18.03.2022 | 
Հասարակություն
ՀՀ-ՈՒՄ ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆՆ ԱՅՑԵԼԵԼ Է ԵՊՀ
ՀՀ-ՈՒՄ ՆԻԴԵՐԼԱՆԴՆԵՐԻ ԹԱԳԱՎՈՐՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆՆ ԱՅՑԵԼԵԼ Է ԵՊՀ
ԵՊՀ ռեկտոր Հովհաննես Հովհաննիսյանն այսօր հանդիպել է ՀՀ-ում Նիդերլանդների Թագավորության արտակարգ և լիազոր դեսպան Նիկո Սխերմերսի հետ՝ քննարկելու երկկողմ համագործակցության ամրապնդմանն ուղղված քայլերն ու զարգացման հնարավորությունները:

Ողջունելով դեսպանին՝ Հովհաննես Հովհաննիսյանը նրան ներկայացրեց ԵՊՀ-ի կառուցվածքը, գործունեության ուղղությունները, ինչպես նաև բուհի զարգացմանն ու միջազգայնացմանն ուղղված ծրագրերը:

 

Ռեկտորի հավաստմամբ, ԵՊՀ-ում իրականացվող բարեփոխումների նպատակը կրթության որակն էլ ավելի բարձրացնելը, նորարար հետազոտությունների խթանումն ու տեղական և միջազգային աշխատաշուկաներում մրցունակ կադրեր պատրաստելն է:

 

 

ԵՊՀ միջազգային համագործակցության վարչության պետ Ալեքսանդր Մարգարովն էլ ներկայացրեց Նիդերլանդների Թագավորության բուհերի հետ ԵՊՀ-ի ունեցած համագործակցային կապերը և փաստեց, որ համալսարանը պատրաստ է ընդլայնել փոխգործակցությունը և հաստատել գործընկերային նոր հարաբերություններ:

 

Արտակարգ և լիազոր դեսպան Նիկո Սխերմերսը նշեց, որ տպավորված է համալսարանի ակտիվ գործունեությամբ, նաև ասաց, որ իրենք պատրաստ են աջակցել նոր կապերի հաստատմանը և համատեղ ծրագրերի իրագործմանը:

 

 

Հանդիպման ժամանակ կողմերը քննարկեցին կոնկրետ ուղղություններ և ծրագրեր, որոնց շրջանակում կարող են հաստատվել համագործակցային նոր կապեր տարբեր կառույցների հետ՝ նպաստելով երկու երկրների միջև ակադեմիական ու մշակութային առավել արդյունավետ հաղորդակցմանը:

 

Այլ նորություններ
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ․ ՄԱՍ 2-ՐԴ
Համալսարանականները շարունակում են ամփոփել անցնող տարվա ընթացքում կատարած աշխատանքներն ու գրանցած հաջողությունները։ Տարին մշակութային էր, ԵՊՀ ուսանողների և շրջանավարտների համար՝ հագեցած աշխատանքի առաջարկներով։
ՀԱՄԱԼՍԱՐԱՆԱԿԱՆՆԵՐՆ ԱՄՓՈՓՈՒՄ ԵՆ ԱՆՑՆՈՂ ՏԱՐԻՆ. ՄԱՍ 1-ԻՆ
Ավարտվում է 2022 թվականը, և համալսարանականները ներկայացնում են անցնող տարվա ընթացքում գրանցված հաջողություններն ու ձեռքբերումները, ինչպես նաև անդրադառնում ապագայի ծրագրերին։ Հաջողությունները եղել են բոլոր ուղղություններով՝ գիտականից մինչև ֆինանսական։