01.09.2006 | 
Հասարակություն
ԱՌԱՋԻՆ ԿՈՒՐՍԵՑԻՆԵՐԻ ԱՌԱՋԻՆ ՆՎԵՐԸ
ԱՌԱՋԻՆ ԿՈՒՐՍԵՑԻՆԵՐԻ ԱՌԱՋԻՆ ՆՎԵՐԸ
Սեպտեմբերի մեկին բոլոր առաջին կուրսեցիներին բաժանվեցին փաթեթներ:

Հատուկ թղթապանակներում առաջին կուրսեցիների համար նախատեսված ուղեցույցն էր, ինչպես նաեւ «Երեւանի պետական համալսարան» վերտառությամբ գրիչ եւ նոթատետր:

Նախաձեռնության հեղինակը ԵՊՀ հասարակայնության հետ կապերի եւ լրատվության վարչությունն էր:


«Այսօր համալսարականներն ունեն տեղեկացված լինելու կարիք, մեր առաջնային խնդիրն էր այդ հարցին գոնե մասնակի լուծում տալ,-ասում է ԵՊՀ հասարակայնության հետ կապերի եւ լրատվության վարչության պետ Կարեն Գրիգորյանը,-բացի այդ, պետք ամեն ինչ անել, որ մեր ուսանողները զգան համալսարանի շունչը առաջին իսկ օրից»:


«Հրաշալի մտահաղացում էր,-ասում է ժուռնալիստիկայի ֆակուլտետի առաջին կուրսի ուսանող Սպարտակ Գրիշյանը,-եթե անկեղծ, ես չէի սպասում: Մենք հասկացանք, որ մեր մասին մտածում են»:

Վարչության մեթոդական բաժնի վարիչ Աննա Օսիպյանը հավաստիացնում է, որ մինչեւ հաջորդ տարվա սեպտեմբեր ամիսը վարչությունը հետամուտ է լինելու ուղեցույցի վերաբերյալ ուսանողների բոլոր արձագանքներին եւ հաջորդ տարվա համար բոլոր խելամիտ առաջարկները հաշվի կառնվեն:

Այլ նորություններ
ԵՊՀ ԲՈՒՍԱԲԱՆՈՒԹՅԱՆ ԵՎ ՍՆԿԱԲԱՆՈՒԹՅԱՆ ԱՄԲԻՈՆԻ ԵՎ «ՓՈՔՐԻԿ ԻՇԽԱՆ» ԿՐԹԱՀԱՄԱԼԻՐԻ ՀԱՄԱԳՈՐԾԱԿՑՈՒԹՅՈՒՆԸ ՏԱԼԻՍ Է ԻՐ ԱՐԴՅՈՒՆՔՆԵՐԸ. ԱՇԱԿԵՐՏՆԵՐՆ ԱՐԺԱՆԱՑԵԼ ԵՆ ՀԱՏՈՒԿ ՄՐՑԱՆԱԿՆԵՐԻ
ԵՊՀ կենսաբանության ֆակուլտետի բուսաբանության և սնկաբանության ամբիոնի դասախոսների և «Փոքրիկ Իշխան» կրթահամալիրի ավագ դպրոցի սաների համատեղ նախաձեռնությամբ իրականացված գիտական հետազոտական աշխատանքների արդյունքները ներկայացվել են ՀՀ ԿԳՄՍ նախարարության կողմից կազմակերպված «Համադպրոցական գիտության փառատոնին», որտեղ սաներն արժանացել են հատուկ մրցանակի։
 «COVID-19: ՌԱԶՄԱՎԱՐՈՒԹՅՈՒՆՆԵՐ, ՄՈԴԵԼՆԵՐ, ՍԻՄՈՒԼՅԱՑԻԱՆԵՐ». ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ
ԵՊՀ տնտեսագիտության և կառավարման ֆակուլտետի «Հետազոտությունների և գործարարության կենտրոն» հիմնադրամը ԿորոնաԹեստ ընկերության հովանավորությամբ հայտարարում է մրցույթ՝ նպատակ ունենալով փնտրել ուղիներ՝ համավարակը ճնշելու հետ մեկտեղ պահպանելու տնտեսական ակտիվությունը: