28.06.2018 | 
Քաղաքականություն
«ԵՊՀ-ՈՒՄ ԲՈԼՈՐ ԽՆԴԻՐՆԵՐԸ ՊԵՏՔ Է ԼՈՒԾՎԵՆ». ԵՊՀ ՌԵԿՏՈՐԸ ՀԱՆԴԻՊԵԼ Է ԵՊՀ-ՈՒՄ ԳԻՏԱԿՐԹԱԿԱՆ ԲԱՐԵՓՈԽՈՒՄՆԵՐԻ ՆԱԽԱՁԵՌՆՈՒԹՅԱՆ ԱՆԴԱՄՆԵՐԻ ՀԵՏ
«ԵՊՀ-ՈՒՄ ԲՈԼՈՐ ԽՆԴԻՐՆԵՐԸ ՊԵՏՔ Է ԼՈՒԾՎԵՆ». ԵՊՀ ՌԵԿՏՈՐԸ ՀԱՆԴԻՊԵԼ Է ԵՊՀ-ՈՒՄ ԳԻՏԱԿՐԹԱԿԱՆ ԲԱՐԵՓՈԽՈՒՄՆԵՐԻ ՆԱԽԱՁԵՌՆՈՒԹՅԱՆ ԱՆԴԱՄՆԵՐԻ ՀԵՏ
ԵՊՀ ռեկտոր Արամ Սիմոնյանը ընդունել է ԵՊՀ-ում գիտակրթական բարեփոխումների նախաձեռնության անդամներին՝ քննարկելու ԵՊՀ-ում բարեփոխումներ նախաձեռնելու նրանց առաջարկները և դրանց իրականացման մեխանիզմները:

Նախաձեռնության անդամները ԵՊՀ ռեկտորին են ներկայացրել արդեն տևական ժամանակ ԵՊՀ-ի իրենց գործընկերների հետ քննարկումների արդյունքում վերհանված ու օպերատիվ լուծման կարիք ունեցող խնդիրները, կարծիք հայտնել ԵՊՀ-ում կրթական գործընթացի արդյունավետության ու թիրախայնության բարձրացման, կրթական գործընթացում ուսանողներին  գործնական հմտություններ փոխանցելու կարևորության վերաբերյալ:

 

Հանդիպման ժամանակ քննարկվել են դասախոսական անձնակազմի աշխատավարձերի ավելացման, ԵՊՀ-ում գիտական կենտրոնների ստեղծման, նրանց գործունեության մեջ ուսանողների ներգրավման կարևորության, կրթություն-աշխատաշուկա կապի ամրապնդման հարցեր:

 

Ընդունելով առաջադրված խնդիրներից մի մասի օպերատիվ լուծման անհրաժեշտությունը և արդիականությունը՝ ռեկտոր Ա.Սիմոնյանը կարևորել է բարեփոխումների անհրաժեշտությունը և այժմեականությունը, դրական է գնահատել նախաձեռնությունը և կարծիք հայտնել նման հանդիպում-քննարկումների շարունակականության անհրաժեշտության մասին:

Այլ նորություններ
«ԵՊՀ 100-ԱՄՅԱԿԻ ԿԱՌԱՎԱՐԱԿԱՆ ՀԱՆՁՆԱԺՈՂՈՎ ՉԻ ԿԱԶՄՎՈՒՄ, ՈՐՈՎՀԵՏԵՎ ՈՒԶՈՒՄ ԵՆ ԵՊՀ ՈՒՐԻՇ ՌԵԿՏՈՐԻ ՀԵՏ ՆՇԵԼ ԱՅԴ ՏՈՆԸ». ԵՊՀ ՌԵԿՏՈՐԸ ԳԻՏԽՈՐՀՐԴԻՆ ՊԱՏՄԵԼ Է ԻՐ ՀԱՆԴԵՊ ՃՆՇՈՒՄՆԵՐԻ ՄԱՍԻՆ
Արամ Սիմոնյանն այսօր հրավիրել է ԵՊՀ գիտխորհրդի արտահերթ նիստ, որի ժամանակ ԵՊՀ ռեկտորը հայտարարել է գործադրվող ճնշումների մասին: