02.07.2018 | 
Գիտություն
ՏԵՍԱԿԱՆ ՖԻԶԻԿԱՅԻ ԱՄԱՌԱՅԻՆ ԴՊՐՈՑ ՈՒՍԱՆՈՂՆԵՐԻ ԵՎ ԳԻՏԱՇԽԱՏՈՂՆԵՐԻ ՀԱՄԱՐ
ՏԵՍԱԿԱՆ ՖԻԶԻԿԱՅԻ ԱՄԱՌԱՅԻՆ ԴՊՐՈՑ ՈՒՍԱՆՈՂՆԵՐԻ ԵՎ ԳԻՏԱՇԽԱՏՈՂՆԵՐԻ ՀԱՄԱՐ
Հուլիսի 2-7-ը ԵՊՀ առաջատար գիտաշխատող Արմեն Ներսեսյանի ջանքերով Ճարտարապետության և շինարարության ազգային համալսարանում կանցկացվի տեսական ֆիզիկայի ամառային դպրոց («2018 JOINT FAR/ANSEF-ICTP and RDP-VW summer school in theoretical physics»):

Ամառային դպրոցը կազմակերպվել է Տեսական ֆիզիկայի և փորձարարական մասնիկային ֆիզիկայի ռեգիոնալ ասպիրանտական ծրագրի (RDP) շրջանակում «Volswagenstifung»-ի («Volkswagen» հիմնադրամ), «ICTP»-ի  (International Centre of Throretical Physics) և «ANSEF»-ի  (Armenian Natioanal Science & Education Fund) աջակցությամբ:

 

Ամառային դպրոցի առաջին 4 օրերը բաղկացած են լինելու դասախոսություններից և ուսանողների համար նախատեսված աշխատաժողովներից, այնուհետև՝ երկու օր անընդմեջ, տեղի են ունենալու աշխատաժողովներ և քննարկումներ, որոնց կմասնակցեն նաև հրավիրված հատուկ հյուրերը:

 

Դասախոսություններով հանդես են գալու Էլիաս Քրիսթսիսը (Կրետեի համալսարան), Հերբերտ Դրեյները  (Բոննի համալսարան), Դանիել Վոլդրամը (Լոնդոնի կայսերական քոլեջ) և Կարապետ Մկրտչյանը  (Պոստդամի Ալբերտ Էյնշտեյնի ինստիտուտ):

 

Կազմակերպիչների հավաստմամբ՝ ամառային դպրոցի հիմնական նպատակներից մեկը կազմակերպիչ կողմերի միջև համագործակցության ամրապնդումն ու հետագա ծրագրերի իրականացման համար հնարավորություններ ստեղծելն է:

Այլ նորություններ
ՀԱՅՏՆԻ ԵՆ ՍՈՑԻՈԼՈԳԻԱՅԻ ՖԱԿՈՒԼՏԵՏԻ 14-ԱՄՅԱԿԻՆ ՆՎԻՐՎԱԾ ԳԻՏԱԺՈՂՈՎԻ ՄՐՑԱՆԱԿԱԿԻՐՆԵՐԸ
Սոցիոլոգիայի ֆակուլտետում ամփոփվեց երեկ տեղի ունեցած ամենամյա երիտասարդական գիտաժողովը՝ նվիրված ֆակուլտետի հիմնադրման 14-ամյակին:
ՀԱՅԱՍՏԱՆՆ ՕՏԱՐՆԵՐԻ ՔԱՐՏԵԶՆԵՐՈՒՄ. ԱՐԵՎԵԼԱԳԵՏՆԵՐԻ ՀԱՄԱՐ ԴԱՍԱԽՈՍՈՒԹՅՈՒՆ ԿԱՐԴԱՑ ՌՈՒԲԵՆ ԳԱԼՉՅԱՆԸ
Արևելագիտության ֆակուլտետի իրանագիտության ամբիոնում պատմական քարտեզագիր, ազգային գործիչ Ռուբեն Գալչյանը ներկայացրեց «Հայաստանն օտարների քարտեզներում» թեմայով դասախոսություն: