենք, իհարկե, աշխատանքների բովանդակությունը, սակայն լուրջ ուշադրություն ենք դարձնում նաև ուսանողի նախաձեռնություններին և ակտիվությանը»,- ասաց Հովհաննես Գրիգորյանը:

 

Մինչ զեկույցների ընթերցումը Հովհաննես Գրիգորյանն առաջին կարգի մրցանակ հանձնեց նախորդ տարվա հաղթող Հասմիկ Տեր-Գրիգորյանին, ով, ի դեպ, ԵՊՀ արևելագիտության ֆակուլտետի ուսանողուհի է:

 

Հասմիկ Տեր-Գրիգորյանը ներկայացրեց «Սիրիահայերի ադապտացիոն հիմնախնդիրները Հայաստանում 2013 թ-ին» զեկույցը, որից հետո իրենց ուսումնասիրությունները ներկայացրին գիտաժողովի մյուս մասնակիցները:

 

Հ.Գ: Յուրաքանչյուր տարի «IPSC»-ը մրցանակներ է նախատեսում գիտաժողովի լավագույն երեք զեկույցների համար (3-րդ տեղ՝ 20.000 դրամ, 2-րդ տեղ՝ 30.000 դրամ, 1-ին տեղ՝ 50.000 դրամ): Վաղը հանձնաժողովը կորոշի մրցանակակիրներին, ովքեր էլ կստանան դրամական պարգևները:

Այլ նորություններ
ԵՊՀ ԴՈՑԵՆՏ ՀԱԿՈԲ ՀԱՐՈՒԹՅՈՒՆՅԱՆԻ ՀԵՐԹԱԿԱՆ ՀՈԴՎԱԾԸ «ՆՅՈՒԹԵՐ ՀԻՆ ԵՎ ՄԻՋՆԱԴԱՐՅԱՆ ՄԵՐՁՍԵՎԾՈՎՅԱՆ ՀՆԱԳԻՏՈՒԹՅԱՆ ԵՎ ՊԱՏՄՈՒԹՅԱՆ ՎԵՐԱԲԵՐՅԱԼ» ԳԻՏԱԿԱՆ ՀԱՆԴԵՍՈՒՄ
Երևանի պետական համալսարանի համաշխարհային պատմության ամբիոնի դոցենտ, պ.գ.դ. Հակոբ Հարությունյանն իր հերթական հոդվածն է հրատարակել «Նյութեր հին և միջնադարյան մերձսևծովյան հնագիտության և պատմության վերաբերյալ» հայտնի գիտական հանդեսի հերթական համարում:
«ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻ ԼՈՒԾՄԱՆ ՀԱՄԱՐ ԽՆԱՅԵԼ ՉԻ ԿԱՐԵԼԻ». ԱՐՄԵՆ ԹՌՉՈՒՆՅԱՆ
Ամբողջ աշխարհն այսօր պայքարում է նոր կորոնավիրուսի (COVID19) դեմ՝ իրականացնելով տարաբնույթ միջոցառումներ: Առողջապահության համաշխարհային կազմակերպության կողմից հայտարարված աշխարհավարակի պատճառ դարձած կորոնավիրուսով այսօր աշխարհում վարակված է ավելի քան 1 մլն մարդ: Հայաստանում նոր կորոնավիրուսային հիվանդության հաստատված ավելի քան 730 դեպք է գրանցվել: Երկրում հաստատված է արտակարգ դրություն: Ստեղծված իրավիճակի, իրականացվող միջոցառումների արդյունավետության և սպասվող քայլերի մասին զրուցել ենք ԵՊՀ կենսաքիմիայի, մանրէաբանության և կենսատեխնոլոգիայի ամբիոնի վարիչ, ՀՀ ԳԱԱ թղթակից անդամ, կենսաբ. գիտ. դոկտոր, պրոֆեսոր Արմեն Թռչունյանի հետ: