02.10.2017 | 
Կրթություն
ՄԱՆՐԷԱԲԱՆՈՒԹՅԱՆ ՀԻՄՆԱԽՆԴԻՐՆԵՐԻՆ ՆՎԻՐՎԱԾ ՇԱԲԱԹ ԵՊՀ-ՈՒՄ
ՄԱՆՐԷԱԲԱՆՈՒԹՅԱՆ ՀԻՄՆԱԽՆԴԻՐՆԵՐԻՆ ՆՎԻՐՎԱԾ ՇԱԲԱԹ ԵՊՀ-ՈՒՄ
Այսօր ԵՊՀ-ում մեկնարկեց «ASM շաբաթ Հայաստանում՝ մանրէաբանությունն այսօր» խորագրով աշխատաժողովը՝ նվիրված ոլորտի արդի հիմնախնդիրներին:

Կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի ղեկավարության նախաձեռնությամբ համալսարանականները, ինչպես նաև այլ բուհերի ուսանողներն ու երիտասարդ գիտնականները աշխատաժողովի շրջանակում հնարավորություն կունենան ունկնդրելու ամերիկացի և կանադացի ականավոր գիտնականների առցանց դասախոսությունները:

 

Ամերիկյան մի շարք առաջատար բուհերի (Լուիզիանայի պետական համալսարան, Բրիտանական Կոլումբիայի համալսարան, Վաշինգթոնի համալսարան, Մինեսոթայի համալսարան, Չիկագոյում Իլինոյսի համալսարան և այլն) մասնագետները կներկայացնեն մանրէաբանության ոլորտի վերջին զարգացումներն ու հրատապ խնդիրները:

 

 

«Դասախոսություններին զուգահեռ կանցկացվի նաև կլոր սեղան, որի ընթացքում արդեն հայ մասնագետների մասնակցությամբ կքննարկվեն մանրէաբանության ոլորտի առավել արդիական հարցերը Հայաստանում ու տարածաշրջանում»,- ասաց Կենսաքիմիայի, մանրէաբանության և կենսատեխնոլոգիայի ամբիոնի վարիչ Արմեն Թռչունյանը:

 

Ամբիոնի վարիչը հավելեց, որ այսօր ժամանակակից տեխնոլոգիաները թույլ են տալիս մասնակիցը դառնալու միջազգային քննարկումներին, դասախոսություններին և գիտակրթական այլ իրադարձությունների, և ԵՊՀ ուսանողը նույնպես պետք է օգտվի այդ հնարավորություններից:

 

Հավելենք, որ առցանց դասախոսությունների և քննարկումների առավել ակտիվ մասնակիցները հավաստագրեր կստանան:

Այլ նորություններ
«ԴԱՎԻԹ ԱՆԱՆՈՒՆԻ ՄԵՋ ԳԻՏՆԱԿԱՆԸ ՄԻՇՏ ՄՆՈՒՄ ԷՐ ԱՌԱՋԻՆ ՏԵՂՈՒՄ». ՀՈՎԻԿ ԳՐԻԳՈՐՅԱՆ
Պատմական գիտությունների թեկնածու, ԵՊՀ դոցենտ Հովիկ Գրիգորյանի ներկայացրած «Դավիթ Անանունի կյանքը և պատմագիտական ժառանգությունը» գիտական թեման արժանացել է ՀՀ ԿԳՆ գիտության կոմիտեի պայմանագրային (թեմատիկ) ֆինանսավորման:
ԵՊՀ ՌՈՒՍԱԿԱՆ ԿԵՆՏՐՈՆԸ ՈՂՋՈՒՆՈՒՄ Է ԱՌԱՋԻՆԿՈՒՐՍԵՑԻՆԵՐԻՆ
Այսօր ԵՊՀ ռուսական կենտրոնը նախաձեռնել էր ամենամյա հանդիպում Ռուս բանասիրության ֆակուլտետի առաջին կուրսի ուսանողների հետ: