17.03.2021 | 
Կրթություն
ԵՊՀ-ՈՒՄ ՄԱՐՏԻ 17-ԻՑ ԴԱՍԵՐԸ ԿԻՐԱԿԱՆԱՑՎԵՆ ԱՌԿԱ ԵՎ ՀԵՌԱՎԱՐ/ԱՌՑԱՆՑ ՁԵՎԵՐԻ ՄԻԱԺԱՄԱՆԱԿՅԱ ԶՈՒԳԱԿՑՄԱՄԲ
ԵՊՀ-ՈՒՄ ՄԱՐՏԻ 17-ԻՑ ԴԱՍԵՐԸ ԿԻՐԱԿԱՆԱՑՎԵՆ ԱՌԿԱ ԵՎ ՀԵՌԱՎԱՐ/ԱՌՑԱՆՑ ՁԵՎԵՐԻ ՄԻԱԺԱՄԱՆԱԿՅԱ ԶՈՒԳԱԿՑՄԱՄԲ
ԵՊՀ-ում այսօրվանից ուսումնական գործընթացը կազմակերպվելու է առկա և հեռավար/առցանց ձևերի միաժամանակյա զուգակցմամբ՝ հաշվի առնելով կորոնավիրուսային հիվանդության (COVID-19) հետ կապված իրավիճակը:

Ըստ ԵՊՀ ուսումնական գործընթացի կազմակերպական կարգը սահմանելու մասին հրամանի՝ մարտի 17-ից ԵՊՀ բոլոր կրթական ծրագրերով ուսումնական գործընթացն իրականացվելու է առկա և հեռավար ձևերի համադրությամբ. դասախոսություններն անցկացվելու են հեռավար եղանակով, իսկ գործնական պարապմունքները՝ հեռավար կամ առկա եղանակով:

 

Առկա և հեռավար դասընթացները պետք է կազմակերպվեն՝ ըստ դասացուցակի: Դասերի սկիզբը պետք է սահմանել 9:30-ը, տևողությունը՝ 80 րոպե՝ 5 րոպե դասամիջոցով:

 

Հրամանի համաձայն՝ առկա և հեռավար դասընթացների ուսումնական նյութերը հասանելի են լինելու https://e-learning.ysu.am/ հարթակում, որտեղ դասավանդող դասախոսը տեղադրելու է դասընթացի պլանը, իսկ հեռավար դասընթացի դեպքում՝ համապատասխան հղումները:

 

Հեռավար դասընթացներն ու քննություններն (ստուգարքները) անցկացվելու են բացառապես https://e-learning.ysu.am/ հարթակում: Առկա և հեռավար ձևերով դասերի անցկացման օրերը չեն համընկնելու:

 

Քնար Միսակյան

Այլ նորություններ
«ՀԱՅԿԱԿԱՆ ԺԱՌԱՆԳՈՒԹՅՈՒՆՆ ԱՆԻԻ ՏԱՐԱԾԱՇՐՋԱՆՈՒՄ ԵՎ ՀԵՏԵՎԱՆՔՆԵՐԸ ԱՐՑԱԽԻ ՀԱՄԱՐ». ԱՌՑԱՆՑ ՎԵԲԻՆԱՐ
Երևանի պետական համալսարանի ուսանողական գիտական ընկերության նախաձեռնությամբ կայացել է առցանց վեբինար՝ «Հայկական ժառանգությունն Անիի տարածաշրջանում և հետևանքները Արցախի համար» խորագրով:
«ՀՆԴԿԱԿԱՆ ՓԻԼԻՍՈՓԱՅԱԿԱՆ ԴՊՐՈՑՆԵՐ» ԽՈՐԱԳՐՈՎ ԴԱՍԱԽՈՍՈՒԹՅՈՒՆ ԵՊՀ ԱՍՏՎԱԾԱԲԱՆՈՒԹՅԱՆ ՖԱԿՈՒԼՏԵՏՈՒՄ
Երևանի պետական համալսարանի աստվածաբանության ֆակուլտետի «Աճեմյան» գրադարանում այսօր ՈՒԳԸ նախաձեռնությամբ տեղի է ունեցել «Հնդկական փիլիսոփայական դպրոցներ» խորագրով դասախոսություն։