14.02.2019 | 
Կրթություն
ԿՐԹԱԹՈՇԱԿՆԵՐ, ԱՐՏԵՐԿՐՈՒՄ ՈՒՍՈՒՄԸ ՇԱՐՈՒՆԱԿԵԼՈՒ ՀՆԱՐԱՎՈՐՈՒԹՅՈՒՆՆԵՐ ԵՎ ԳԻՏԱԿՐԹԱԿԱՆ ՄԻՋՈՑԱՌՈՒՄՆԵՐ. «ԱՐՄԱԿԱԴԸ» ՀԱՐԹԱԿ Է ԲՈԼՈՐԻ ՀԱՄԱՐ
ԿՐԹԱԹՈՇԱԿՆԵՐ, ԱՐՏԵՐԿՐՈՒՄ ՈՒՍՈՒՄԸ ՇԱՐՈՒՆԱԿԵԼՈՒ ՀՆԱՐԱՎՈՐՈՒԹՅՈՒՆՆԵՐ ԵՎ ԳԻՏԱԿՐԹԱԿԱՆ ՄԻՋՈՑԱՌՈՒՄՆԵՐ. «ԱՐՄԱԿԱԴԸ» ՀԱՐԹԱԿ Է ԲՈԼՈՐԻ ՀԱՄԱՐ
ԵՊՀ ուսանողները և պրոֆեսորադասախոսական կազմի անդամները կարող են օգտվել «Արմակադից» և ստանալ տեղեկատվություն կրթաթոշակների, միջազգային ամառային դպրոցների, գիտաժողովների և այլ ուսումնական ու հետազոտական ծրագրերի մասին:

«Արմակադը» հարթակ է ուսանողների և գիտնականների համար՝ փնտրելու և գտնելու կրթաթոշակներ, ամառային դպրոցներ, դրամաշնորհներ, գիտաժողովներ, սեմինարներ, թրեյնինգներ և այլ ուսուցողական ու հետազոտական հնարավորություններ ամբողջ աշխարհում:

 

Յուրաքանչյուր օր «Արմակադում» հրապարակվում են տեղեկություններ հարյուրավոր գիտակարգերում առկա հնարավորությունների մասին:

 

Բոլոր այցելուները կարող են բաժանորդագրվել կայքում, ընտրել այն գիտակարգերը, որոնք առավելապես համապատասխանում են իրենց կրթական ու ակադեմիական հետաքրքրություններին և ստանալ դրանց վերաբերյալ ամենաթարմ տեղեկություններն էլեկտրոնային փոստի միջոցով:

 

Ի դեպ, կայքում կարող եք օգտվել նաև փնտրելու գործառույթից, որի միջոցով հնարավոր է զտել տեղեկատվությունը և գտնել ձեր նախընտրած երկրին, գիտակարգին և հնարավորությանն առնչվող հայտարարություն:

 

Մեզ հետ զրույցում «Արմակադ» ընկերության նախագահ Խաչիկ Գևորգյանն ասաց, որ աշխարհում բոլոր գիտական ուղղություններով այնքան շատ հնարավորություններ կան, որ նույնիսկ նրանք, ովքեր ոչինչ չեն փնտրում ու չեն ուզում մասնակցել որևէ միջազգային գիտակրթական ծրագրի, վստահաբար կգտնեն որևէ տեղեկատվություն, որն անպայման կհետաքրքրի:

 

«Ուզում եմ ասել, որ «Արմակադը» տեղեկացնում է ակադեմիական բոլոր ոլորտներում առկա հնարավորությունների մասին, որոնց պարզապես պետք է դիմել ու մասնակցել։ Բոլոր հետաքրքրվողները կարող են օգտվել «Արմակադից», գրանցվել «Արմակադում» ու միշտ լինել տեղեկացված»,- ասաց Խաչիկ Գևորգյանը։

 

Քնար Միսակյան

Այլ նորություններ
«ԻՐԱՎԱԲԱՆԱԿԱՆ ԿԼԻՆԻԿԱԿԱՆ ԿՐԹՈՒԹՅՈՒՆ. ՄԱՐՏԱՀՐԱՎԵՐՆԵՐԸ ԵՎ ԶԱՐԳԱՑՄԱՆ ՀԵՌԱՆԿԱՐՆԵՐԸ». ԱՇԽԱՏԱԺՈՂՈՎ ԵՊՀ-ՈՒՄ
ԵՊՀ իրավագիտության ֆակուլտետի և Ռաուլ Վալլենբերգի անվան ինստիտուտի համագործակցության շրջանակում այսօր օտարերկրյա գործընկերների մասնակցությամբ անցկացվել է աշխատաժողով՝ նվիրված իրավաբանական կլինիկական կրթության զարգացմանը:
ԱՇՆԱՆԱՅԻՆ ԴՊՐՈՑՆ ԱՄՓՈՓԵՑ ԻՐ ԱՇԽԱՏԱՆՔԸ. ԱՊԱԳԱ ԼՐԱԳՐՈՂՆԵՐԸ ՀԱՎԱՍՏԱԳՐԵՐԸ ՍՏԱՑԱՆ ՀԱՆՐԱՅԻՆ ՀԵՌՈՒՍՏԱԸՆԿԵՐՈՒԹՅՈՒՆՈՒՄ
ԵՊՀ ժուռնալիստիկայի ֆակուլտետի և Հանրային հեռուստաընկերության հետ համատեղ իրականացվող «Հաղորդավարական գործ և եթերային խոսքի մշակույթ» աշնանային դպրոցն այսօր ամփոփեց իր աշխատանքները: