27.12.2006 | 
Հասարակություն
ԸՆԴՈՒՆՎԵՑ ԵՊՀ ՌԵԿՏՈՐԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ
ԸՆԴՈՒՆՎԵՑ ԵՊՀ ՌԵԿՏՈՐԻ ՏԱՐԵԿԱՆ ՀԱՇՎԵՏՎՈՒԹՅՈՒՆԸ
Երեւանի պետական համալսարանի խորհրդի տարեվերջյան ամփոփիչ նիստը դեկտեմբերի 27-ին էր:

ԵՊՀ ռեկտոր, պրոֆեսոր Արամ Սիմոնյանը նշեց, որ հաշվետու ժամանակաշրջանում բուհի գործունեության հիմնական նպատակը կրթության բարձր որակի ապահովումն էր: «ԵՊՀ-ն ընտրել է այդ դրույթին համընթաց շարժվելու ուղին, ինչը համապատասխանում է միջազգային հանրության արդի պահանջներին եւ Բոլոնիայի գործընթացին»,- ասաց ռեկտորը:

Ըստ նրա` այսօր Մայր բուհի կարեւորագույն խնդիրներից մեկը դասախոսական կազմի երիտասարդացումն է: 2005-2006 թթ. ԵՊՀ-ում դասախոս-ուսանող հարաբերությունը կազմել է 1/9,5: «Կրեդիտային համակարգի ներդրման արդյունքում մենք կարող ենք կորցնել մի շատ կարեւոր հատկանիշ` դասախոսի եւ ուսանողի անմիջական շփման հնարավորությունը: Ըստ իս` դա անպայման պետք է պահել»,- վստահ է Արամ Սիմոնյանը:

Որպես ձեռքբերում` նշվեց համալսարանի եւ գործատուների միջեւ ակտիվ համագործակցության փաստը: Ապագա մասնագետների պատրաստման համար գործատուներն այսօր արդեն որոշակի քայլեր են ձեռնարկում` ուսումնական ծրագրեր իրականացնելով հենց Երեւանի պետական համալսարանի հետ: Խորհուրդը միաձայն հավանություն տվեց 2005-2006 թթ. ԵՊՀ գործունեության մասին հաշվետվությանը:

ԵՊՀ պլանավորման եւ ֆինանսական կառավարման վարչության պետ Վլադիմիր Պետրոսյանը ներկայացրեց 2006 թ-ի ԵՊՀ բյուջեի կատարողականը: Նշվեց, որ 2006-ին ԵՊՀ եկամուտները կազմել են 4158584 դրամ, իսկ ծախսերը` 3913167 դրամ: ԵՊՀ խորհուրդը 2006 թ-ի կատարողականը գնահատեց բավարար:

Վլադիմիր Պետրոսյանը խորհրդին ներկայացրեց նաեւ 2007 թ-ի ԵՊՀ բյուջեի նախագիծը, որ պիտի կազմի 4511364,5 դրամ:

Նիստի ավարտին ԵՊՀ խորհրդի նախագահ Սերժ Սարգսյանը շնորհավորեց բոլոր պրոֆեսորներին, ովքեր դարձել են Գիտությունների ազգային ակադեմիայի թղթակից-անդամներ, նաեւ բոլոր ներկաներին շնորհավորեց գալիք Ամանորի առթիվ:

Այլ նորություններ
ՆՈՐ ԳԻՏԵԼԻՔՆԵՐ ՀԱՎԱՏԱՐՄԱԳՐՄԱՆ ԵՐԿՐՆԵՐՈՒՄ ԵՎ ՄԻՋԱԶԳԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՀՀ ԱՌԱՋՆԱՀԵՐԹՈՒԹՅՈՒՆՆԵՐԻ ՎԵՐԱԲԵՐՅԱԼ. ԱՄՓՈՓՎԵԼ Է ԱՄԱՌԱՅԻՆ ԴՊՐՈՑԸ
Տեղի է ունեցել ԵՊՀ միջազգային հարաբերությունների ֆակուլտետի նախաձեռնությամբ կազմակերպված «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային առցանց դպրոցի փակման արարողությունը։
ՀՀ- ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆ ՀԱՐԱԲԵՐՈՒԹՅՈՒՆՆԵՐԻ ԱՌԱՆՁՆԱՀԱՏԿՈՒԹՅՈՒՆՆԵՐԸ. ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅՈՒՆՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՏԻԳՐԱՆ ԲԱԼԱՅԱՆԸ ՀԱՆԴԵՍ Է ԵԿԵԼ ԴԱՍԱԽՈՍՈՒԹՅԱՄԲ
Նիդերլանդների Թագավորությունում ՀՀ արտակարգ և լիազոր դեսպան Տիգրան Բալայանն այսօր «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» խորագրով ամառային դպրոցի մասնակիցների համար հանդես է եկել հեռավար դասախոսությամբ։