08.04.2019 | 
Գիտություն
ԱԼԵՔՍԱՆԴՐ ԳՐԻԳՈՐՅԱՆԸ ՊԱՐԳԵՎԱՏՐՎԵԼ Է ԵՊՀ ՈՍԿԵ ՄԵԴԱԼՈՎ
ԱԼԵՔՍԱՆԴՐ ԳՐԻԳՈՐՅԱՆԸ ՊԱՐԳԵՎԱՏՐՎԵԼ Է ԵՊՀ ՈՍԿԵ ՄԵԴԱԼՈՎ
ԵՊՀ ռեկտոր Արամ Սիմոնյանը ԵՊՀ ոսկե մեդալով է պարգևատրել ֆիզմաթ. գիտությունների թեկնածու, դոցենտ Ալեքսանդր Գրիգորյանին՝ համալսարանական կրթության կազմակերպման և զարգացման գործում ունեցած պատկառելի ավանդի համար:

Նշենք, որ Ալեքսանդր Գրիգորյանը 2005 թվականից Ակադեմիական ճանաչման և շարժունակության ազգային տեղեկատվական կենտրոնի խորհրդի, իսկ 2006-ից՝ Բոլոնիայի գործընթացի սկզբունքների իրականացման ազգային աշխատախմբի անդամ է:

2008 թվականից նա նաև Տեխնիկայի և տեխնոլոգիաների զարգացման նոր ուղղություններով կադրերի մասնագիտական վերապատրաստման և որակավորման բարձրացման ԱՊՀ երկրների հենքային կազմակերպության խորհրդի, ինչպես նաև Կրթության որակի ապահովման ազգային աշխատախմբի անդամ է:

2015-2019 թթ. եղել է «Մասնագիտական կրթության որակի ապահովման ազգային կենտրոն» հիմնադրամի խորհրդի անդամ:

2009 թվականին պարգևատրվել է Խաչատուր Աբովյանի անվան հայկական պետական մանկավարժական համալսարանի մեդալով և ՀՀ վարչապետի հուշամեդալով:



Հավելենք, որ Ալեքսանդր Գրիգորյանը 2006-2019 թթ. զբաղեցրել է ԵՊՀ ուսումնական աշխատանքների գծով պրոռեկտորի պաշտոնը:

Այլ նորություններ
ԼՈՒՅՍ Է ՏԵՍԵԼ ԱՆԱՀԻՏ ՄԱՆԱՍՅԱՆԻ՝ «ՍԱՀՄԱՆԱԴՐԱԿԱՆ ԿԱՅՈՒՆՈՒԹՅՈՒՆԸ՝ ՈՐՊԵՍ ԿԱՅՈՒՆ ԺՈՂՈՎՐԴԱՎԱՐՈՒԹՅԱՆ ԿԱՐԵՎՈՐԱԳՈՒՅՆ ԳՐԱՎԱԿԱՆ» ՄԵՆԱԳՐՈՒԹՅԱՆ ԱՆԳԼԵՐԵՆ ՏԱՐԲԵՐԱԿԸ
Հրապարակվել է ԵՊՀ սահմանադրական իրավունքի ամբիոնի դոցենտ, իրավ. գիտ. թեկնածու, Արդարադատության ակադեմիայի պրոռեկտոր Անահիտ Մանասյանի՝ «Սահմանադրական կայունությունը՝ որպես կայուն ժողովրդավարության կարևորագույն գրավական» («Constitutional Stability as an Important Prerequisite for Stable Democracy») անգլերեն մենագրությունը:
ՀԱՄԱԳՈՐԾԱԿՑՈՒԹՅԱՆ ՀԱՄԱՁԱՅՆԱԳԻՐ ԵՊՀ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԻ ՈՒ ՄՈՍԿՎԱՅԻ Մ. ԼՈՄՈՆՈՍՈՎԻ ՊԵՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ՄԱՍՆԱՃՅՈՒՂԻ ՄԻՋԵՎ
Երևանի պետական համալսարանի տնտեսագիտության և կառավարման ֆակուլտետի ու Մոսկվայի Մ. Լոմոնոսովի պետական համալսարանի Երևանի մասնաճյուղի միջև այսօր կնքվել է համագործակցության համաձայնագիր։