26.12.2017 | 
Քաղաքականություն
ԱՅՑԵԼՈՒԹՅԱՆ ՆՊԱՏԱԿԸ ՓՈԽՇԱՀԱՎԵՏ ՀԱՄԱԳՈՐԾԱԿՑՈՒԹՅԱՆ ԾԱՎԱԼՈԻՄՆ Է
ԱՅՑԵԼՈՒԹՅԱՆ ՆՊԱՏԱԿԸ ՓՈԽՇԱՀԱՎԵՏ ՀԱՄԱԳՈՐԾԱԿՑՈՒԹՅԱՆ ԾԱՎԱԼՈԻՄՆ Է
Դեկտեմբերի 26-ին ԵՊՀ էր այցելել Իրանի Իսլամական Հանրապետության (ԻԻՀ) արտաքին գործերի նախարարության քաղաքական և միջազգային հետազոտությունների ինստիտուտի պատվիրակությունը:

ԻԻՀ ԱԳՆ քաղաքական և միջազգային հետազոտությունների ինստիտուտի Կովկասի և Կենտրոնական Ասիայի բաժնի վարիչ Ալիռեզա Բիգդելիին ընդունեց ԵՊՀ ռեկտոր Արամ Սիմոնյանը:

 

Հանդիպմանը ներկա էին նաև ԵՊՀ գիտական քաղաքականության և միջազգային համագործակցության գծով պրոռեկտոր Գեղամ Գևորգյանը, Միջազգային համագործակցության վարչության պետ Ալեքսանդր Մարգարովը, Արևելագիտության ֆակուլտետի դեկան Ռուբեն Մելքոնյանն ու ֆակուլտետի Իրանագիտության ամբիոնի վարիչ Վարդան Ոսկանյանը:

 

Իրանի ԱԳՆ-ի արտաքին կապերի ուղղությամբ խոշորագույն հետազոտական կենտրոնի ներկայացուցիչների այցելության նպատակը մեկն էր. երկուստեք փոխշահավետ համագործակցություն սկսել Մայր բուհի հետ:

 

«Իրանագիտությունը ԵՊՀ-ում զարգացած ճյուղերից է, ինչին նպաստում է նաև իրանցի գործընկերների հետ ունեցած մեր գործնական, սերտ ու արդյունավետ հարաբերությունները: Համոզված ենք, որ Հայաստանի բարեկամ պետության հետ բազմաճյուղ կապերը նպաստում են երկու պետությունների զարգացմանն ու բարգավաճմանը»,- նշեց Արամ Սիմոնյանը:

 

ԵՊՀ ռեկտորը հյուրին նաև հակիրճ ներկայացրեց բուհի պատմությունը, ուսումնագիտական գործունեությունը, միջազգային կապերի ուղղությամբ իրականցվող աշխատանքները և այլ մանրամասներ:

 

Ալիռեզա Բիգդելին էլ շնորհակալություն հայտնեց բուհի ղեկավարությանը ջերմ ընդունելության համար և ներկայացրեց հետազոտական ինստիտուտի գործունեությունը, զարգացման հիմնական ուղղությունները, ինչպես նաև մանրամասնեց ԵՊՀ այցելության բուն նպատակը:

 

«Ուրախ ենք, որ հնարավորություն ընձեռվեց այցելելու Մայր բուհ՝ Հայաստանի խոշորագույն կրթական և հետազոտական կենտրոն: Իրան-Հայաստան քաղաքական, տնտեսական ու կրթական փոխգործակցության թեման բավականին լավ է ուսումնասիրվում մեր ինստիտուտում, ուստի վստահ եմ, որ երկու հաստատությունների համար էլ համագործակցության լայն հարթակ կա»,- ասաց հյուրը:

 

Ալիռեզա Բիգդելիին ԵՊՀ իրանագիտության ամբիոնի գործունեության մասին պատմեց ամբիոնի վարիչ Վարդան Ոսկանյանը, որից հետո էլ հյուրն այցելեց Արևելագիտության ֆակուլտետ:

Այլ նորություններ
ԵՊՀ ԱՍՏՎԱԾԱԲԱՆՈՒԹՅԱՆ ՖԱԿՈՒԼՏԵՏԸ ՀԱՅՏԱՐԱՐՈՒԹՅՈՒՆ Է ՏԱՐԱԾԵԼ
Հայաստանյայց Առաքելական Սուրբ և Ուղղափառ Եկեղեցին Քրիստոսավանդ ուսմունք ժառանգած ու պահպանած իր երկհազարամյա պատմության ընթացքում ունեցել է և ունի ուղղափառ դավանանք, հավատարիմ է մնացել եկեղեցական սրբազան ավանդությանը, ստեղծել է քրիստոնեական բազմաշերտ մշակույթ:
ՀԱՅԿ ՍԱՐԳՍՅԱՆԸ ԵՎՍ 5 ՏԱՐԻ ԿՂԵԿԱՎԱՐԻ ՏՆՏԵՍԱԳԻՏՈՒԹՅԱՆ ԵՎ ԿԱՌԱՎԱՐՄԱՆ ՖԱԿՈՒԼՏԵՏԸ
Այսօր ԵՊՀ տնտեսագիտության և կառավարման ֆակուլտետի գիտխորհրդի նիստի օրակարգում մեկ հարց էր՝ ֆակուլտետի դեկանի ընտրություն, որին ներկայացված էին պրոֆեսորներ Հայկ Սարգսյանի և Միքայել Միքայելյանի թեկնածությունները: