11.12.2019 | 
Հասարակություն
ԿԵՆՍԱԲԱՆՈՒԹՅԱՆ ՖԱԿՈՒԼՏԵՏԻ ՆԵՐԿԱՅԱՑՈՒՑԻՉՆԵՐԸ ՄԱՍՆԱԿՑՈՒՄ ԵՆ «ՉՂՋԻԿՆԵՐԻ ՀԵՏԱԶՈՏՈՒԹՅԱՆ ԱՐԵՎՄՏԱԱՍԻԱԿԱՆ ՑԱՆՑԻ» ՏԱՐԵԿԱՆ ՀԱՆԴԻՊՄԱՆԸ
ԿԵՆՍԱԲԱՆՈՒԹՅԱՆ ՖԱԿՈՒԼՏԵՏԻ ՆԵՐԿԱՅԱՑՈՒՑԻՉՆԵՐԸ ՄԱՍՆԱԿՑՈՒՄ ԵՆ «ՉՂՋԻԿՆԵՐԻ ՀԵՏԱԶՈՏՈՒԹՅԱՆ ԱՐԵՎՄՏԱԱՍԻԱԿԱՆ ՑԱՆՑԻ» ՏԱՐԵԿԱՆ ՀԱՆԴԻՊՄԱՆԸ
ԵՊՀ կենսաբանության ֆակուլտետի աշխատակիցները մասնակցում են Հորդանանի մայրաքաղաք Ամմանում դեկտեմբերի 8-12-ը տեղի ունեցող «Չղջիկների հետազոտության արևմտաասիական ցանց»-ի (Western Asia Bat Research Network (WAB-Net)) 2-րդ տարեկան հանդիպմանը:

«Չղջիկների հետազոտության արևմտաասիական ցանցը» բազմամասնագիտական հետազոտական ցանց է, որը ներառում է չղջիկների մասնագետներ, հիվանդությունների էկոլոգներ և առողջապահական համակարգի ներկայացուցիչներ Արևմտյան Ասիայից:

Ցանցի առաքելությունն է խթանել անդրսահմանային գիտական համագործակցությունը և տվյալների փոխանակումը տարածաշրջանում՝ բնության մեջ վարակիչ վիրուսների առաջացման մասին գիտելիքների զարգացման համար: «WAB-Net»-ի նպատակն է ընդլայնել Արևմտյան Ասիայում հանդիպող չղջիկների տարածվածության և բազմազանության մասին գիտելիքները, ինչպես նաև տրամադրել կարևոր տեղեկություններ չղջիկների պոպուլյացիաներում հանդիպող վիրուսների բազմազանության մասին։



Հանդիպման առաջին օրը Թագավորական գիտական ընկերության կենսաանվտանգության, կենսաապահովության և կենսատեխնոլոգիայի գերազանցության կենտրոնում ԵՊՀ կենսաբանության ֆակուլտետի կենդանաբանության ամբիոնի աշխատակիցներ Աստղիկ Ղազարյանը, Գեորգի Պապովը և Տիգրան Հայրապետյանը ներկայացրել են Հայաստանում իրականացված աշխատանքները:

Նրանց փոխանցմամբ, մանրամասնորեն պարզաբանվել են չղջիկներում կորոնավիրուսի հետազոտությունների շրջանակում կատարված դաշտային աշխատանքների արդյունքները, ինչպես նաև հետագա ծրագրերը:



Հորդանանում հայ մասնագետները ներկայացրել են նաև իրենց կողմից իրականացված հետազոտությունները չղջիկների էկոլոգիայի տարածվածության առանձնահատկությունների, գենետիկական բազմազանության վերաբերյալ: Բացի դրանից՝ ձեռք են բերվել պայմանավորվածություններ հետագա համագործակցությունների և համատեղ ծրագրերի համար:


Պատրաստեց Քնար Միսակյանը

Այլ նորություններ
ԱՐՑԱԽՅԱՆ ՀԱԿԱՄԱՐՏՈՒԹՅԱՆ ՎԵՐԱԲԵՐՅԱԼ ԴԱՍԱԽՈՍՈՒԹՅՈՒՆ ԵՊՀ-ՈՒՄ
ԵՊՀ գիտխորհրդի նիստերի դահլիճում այսօր «Թուրքիան և Արցախյան հիմնախնդիրը» թեմայով դասախոսություն է կարդացել ՀՀ ԱԳՆ սահմանակից երկրների վարչության պետ, թուրքագետ, պ. գ. դ., պրոֆեսոր Արսեն Ավագյանը:
«ՄԱՅՐԵՆԻՆ ՄԵՐ ԱԶԳԱՅԻՆ ԻՆՔՆՈՒԹՅՈՒՆՆ Է, ՄԵՐ ԱՆՁՆԱԳԻՐԸ». ՀԱՄԱԼՍԱՐԱՆԱԿԱՆՆԵՐԸ  ԵՎ «ՇԻՐԱԿԱՑՈՒ ՃԵՄԱՐԱՆԻ» ՍԱՆԵՐԸ  ՏՈՆՈՒՄ ԵՆ ՄԱՅՐԵՆԻԻ  ՕՐԸ
ԵՊՀ մշակույթի կենտրոնի և «Շիրակացու ճեմարան» միջազգային գիտակրթական համալիրի համատեղ ջանքերով այսօր տեղի է ունեցել Մայրենի լեզվի օրվան նվիրված «Մայրենի լեզու, Մայր ճեմարան, Մայր համալսարան» խորագիրը կրող միջոցառումը: