17.04.2009 | 
Ուսանողական, Կրթություն, Գիտություն
ԱՌԱՋԱՏԱՐ ՍՈՑԻՈԼՈԳՆԵՐԸ ԵՐԵՎԱՆՈՒՄ
ԱՌԱՋԱՏԱՐ ՍՈՑԻՈԼՈԳՆԵՐԸ ԵՐԵՎԱՆՈՒՄ
Աշխարհի ամենահռչակավոր սոցիոլոգներն ամռանը կժամանեն Հայաստան:

2009 թվականի հունիսի 11-14-ը Երեւանի պետական համալսարանում կանցկացվի Սոցիոլոգիայի համաշխարհային կոնգրեսը, որ կրելու է «Սոցիոլոգիան խաչմերուկներում» խորագիրը: Սոցիոլոգիայի միջազգային ինստիտուտի 39-րդ համաշխարհային կոնգրեսի համակազմակերպիչներն են Երեւանի պետական համալսարանը եւ Առաջատար ուսումնասիրությունների շվեդական կոլեգիումը:

 

Կոնգրեսի ընթացքում քննարկվելու են սոցիալական գիտությունների տեսական եւ մեթոդաբանական նվաճումները, մարդկության առջեւ ծառացած արդի երկընտրանքները, գլոբալ ճգնաժամը, դրա հետեւանքները եւ հաղթահարման հնարավորությունները, հասարակությանը, անձին եւ պետությանը միտված մարտահրավերները, դե ֆակտո պետությունները ժամանակակից աշխարհում, սփյուռքի եւ հայրենիքի պատկերացումները, ցանցային հասարակության առանձնահատկությունները, հետխորհրդային երկրների մոդեռնացման գործող մոդելները, ցեղասպանության, զանգվածային բռնության եւ պատերազմի հիմնահարցերը եւ արդիականության բազում այլ կարեւոր հիմնախնդիրներ:

 

Կոնգրեսին մասնակցելու են սոցիալական գիտությունների ակնառու ներկայացուցիչներ Իմանուել Վալերսինը, Գրեկ Կոլհունը, Միշել Վիվյորկան, Էդվարդ Թիրյաքյանը, Բյորն Վիտրոկը, Պիտեր Հենսդստրոմը, Հանս Ջոասը, Լեւ Գուդկովը, Միխայիլ Գորշկովը եւ վաստակաշատ այլ տեսաբաններ: Ընդգրկված են 89 համալսարաններ եւ գիտահետազոտական կենտրոններ ավելի քան 50 երկրներից: Կոնգրեսը ներառում է հարյուրից ավելի պլենար, հատուկ, թեմատիկ նիստեր եւ կլոր սեղաններ:

 

Սոցիոլոգիայի համաշխարհային կոնգրեսին մասնակցելու հրավերներ կուղարկվեն Հայաստանի Հանրապետության բոլոր նախարարություններ, այդ թվում` Կրթության եւ գիտության նախարար Սպարտակ Սեյրանյանին, Արտաքին գործերի նախարար Էդուարդ Նալբանդյանին, Էկոնոմիկայի նախարար Ներսես Երիցյանին, Ֆինանսների նախարար Տիգրան Դավթյանին: Նախատեսվում է նաեւ Հայաստանում դիվանագիտական ներկայացուցչությունների ղեկավարների, դեսպանների ներկայությունը:

Այլ նորություններ
ԵՊՀ-ՈՒՄ ՄԵԿՆԱՐԿԵԼ Է «ՀԱՐՑԵՐ ՄԵԴԻԱՅԻՑ ԵՎ ՀԱՐՑԵՐ ՄԵԴԻԱՅԻՆ. ՁԵՎԱԿԵՐՊԵԼՈՎ ՆՈՐ ԻՐԱԿԱՆՈՒԹՅՈՒՆՆԵՐ» ԽՈՐԱԳՐՈՎ ՄԻՋԱԶԳԱՅԻՆ ԵՐԿՕՐՅԱ ԳԻՏԱԺՈՂՈՎԸ
ԵՊՀ ժուռնալիստիկայի ֆակուլտետի նախաձեռնությամբ այսօր Ե. Չարենցի անվան դահլիճում իր աշխատանքներն է սկսել «Հարցեր մեդիայից և հարցեր մեդիային. ձևակերպելով նոր իրականություններ» խորագրով գիտաժողովը, որը նվիրված է ՀՀ հանրային հեռուստաընկերության 65 և հանրային ռադիոընկերության 95-ամյակներին:
ԻՐԱՎԱԳԵՏՆԵՐԻ ԲԱՆԱՎԵՃԻ ՄԱՍՆԱԳԻՏԱՑՎԱԾ ԱԿՈՒՄԲԻ ԱՌԱՋԻՆ՝ ԴԱՍԸՆԹԱՑՆԵՐԻ ՓՈՒԼՆ ԱՎԱՐՏՎԵԼ Է
ԵՊՀ իրավագիտության ֆակուլտետում գործող բանավեճի մասնագիտացված ակումբն իր գործունեության շրջանակում երկրորդ տարին անընդմեջ կազմակերպում է մեկշաբաթյա դասընթացներ, որոնց հաջորդում է բուն առաջնության փուլը: