08.02.2007 | 
Կրթություն
ՕԳՏՎԵ՛Ք ԷԼԵԿՏՐՈՆԱՅԻՆ ՊԱՇԱՐՆԵՐԻՑ
ՕԳՏՎԵ՛Ք ԷԼԵԿՏՐՈՆԱՅԻՆ ՊԱՇԱՐՆԵՐԻՑ
Գիտական աշխատանք գրելու համար, եթե ձեզ անրաժեշտ են հումանիտար ու բնագիտական ոլորտներին վերաբերող գիտական հոդվածներ, կարող եք գրել elpub@ysu.am էլեկտրոնային հասցեով:

Արդեն 5 տարի է, որ «Գիտության եւ առաջատար տեխնոլոգիաների ազգային հիմնադրամի» դրամաշնորհի միջոցներով Երեւանի պետական համալսարանի Սարգիս եւ Մարի Իզմիրլյանների անվան գրադարանում գործում է «Էլեկտրոնային հոդվածներ հայաստանյան գիտնականներին» ծրագիրը:

Ինչպես ԵՊՀ-ի, այնպես էլ հայաստանյան մյուս բուհերի ուսանողները, ասպիրանտներն ու դասախոսներն օգտվում են այս ծրագրից:


Պատվերները հիմնականում կատարվում են Կալիֆորնիայի Ֆրեզնո քաղաքի պետական համալսարանի գրադարանի միջոցով, սակայն կա համագործակցություն նաեւ գերմանական «SUBITO» ծառայության հետ: Հնարավորություն է տրվում նաեւ օգտվելու ազատ բազաներից, որոնց էլեկտրոնային պաշարները տեղադրված են ԵՊՀ կայքում:

Գրադարանի տնօրեն Աշոտ Ալեքսանյանը, կարեւորելով նման ծրագրերը, ասում է. «Մեր հիմնական նպատակն է գիտնականների համար հնարավորություն ընձեռել անվճար հիմունքներով ծանոթանալու այն հրապարակումներին, որոնք անրաժեշտ են իրենց գիտական աշխատության համար»:

Ծրագրի պատասխանատուներն հավաստիացնում են, որ հումանիտար գիտությամբ զբաղվողներն ավելի քիչ են օգտվում ծրագրից, քան բնագիտական ֆակուլտետների ասպիրանտներն ու դասախոսները:

Այլ նորություններ
«ԻՐԱՎԱԲԱՆԱԿԱՆ ԿԼԻՆԻԿԱԿԱՆ ԿՐԹՈՒԹՅՈՒՆ. ՄԱՐՏԱՀՐԱՎԵՐՆԵՐԸ ԵՎ ԶԱՐԳԱՑՄԱՆ ՀԵՌԱՆԿԱՐՆԵՐԸ». ԱՇԽԱՏԱԺՈՂՈՎ ԵՊՀ-ՈՒՄ
ԵՊՀ իրավագիտության ֆակուլտետի և Ռաուլ Վալլենբերգի անվան ինստիտուտի համագործակցության շրջանակում այսօր օտարերկրյա գործընկերների մասնակցությամբ անցկացվել է աշխատաժողով՝ նվիրված իրավաբանական կլինիկական կրթության զարգացմանը:
ԱՇՆԱՆԱՅԻՆ ԴՊՐՈՑՆ ԱՄՓՈՓԵՑ ԻՐ ԱՇԽԱՏԱՆՔԸ. ԱՊԱԳԱ ԼՐԱԳՐՈՂՆԵՐԸ ՀԱՎԱՍՏԱԳՐԵՐԸ ՍՏԱՑԱՆ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆՈՒՄ
ԵՊՀ ժուռնալիստիկայի ֆակուլտետի և Հանրային հեռուստաընկերության հետ համատեղ իրականացվող «Հաղորդավարական գործ և եթերային խոսքի մշակույթ» աշնանային դպրոցն այսօր ամփոփեց իր աշխատանքները: