06.07.2020 | 
Հասարակություն
ԵՊՀ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆԸ ՀԱՄԱԼՍԱՐԱՆԱԿԱՆՆԵՐԻՆ ԱՌԱՋԱՐԿՈՒՄ Է ՀԱՆԳԻՍՏՆ ԱՌԱՎԵԼ ՄԱՏՉԵԼԻ ԿԱԶՄԱԿԵՐՊԵԼ
ԵՊՀ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆԸ ՀԱՄԱԼՍԱՐԱՆԱԿԱՆՆԵՐԻՆ ԱՌԱՋԱՐԿՈՒՄ Է ՀԱՆԳԻՍՏՆ ԱՌԱՎԵԼ ՄԱՏՉԵԼԻ ԿԱԶՄԱԿԵՐՊԵԼ
ԵՊՀ արհեստակցական կազմակերպությունը պայմանավորվածություն է ձեռք բերել տուրիստական գործակալության հետ՝ համալսարանի աշխատողների հանգիստն առավել մատչելի դարձնելու համար:

Մեզ հետ զրույցում ԵՊՀ արհեստակցական կազմակերպության նախագահ Արմեն Ավետիսյանն ասաց, որ ԵՊՀ արհմիությունն ամեն տարի սոցիալապես անապահով ԵՊՀ աշխատողներին տրամադրել է ֆինանսական աջակցություն՝ ամառային հանգիստը կազմակերպելու համար. «Վերջին մեկ տարվա ընթացքում Արհմիությունը ֆինանսական լուրջ խնդիրներ ունի. գործատուն ԵՊՀ արհմիության անդամավճարները չի փոխանցում։ Վեճը գտնվում է դատարանում»։

 

Նրա խոսքով, մինչ դատարանի օրինական վճիռն Արհմիությունը, այնուամենայնիվ, պետք է ապահովի համալսարանականների ամառային հանգստի կազմակերպումը, քանի որ արձակուրդներն արդեն սկսվել են:

 

«Այս հանգամանքը հաշվի առնելով՝ ԵՊՀ արհմիությունը տուրիստական կազմակերպության հետ բանակցության արդյունքում պայմանավորվածություն է ձեռք բերել՝ հնարավորություն տալով ԵՊՀ աշխատողներին և նրանց ընտանիքի անդամներին կազմակերպելու ամառային հանգստի ուղեգրերի ձեռքբերումը բացառիկ զեղչով»,- ասաց Արմեն Ավետիսյանը:

 

Ըստ այդմ՝ այսուհետ համալսարանականներն իրենց և իրենց ընտանիքի անդամների հանգիստը կարող են կազմակերպել Հայաստանում գործող ցանկացած հանգստյան տանը, առողջարանում և հյուրանոցում՝ սահմանվածից 25% զեղչված գներով:

Առավել մանրամասն տեղեկություն ստանալու և ուղեգրեր ձեռք բերելու համար համալսարանականները կարող են դիմել ԵՊՀ արհեստակցական կազմակերպություն (Կենտրոնական մասնաշենք, 4-րդ հարկ, 411 սենյակ, հեռ.՝ (+374 60) 710-176, (+374 10) 554-612 ), ժամը 10:00-17:00-ն։

 

Քնար Միսակյան

Այլ նորություններ
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին:
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը: