18.11.2020 | 
Հասարակություն
«ԱՆՉԱՓԱՀԱՍՆԵՐԻ ՀԱՆՑԱՎՈՐՈՒԹՅԱՆ ԿԱՆԽԱՐԳԵԼՄԱՆ ՀԻՄՆԱԽՆԴԻՐՆԵՐԸ ՀՀ-ՈՒՄ». ԼՈՒՅՍ Է ՏԵՍԵԼ ՆՈՐ ՄԵՆԱԳՐՈՒԹՅՈՒՆ
«ԱՆՉԱՓԱՀԱՍՆԵՐԻ ՀԱՆՑԱՎՈՐՈՒԹՅԱՆ ԿԱՆԽԱՐԳԵԼՄԱՆ ՀԻՄՆԱԽՆԴԻՐՆԵՐԸ ՀՀ-ՈՒՄ». ԼՈՒՅՍ Է ՏԵՍԵԼ ՆՈՐ ՄԵՆԱԳՐՈՒԹՅՈՒՆ
ԵՊՀ իրավագիտության ֆակուլտետում լույս տեսած մենագրությունը մշակվել է «Անչափահասների հանցավորության կանխարգելման հիմնախնդիրները Հայաստանի Հանրապետությունում» թեմատիկ ծրագրի շրջանակում:

Իրավագիտության ֆակուլտետի դեկան Գագիկ Ղազինյանի, Քրեական իրավունքի ամբիոնի վարիչ Արա Գաբուզյանի, նույն ամբիոնի դոցենտ Աննա Մարգարյանի ու Քրեական դատավարության և կրիմինալիստիկայի ամբիոնի դոցենտ Տաթևիկ Սուջյանի հեղինակությամբ լույս տեսած մենագրությունը նպա­տակ ու­նի բացահայ­տելու անչափահասների հանցավորության կանխարգելման քրեաիրավական, քրեադատավարական և կրիմինալոգիական հիմնախնդիրները:

 

Մեզ հետ զրույցում Գագիկ Ղազինյանը նշեց, որ հեղինակային խմբի կողմից  վերլուծության են ենթարկվել անչափահասների արդարադատության հիմնարար սկզբունքները, անչափահասների քրեական պատասխանատվության և պատժի առանձնահատկությունները։

 

«Բացի դրանից՝ գիտական եզրահանգումներ են արվել վերականգնողական արդարադատության մեխանիզմների ներդրման, մասնագիտացվածության հիմնարար պահանջի ապահովման անհրաժեշտության, անչափահասին մեղսագրվող հանցանքի վերաբերյալ վարույթով առանձին դատավարական երաշխիքների արդյունավետության, անչափահասի անձի ձևավորման գործընթացում տարբեր գործոնների ազդեցության և դրանցով պայմանավորված` անչափահասի շեղվող վարքագծի պատճառների մասին՝ անդրադառնալով նաև ոլորտի օրենսդրությամբ և մարդու իրավունքների ոլորտի միջազգային պայմանագրերով նախատեսված երաշխիքների ապահովմանն ուղղված անչափահասների արդարադատության համակարգի ձևավորմանը»,- ասաց Իրավագիտության ֆակուլտետի դեկանը:

 

Նրա խոսքով, մենագրությունը կարող է օգտակար լինել ինչպես անչափահասների հանցավորության հիմնախնդրով հետաքրքրված տեսաբան մասնագետների, այնպես էլ անչափահասների հանցավորության դեմ պայքարի ոլորտում ներգրավված պրակտիկ իրավաբանների համար:

 

Պատրաստեց Քնար Միսակյանը

Այլ նորություններ
«ՄԵԾԱՊԵՍ ԱՐԺԵՎՈՐՈՒՄ ԵՄ ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ, ԵՎ ԵԹԵ ՄԵՆՔ ԿԱՐՈՂԱՆԱՆՔ ՈՒՍԱՆՈՂՆԵՐԻՆ ԱՅԴ ՈՒՂՈՒ ՎՐԱ ԴՆԵԼ, ՄԵՐ ԱՌԱՔԵԼՈՒԹՅՈՒՆԸ ԿԱՐԵԼԻ Է ՀԱՋՈՂՎԱԾ ՀԱՄԱՐԵԼ ». ԼԻԼԻԹ ՍԱՐԳՍՅԱՆ
ԵՊՀ եվրոպական լեզուների և հաղորդակցության ֆակուլտետի անգլերենի թիվ 2 ամբիոնի դոցենտ Լիլիթ Սարգսյանը «Երևանի պետական համալսարանում դասավանդման գերազանցության մրցանակ» ամենամյա մրցույթի բանասիրական անվանակարգի հաղթողներից մեկն է: Տիկին Սարգսյանի հետ զրուցել ենք մանկավարժական ու գիտական գործունեության, կրթության և գիտության ոլորտների հիմնախնդիրների, դրանց լուծման ճանապարհների և այլ թեմաների մասին:
ԵՊՀ ՈՒՍԱՆՈՂԸ ՄԱՍՆԱԿՑԵԼ Է ՄԻՋԱԶԳԱՅԻՆ ՍԵՄԻՆԱՐԻ ԵՎ ԴՐԱ ՇՐՋԱՆԱԿՈՒՄ ԻՐԱԿԱՆԱՑՎԱԾ ՄՐՑՈՒՅԹԻՆ ԶԲԱՂԵՑՐԵԼ ԱՌԱՋԻՆ ՏԵՂԸ
ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի 4-րդ կուրսի ուսանող Գոռ Խաչատրյանն իր գիտական ղեկավարի հետ մասնակցել է որակավորման բարձրացման սեմինարի և դրա շրջանակում տեղի ունեցած մրցույթին զբաղեցրել առաջին հորիզոնականը: