14.02.2020 | 
Հասարակություն
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ի ՀԱՅՏԱՐԱՐՈՒԹՅՈՒՆԸ՝ ԱԱԾ ԱՅՍՕՐՎԱ ՀԱՂՈՐԴԱԳՐՈՒԹՅԱՆ ՎԵՐԱԲԵՐՅԱԼ
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒԽ-Ի ՀԱՅՏԱՐԱՐՈՒԹՅՈՒՆԸ՝ ԱԱԾ ԱՅՍՕՐՎԱ ՀԱՂՈՐԴԱԳՐՈՒԹՅԱՆ ՎԵՐԱԲԵՐՅԱԼ
ԵՊՀ իրավագիտության ֆակուլտետի ուսանողական խորհուրդն իր մտահոգությունն է հայտնում այսօր ԱԱԾ-ի կողմից տարածված հաղորդագրության վերաբերյալ։

ԵՊՀ իրավագիտության ֆակուլտետի ուսանողական խորհուրդը հայտնում է իրավագիտության ֆակուլտետի ուսանողության խորը մտահոգությունը և անհանգստությունը ՀՀ ազգային անվտանգության ծառայության կողմից 14.01.2020 թ. տարածված հաղորդագրության կապակցությամբ, որտեղ հանիրավի թիրախավորվում է Իրավագիտության ֆակուլտետի ուսանողը` որպես ենթադրյալ կաշառք տվող, այնպիսի պայմաններում, երբ նույն հաղորդագրությամբ ենթադրյալ կոռուպցիոն դեպքի առթիվ որևէ այլ անձի կամ ֆակուլտետի անուն չի մատնանշվում:

 

Տպավորություն է ստեղծվում, որ այդ հաղորդագրությունը հստակ նպատակ է հետապնդել իրավական անորուշության պայմաններում, ի դեմս Իրավագիտության ֆակուլտետի ուսանողի, վարկաբեկելու ֆակուլտետի ողջ ուսանողությանը:

 

Գտնում ենք, որ ԱԱԾ-ի կողմից նման մոտեցումը անհարկի արատավորում է ֆակուլտետի ուսանողության բարի համբավը, մասնագիտական արժանապատվությունը, վարկաբեկում է վերջիններիս համալսարանական և արտահամալսարանական միջավայրում:

 

Հաշվի առնելով վերոշարադրյալը` հորդորում ենք ԱԱԾ-ին զերծ մնալ այնպիսի հաղորդագրությունների տարածումից, որոնք կարող են անդեմ կերպով պիտակավորել Իրավագիտության ֆակուլտետի ուսանողությանը:

 

ԵՊՀ իրավագիտության ֆակուլտետի ուսանողական խորհուրդ

Այլ նորություններ
 «ՏՆՏԵՍՈՒԹՅՈՒՆԸ ԶԱՐԳԱՑՆԵԼՈՒ ԵՎ ԱՅՆ ՃԳՆԱԺԱՄԻ ՉՀԱՍՑՆԵԼՈՒ ՀԱՄԱՐ ԱՆՀՐԱԺԵՇՏ Է ՀԱՍԱՐԱԿՈՒԹՅԱՆ ԱՋԱԿՑՈՒԹՅՈՒՆԸ». ՀԱՅԿ ՄՆԱՑԱԿԱՆՅԱՆ
Համավարակի հետևանքով տնտեսության և դրա ոլորտների առջև ծառացած խնդիրների ու դրանց լուծման հնարավոր ճանապարհների մասին զրուցել ենք ԵՊՀ տնտեսագիտության և կառավարման ֆակուլտետի ֆինանսահաշվային ամբիոնի վարիչ Հայկ Մնացականյանի հետ։
ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆԻ ՀԻՄՆԱԴՐՄԱՆ 101-ՐԴ ՏԱՐԵԴԱՐՁԻՆ ԸՆԴԱՌԱՋ
Երևանի համալսարանի հիմնադրումը հայ ժողովրդի նորագույն պատմության կարևորագույն իրադարձություններից էր: Այն, ըստ էության, իրականացրեց մեր ժողովրդի կրթության ու լուսավորության ձգտումներն ու երազանքները: