12.11.2021 | 
Ուսանողական
ԽԹԱՆԵԼ ՈՒՍԱՆՈՂՆԵՐԻ ԳԻՏԱԿԱՆ ԳՈՐԾՈՒՆԵՈՒԹՅՈՒՆԸ ԵՎ ՍՏԵՂԾԵԼ ՀՆԱՐԱՎՈՐՈՒԹՅՈՒՆ՝ ՆԵՐԿԱՅԱՑՆԵԼՈՒ ԱՇԽԱՏԱՆՔՆԵՐԸ. ՏԵՂԻ Է ՈՒՆԵՑԵԼ ՍՈՑԻՈԼՈԳԻԱՅԻ ՖԱԿՈՒԼՏԵՏԻ ՈՒԳԸ ԱՄԵՆԱՄՅԱ ԳԻՏԱԺՈՂՈՎԸ
ԽԹԱՆԵԼ ՈՒՍԱՆՈՂՆԵՐԻ ԳԻՏԱԿԱՆ ԳՈՐԾՈՒՆԵՈՒԹՅՈՒՆԸ ԵՎ ՍՏԵՂԾԵԼ ՀՆԱՐԱՎՈՐՈՒԹՅՈՒՆ՝ ՆԵՐԿԱՅԱՑՆԵԼՈՒ ԱՇԽԱՏԱՆՔՆԵՐԸ. ՏԵՂԻ Է ՈՒՆԵՑԵԼ ՍՈՑԻՈԼՈԳԻԱՅԻ ՖԱԿՈՒԼՏԵՏԻ ՈՒԳԸ ԱՄԵՆԱՄՅԱ ԳԻՏԱԺՈՂՈՎԸ
ԵՊՀ սոցիոլոգիայի ֆակուլտետի ՈՒԳԸ-ի նախաձեռնությամբ այսօր անցկացվել է ամենամյա երիտասարդական գիտաժողովը, որն այս տարի նվիրված է ֆակուլտետի հիմնադրման 17-ամյակին:

Մեզ հետ զրույցում Սոցիոլոգիայի ֆակուլտետի ՈՒԳԸ նախագահ Արմինե Ղալամդարյանն ասաց, որ ավանդույթ դարձած գիտաժողովը համախմբում է ֆակուլտետի ուսանողներին՝ հնարավորություն տալով վերջիններիս ներկայացնելու սեփական հետազոտական վերջին ձեռքբերումները:

 

Արմինե Ղալամդարյանը փաստեց, որ գիտաժողովին զեկուցումներով հանդես գալու համար մասնակիցները նախապես գրանցվել են, իսկ այսօր արդեն դրանք առցանց ներկայացրել թեմատիկ 5 ուղղություններում՝ սոցիոլոգիա, սոցիալական աշխատանք, կոնֆլիկտաբանություն, հասարակայնության հետ կապեր և
մարդկային ռեսուրսների կառավարում:

 

Ամենամյա երիտասարդական գիտաժողովի մեկնարկին մասնակիցներին ողջունել են Սոցիոլոգիայի ֆակուլտետի դեկան Արթուր Մկրտիչյանը և ՈՒԳԸ նախագահը՝ մաղթելով արդյունավետ աշխատանք:

 

Ինչպես ամեն տարի, այս տարի նույնպես գիտաժողովը մրցութային էր՝ 3 անվանակարգով: Ֆակուլտետի պրոֆեսորադասախոսական կազմի ներկայացուցիչներից կազմված հանձնաժողովը հնչած 13 զեկուցումներից ընտրել է լավագույն երեքը:

 

Ֆակուլտետի դեկանը բոլոր մասնակիցներին հանձնել է հավաստագրեր, իսկ հաղթողներին՝ խորհրդանշական նվերներ: Բացի դրանից, ինչպես տեղեկացրեց Արմինե Ղալամդարյանը, այսօր հնչած լավագույն զեկուցումներն առաջիկայում տպագրելու հնարավորություն կընձեռվի:

 

Քնար Միսակյան

 

Այլ նորություններ
«ԵՊՀ-ՈՒՄ Է ԳՈՐԾՈՒՄ ԻՐԱՆԱԳԻՏՈՒԹՅԱՆ ԼԱՎԱԳՈՒՅՆ ԴՊՐՈՑՆԵՐԻՑ ՄԵԿԸ». ԵՊՀ ՇՐՋԱՆԱՎԱՐՏ ՇՈՒՇԱՆ ԱԶԱՏՅԱՆ
ԵՊՀ արևելագիտության ֆակուլտետի իրանագիտության բաժնի շրջանավարտ Շուշան Ազատյանը վերջերս ավարտել է Թեհրանի Շահիդ Բեհեշթի համալսարանի ասպիրանտուրան (PhD)՝ ստանալով լեզվաբանության դոկտորի աստիճան: Նա վստահեցնում է, որ իրանագիտության լավագույն դպրոցներից մեկը գործում է ԵՊՀ-ում, և հենց ԵՊՀ-ն է նպաստել իր կրթության շարունակականությանը: Մայր բուհի շրջանավարտի հետ զրուցել ենք Թեհրանում ունեցած իր փորձառության և հետագա անելիքների մասին:
«ԵՊՀ-Ն ԻՆՁ ԸՆՁԵՌԵԼ Է ՈՉ ՄԻԱՅՆ ԳԻՏԵԼԻՔՆԵՐ, ԱՅԼԵՎ ԱՐՏԵՐԿՐԻ ՀԵՂԻՆԱԿԱՎՈՐ ԲՈՒՀԵՐԻՑ ՄԵԿՈՒՄ ՍՈՎՈՐԵԼՈՒ ՀՆԱՐԱՎՈՐՈՒԹՅՈՒՆ». ՖԻԶԻԿԱՅԻ ՖԱԿՈՒԼՏԵՏԻ ՇՐՋԱՆԱՎԱՐՏ ՎԱՀԱԳՆ ՄՈՒՐԱԴՅԱՆ
Համալսարանական Վահագն Մուրադյանը ԵՊՀ ֆիզիկայի ֆակուլտետում ձեռք է բերել ոչ միայն մասնագիտական հիմնարար գիտելիքներ և վերլուծական մտածողություն, որոնք նրան հնարավորություն են ընձեռել սովորելու արտերկրի հեղինակավոր բուհերից մեկում, այլև ուսանողական տարիների անփոխարինելի հուշեր և ընկերներ: