29.11.2018 | 
Հասարակություն
ՉԻՆԱՍՏԱՆԻ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆԸ ՊԱՐԳԵՎԱՏՐԵԼ Է ԵՊՀ ՈՒՍԱՆՈՂՆԵՐԻՆ
ՉԻՆԱՍՏԱՆԻ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆԸ ՊԱՐԳԵՎԱՏՐԵԼ Է ԵՊՀ ՈՒՍԱՆՈՂՆԵՐԻՆ
«Հայ-չինական բարեկամություն հիմնադրամ» դպրոցում նոյեմբերի 28-ին տեղի ունեցավ Հայաստանում Չինաստանի Ժողովրդական Հանրապետության դեսպանատան կողմից առաջին անգամ կազմակերպած պարգևատրման պաշտոնական արարողությունը:

Հայաստանի Հանրապետությունում Չինաստանի արտակարգ և լիազոր դեսպան Թիան Էրլունը չինարենի ուսումնասիրման ոլորտում ունեցած հաջողությունների և դրսևորած ակտիվության համար պատվոգրեր և գումարային պարգևներ հանձնեց տարբեր բուհերի ուսանողների, որոնցից երեքը ԵՊՀ-ից էին:



ԵՊՀ-ից պարգևների արժանացան Միջազգային հարաբերությունների ֆակուլտետի միջազգային հարաբերությունների և դիվանագիտության բաժնի չորրորդ կուրսի ուսանողներ Օֆելյա Զաքարյանը, Արսեն Հովհաննիսյանը և երրորդ կուրսի ուսանողուհի Մանե Գասպարյանը:

Դեսպանատան անունից չինարենի դասավանդման մեջ ունեցած մեծ ներդրման համար նաև պարգևատրվեցին երկու տեղացի դասախոսներ` Հռիփսիմե Մարգարյանը և Ասյա Սամվելյանը:

Դեսպան Թիան Էրլունը միջոցառման ընթացքում խոսեց հայ-չինական բարեկամական հարաբերությունների և դրանց խորացման հեռանկարների մասին: Նա նշեց, որ վերջին շրջանում մեծացել է առևտրաշրջանառության ծավալը Հայաստանի Հանրապետության և Չինաստանի Ժողովրդական Հանրապետության միջև և ակտիվացել է զբոսաշրջությունը:

Դեսպանն ուրախությամբ հավելեց նաև, որ Հայաստանում մեծ է և տարեցտարի ավելի է մեծանում հետաքրքրությունը չինարենի և չինական մշակույթի նկատմամբ: Վերջում ԵՊՀ միջազգային հարաբերությունների ֆակուլտետի չինարեն լեզվի և մշակույթի կենտրոնի ղեկավար Արթուր Իսրայելյանը ԵՊՀ ուսանողներին հանձնեց դրամական պարգևները:

 

Պատրաստեց Մարինա Առաքելյանը 

Այլ նորություններ
ԵՊՀ-ՈՒՄ ՏԵՂԻ Է ՈՒՆԵՆԱԼՈՒ «ՑԵՂԱՍՊԱՆԱԳԻՏՈՒԹՅԱՆ ԶԱՐԳԱՑՄԱՆ ԺԱՄԱՆԱԿԱԿԻՑ ՄԻՏՈՒՄՆԵՐԸ» ԽՈՐԱԳՐՈՎ ԵՐԻՏԱՍԱՐԴԱԿԱՆ ԳԻՏԱԺՈՂՈՎ
Երևանի պետական համալսարանի հայագիտական հետազոտությունների ինստիտուտի ջանքերով 2019 թ. ապրիլի 18-19-ին տեղի է ունենալու «Ցեղասպանագիտության զարգացման ժամանակակից միտումները» խորագրով երիտասարդական գիտաժողով, որին կարող են մասնակցել ՀՀ, ԱՀ և արտասահմանյան բուհերի ու գիտահետազոտական կենտրոնների բարձր կուրսերի ուսանողները, մագիստրանտները և ասպիրանտները:
ԵՊՀ ՈՒՍԱՆՈՂՆԵՐԸ՝ ՄԻՋԱԶԳԱՅԻՆ ՀՐԱՊԱՐԱԿԱԽՈՍԱԿԱՆ ՄՐՑՈՒՅԹԻ ԵԶՐԱՓԱԿՉՈՒՄ
ԵՊՀ միջազգային հարաբերությունների ֆակուլտետի ուսանողները մասնակցել են մարտի 13-15-ը Երևանում տեղի ունեցած «English-Speaking Union» միջազգային կազմակերպության ամենամյա հրապարակախոսական մրցույթին (Հայաստանի մասնաճյուղն է «Shakespeare Club English-Speaking Association»):